കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സോണിയ എത്തുന്നു, യുഡിഎഫ് ആവേശത്തില്‍

  • By Soorya Chandran
Google Oneindia Malayalam News

കോഴിക്കോട്: ഏപ്രില്‍ 10 ന് കേരളം പോളിങ് ബൂത്തിലേക്ക് നീങ്ങും. യുപിഎയുടെ ഭരണ തുടര്‍ച്ച തേടി പ്രചാരണത്തിനായി ഇത്തവണ കോണ്‍ഗ്രസ് അധ്യക്ഷ സോണിയ ഗാന്ധിയും പ്രചാരണത്തിനെത്തുന്നു. തൃശൂരും കോഴിക്കോടും ആണ് സോണിയ ഗാന്ധി പ്രസംഗിക്കുക.

ഏപ്രില്‍ ഏഴിന് വൈകീട്ട് നാലുമണിക്കാണ് സോണിയ തൃശൂരില്‍ എത്തുക. കുട്ടനെല്ലൂരില്‍ ഹെലികോപ്റ്ററില്‍ എത്തുന്ന സോണിയ തേക്കിന്‍കാട് മൈതാനിയില്‍ പ്രസംഗിക്കും. പിന്നീട് ഹെലി കോപ്റ്ററിലേറി കോഴിക്കോട്ടേക്ക് തിരിക്കും.

Sonia Gandh

കോഴിക്കോട് വെസ്റ്റ് ഹില്ലില്‍ വൈകീട്ട് ആറ് മണിയോടെ സോണിയ ഗാന്ധി എത്തുമെന്നാണ് പ്രതീക്ഷിക്കപ്പെടുന്നത്. കോഴിക്കോട് കടപ്പുറത്ത് നടക്കുന്ന പരിപാടിയിലാണ് സോണിയ ഗാന്ധി പ്രസംഗിക്കുക. വന്‍ സുരക്ഷാ സന്നാഹങ്ങളാണ് സോണിയയുടെ വരവ് പ്രമാണിച്ച് തൃശൂരും കോഴിക്കോടും ഒരുക്കിയിരിക്കുന്നത്.

തൃശൂരില്‍ നടക്കുന്ന പ്രചാരണ സമ്മേളനത്തില്‍ തെക്കന്‍ കേരളത്തില്‍ നിന്നുള്ള എല്ലാ യുഡിഫ് സ്ഥാനാര്‍ത്ഥികളും പങ്കെടുക്കും എന്നാണ് വിവരം. കോഴിക്കോട്ടെ പരിപാടിയില്‍ വടക്കന്‍ കേരളത്തിലെ സ്ഥാനാര്‍ത്ഥികളും പങ്കെടുക്കും. മുഖ്യമന്ത്രിയും ആഭ്യന്തര മന്ത്രിയും കെപിസിസി അധ്യക്ഷന്‍ വിഎം സുധീരനും സോണിയക്കൊപ്പം തൃശൂരിലേയും കോഴിക്കോട്ടേയും പരിപാടികളില്‍ പങ്കെടുക്കുന്നുണ്ട്.

കോഴിക്കോട് നഗരവും, ബീച്ച് പരിസരവും സോണിയ ഗാന്ധിക്ക് സ്വാഗതം ആശംസിച്ചുകൊണ്ടുള്ള ഫ്‌ലക്‌സുകള്‍കൊണ്ട് നിറഞ്ഞിരിക്കുകയാണ്. നഗരത്തില്‍ രാവിലെ മുതലേ ശക്തമായ പോലീസ് സാന്നിധ്യവും ഉണ്ട്.

English summary
Sonia Gandhi will deliver election speech at Thrissur and Kozhikkode.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X