ദക്ഷിണേന്ത്യയെ ചതിച്ച് വേനൽ മഴ; പെയ്തത് പകുതി മാത്രം, നടുവൊടിഞ്ഞ് കാർഷിക രംഗം
ഹൈദരാബാദ്: രാജ്യത്ത് ഏറ്റവും കുറഞ്ഞ വേനല് മഴ ലഭിച്ചത് ദക്ഷിണേന്ത്യയിലെന്ന് റിപ്പോര്ട്ട്. സ്വകാര്യ കാലാവസ്ഥാ നിരീക്ഷണ ഏജന്സിയായ സ്കൈമെറ്റ് നടത്തിയ പഠന റിപ്പോര്ട്ടിലാണ് ദക്ഷിണേന്ത്യയില് ഇത്തവണ ലഭിച്ച വേനല്മഴയില് 47 ശതമാനം കുറവുള്ളതായി കണ്ടെത്തിയിരിക്കുന്നത്. മാര്ച്ച് മാസം മുതല് മെയ് മാസം വരെയുള്ള കാലയളവിലെ മഴയുടെ അളവാണ് കണക്കാക്കിയിരിക്കുന്നത്. സ്കൈമേറ്റിന്റെ കണക്കു പ്രകാരം, 2009 ല് രാജ്യത്ത് വരള്ച്ചയുണ്ടായപ്പോഴുള്ള സമാന അവസ്ഥയാണ് ഇപ്പോഴുള്ളത്.
രാജ്യത്തിന്റെ വടക്ക്-പടിഞ്ഞാറ്, മധ്യ, കിഴക്ക്, വടക്കുകിഴക്കന് മേഖലകളില് യഥാക്രമം 30, 18, 14 ശതമാനം വീതമാണ് വേനല്മഴ രേഖപ്പെടുത്തിയിരിക്കുന്നത്. കഴിഞ്ഞ 65 വര്ഷത്തിനിടയില് ഉണ്ടായ രണ്ടാമത്തെ ഏറ്റവും കുറഞ്ഞ വേനല് മഴയാണ് ഇത്തവണത്തേതെന്നും റിപ്പോര്ട്ടില് പറയുന്നു. 2012 ല് രാജ്യത്താകമാനമുള്ള മഴക്കുറവ് 31 ശതമാനമായിരുന്നു.
'2019 ലെ പ്രീ-മണ്സൂണ് മഴ 2009-ലേത് പോലെ തന്നെയാണ് പെയ്തത്. അതായത് രണ്ട് വര്ഷങ്ങളിലും 25 ശതമാനം കുറവ് രേഖപ്പെടുത്തിയിരിക്കുന്നു. രണ്ട് വര്ഷങ്ങള്ക്കിടയിലെ പ്രധാന സാദൃശ്യമെന്തെന്നാല് രണ്ടും എല്നിനോ വര്ഷങ്ങളായിരുന്നു. അതുകൊണ്ട് തന്നെ മഴയുടെ ലഭ്യതയിലും ഇതേ പാറ്റേണ് തന്നെയായിരിക്കുമെന്നും സ്കൈമെറ്റ് പറയുന്നു.
മേയ് ഒന്നിനും മെയ് 31 നും ഇടയ്ക്ക് ലഭിക്കുന്ന പ്രീ മണ്സൂണ് മഴയില് 25 ശതമാനം കുറവ് വരുമെന്ന് ഇന്ത്യന് കാലാവസ്ഥ നിരീക്ഷണ കേന്ദ്രം അറിയിച്ചിരുന്നു. സാധാരണയായി വേനല് മഴയ്ക്ക് ശേഷം കര്ഷകര്ക്ക് നിലം ഒരുക്കാനും നെല്ല്, നിലക്കടല, കരിമ്പ് എന്നിവ നടാനുമുള്ള അവസരം ലഭിക്കുമായിരുന്നു. എന്നാല് കഴിഞ്ഞ കുറേ വര്ഷങ്ങളായി മഴയില് ക്രമേണ കുറവുണ്ടായത് കൃഷഷിക്കാരെ വന് ദുരിതത്തിലാക്കിയിരിക്കുകയാണ്. ഇവര് ഇപ്പോള് പ്രധാനമായി ആശ്രയിക്കുന്നത് ഭൂഗര്ഭജലത്തെയാണെന്ന് ആചാര്യ എന് ജി രംഗറാവു കാര്ഷിക സര്വകലാശാലയുടെ പ്രിന്സിപ്പല് വിദഗ്ധന് ഡോ ടി പ്രതിമ പറയുന്നു.
കാലാവസ്ഥാ വകുപ്പിന്റെ കണക്കു പ്രകാരം ഏറ്റവും കുറവ് വേനല്മഴ ലഭിച്ച സംസ്ഥാനം തെലങ്കാനയാണ്. തൊട്ടുപിറകെ തമിഴ്നാട്, ആന്ധ്രപ്രദേശ്, മഹാരാഷ്ട്ര, ബീഹാര്, ഗുജറാത്ത്, ജാര്ഖണ്ഡ്, കര്ണാടക, രാജസ്ഥാന് എന്നീ സംസ്ഥാനങ്ങളാണ്. വിദഗ്ധരുടെ അഭിപ്രായപ്രകാരം 500 ദശലക്ഷം ആളുകളെയാണ് ഇത് ബാധിക്കാന് പോകുന്നത്.
-
ഒമാനില് മിന്നല്പ്രളയം.. രണ്ട് മലയാളികള് മരിച്ചു; അതിശക്തമായ മഴ മുന്നറിയിപ്പ് -
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
ഉടൻ ശസ്ത്രക്രിയക്ക് വിധേയമാകണമെന്നാണ് ഡോക്ടർ അറിയിച്ചത്;രോഗാവസ്ഥ പങ്കുവെച്ച് നടൻ കണ്ണൻ സാഗർ -
സ്വര്ണവില റെക്കോഡ് തിരുത്തിയെഴുതും.. വിചാരിച്ചതിലും വേഗത്തില് തന്നെ..! അവലോകനം ഇങ്ങനെ -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട്
Click it and Unblock the Notifications
Sign in with Google