അമ്മയുടെ കാമുകനെ മക്കള്‍ അടിച്ചുകൊന്നു

രാജ്‌കോട്ട്: അമ്മയുടെ കാമുകനെ രണ്ട് ആണ്‍മക്കള്‍ ചേര്‍ന്ന് അടിച്ചുകൊന്നു. ഗുജറാത്തിലെ രാജ്‌കോട്ട് ജില്ലയില്‍ കാന വാഡലയിലാണ് സംഭവം നടന്നത്. ബിക്ക മക്വാന എന്ന എന്ന 37 കാരനാണ് കൊല്ലപ്പെട്ടത്. കാന വാഡല ഗ്രാമത്തിലെ താമസക്കാരനാണ് ഇയാള്‍. വ്യാഴാഴ്ച ഉച്ചയ്ക്ക് ശേഷമായിരുന്നു സംഭവം.

കാന വാഡലയിലെ ആളൊഴിഞ്ഞ പ്രദേശത്ത് വെച്ച് വ്യാഴാഴ്ച ഉച്ചയ്ക്ക് ശേഷമാണ് മക്വാനയെ കൊലപ്പെടുത്തിയത് എന്ന് പോലീസ് പറഞ്ഞു. സഹോദരന്മാരായ രാജേഷ് മഹിദയും നിലേഷ് മഹിദയും ചേര്‍ന്ന് മക്വാനയെ മര്‍ദ്ദിക്കുകയായിരുന്നു. ഇവരോടൊപ്പം കൂട്ടുകാരനായ രമ്പായിയും ഉണ്ടായിരുന്നത്രെ. ഉപ്ലേട്ട താലൂക്കിലെ വഡാലി ഗ്രാമത്തിലാണ് രമ്പായി താമസിക്കുന്നത്.

അടിയേറ്റ് ഗുരുതരമായി പരിക്കേറ്റ മക്വാനയെ ധൊരാജിയിലെ ഒരു സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ആശുപത്രിയില്‍ വെച്ച് ഇയാള്‍ മരണത്തിന് കീഴടങ്ങുകയായിരുന്നു. രാജേഷ് - നിലേഷ് എന്നിവരുടെ അമ്മയുമായി മക്വാന കഴിഞ്ഞ അഞ്ച് വര്‍ഷത്തോളമായി ബന്ധത്തിലായിരുന്നത്രെ. ഈ ബന്ധം മക്കള്‍ക്ക് ഇഷ്ടമായിരുന്നില്ല.

കൊല്ലപ്പെട്ട ബിക്ക മക്വാനയുടെ സഹോദരന്‍ വിനോദ് മക്വാന പോലീസില്‍ പരാതി നല്‍കി. രാജേഷ് - നിലേഷ് എന്നിവരുടെ അമ്മയുയും പോലീസില്‍ പരാതി നല്‍കിയിട്ടുണ്ട്. ബിക മക്വാന തന്നെ ബലാത്സംഗം ചെയ്തു എന്നാണ് ഇവരുടെ പരാതി. തന്നെയും മക്കളെയും ഇയാള്‍ കൊല്ലുമെന്ന് ഭീഷണിപ്പെടുത്തിയെന്നും ഇവര്‍ പരാതിയില്‍ പറയുന്നു. കൊല്ലപ്പെട്ട ബിക മക്വാനയ്‌ക്കെതിരെയും പോലീസ് കേസെടുത്തിട്ടുണ്ട്.

English summary

Sons kills mother's paramour in Rajkot village in Gujarat.