കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മഹാരാഷ്ട്രയില്‍ വേറിട്ട നീക്കം.. എസ്പി കോണ്‍ഗ്രസുമായി കൈകോര്‍ക്കുന്നു? വിട്ട് നിന്ന് ബിഎസ്പി

Google Oneindia Malayalam News

മുംബൈ: ബദ്ധവൈരികളാണെങ്കിലും ബിജെപിയെ പുറത്തുനിര്‍ത്തുകയെന്ന ഉദ്ദേശത്തിലാണ് ഇക്കഴിഞ്ഞ ലോക്സഭ തിരഞ്ഞെടുപ്പില്‍ എസ്പിയും ബിഎസ്പിയും യുപിയില്‍ കൈകോര്‍ത്തത്. കോണ്‍ഗ്രസിനെ പുറത്ത് നിര്‍ത്തിയായിരുന്നു സഖ്യം. എന്നാല്‍ തിരഞ്ഞെടുപ്പില്‍ സഖ്യം പാളിയെന്ന് മാത്രമല്ല ബിജെപി ബഹുദൂരം മുന്നേറുകയും ചെയ്തു. ഇതോടെ അഖിലേഷിന്‍റെ എസ്പിയുമായുള്ള സഖ്യം അവസാനിപ്പിച്ചതായി മായാവതി പ്രഖ്യാപിച്ചു. യുപിയില്‍ വരാന്‍ ഇരിക്കുന്ന ഉപതിരഞ്ഞെടുപ്പിലും നിയമസഭ തിരഞ്ഞെടുപ്പ് നടക്കാനിരിക്കുന്ന മഹാരാഷ്ട്രയിലും ഇരുപാര്‍ട്ടികളും തനിച്ചാകും മത്സരിച്ചേക്കുക.

ബംഗാളില്‍ ബിജെപിക്ക് പലിശ സഹിതം മറുപടിയുമായി ദീദി; 10 നേതാക്കളെ തിരിച്ചെത്തിച്ചുബംഗാളില്‍ ബിജെപിക്ക് പലിശ സഹിതം മറുപടിയുമായി ദീദി; 10 നേതാക്കളെ തിരിച്ചെത്തിച്ചു

അമേതസമയം ബിഎസ്പി സഖ്യം അടഞ്ഞതോടെ മഹാരാഷ്ട്രയില്‍ മറ്റൊരു ചുവടുമാറ്റത്തിനാണ് അഖിലേഷ് ശ്രമിക്കുന്നത്. കോണ്‍ഗ്രസ്-എന്‍സിപി കൂട്ടുകെട്ടിനൊപ്പം സഖ്യ സാധ്യത തേടുകയാണ് സമാജ്വാദി പാര്‍ട്ടി. വിശദാംശങ്ങള്‍ ഇങ്ങനെ

 10 സീറ്റുകള്‍

10 സീറ്റുകള്‍

ഈ വര്‍ഷം അവസാനമാണ് മഹാരാഷ്ട്രയില്‍ നിയമസഭ തിരഞ്ഞെടുപ്പ് നടക്കുന്നത്. നിലവില്‍ ഒരു സീറ്റാണ് എസ്പിക്ക് മഹാരാഷ്ട്ര നിയമസഭയില്‍ ഉള്ളത്. തിരഞ്ഞെടുപ്പില്‍ കോണ്‍ഗ്രസുമായി സഖ്യത്തിന് തയ്യാറാണെന്നാണ് സമാജ്വാദി പാര്‍ട്ടി വ്യക്തമാക്കിയിരിക്കുന്നത്. കുറഞ്ഞത് 10 സീറ്റുകള്‍ മത്സരിക്കാന്‍ വേണമെന്നാണ് എസ്പിയുടെ ആവശ്യം. സീറ്റ് വിഭജനം സംബന്ധിച്ച് ചര്‍ച്ച നടത്താന്‍ തയ്യാറാണ്. കുറഞ്ഞത് 10 സീറ്റുകളെങ്കിലും വേണമെന്നാണ് തങ്ങളുടെ ആവശ്യം. കോണ്‍ഗ്രസ് അതിന് തയ്യാറായില്ലേങ്കില്‍ മൂന്ന് സീറ്റുകള്‍ നിര്‍ബന്ധമായും ആവശ്യപ്പെടുമെന്ന് മുതിര്‍ന്ന എസ്പി നേതാവ് പറഞ്ഞു.

Recommended Video

cmsvideo
മഹാസഖ്യം തകര്‍ന്നു ഒന്നും മറക്കില്ലെന്ന് മായാവതി
 ചര്‍ച്ച തുടങ്ങി

ചര്‍ച്ച തുടങ്ങി

ശിവാജി നഗറിലെ മന്‍കുര്‍ദ്ദ്, ബൈക്കുള്ള, ബൈവന്തി എന്നീ മണ്ഡലങ്ങളാണ് പാര്‍ട്ടി ആവശ്യപ്പെടുക. മന്‍കുര്‍ദ്ദ് മണ്ഡലത്തില്‍ നിന്നുള്ള മുംബൈ എസ്പി അധ്യക്ഷന്‍ അബു അസിം അസ്മിയാണ് സംസ്ഥാനത്തെ എസ്പിയുടെ ഏക എംഎല്‍എ. ബൈക്കുളയില്‍ നിന്ന് മത്സരിക്കാന്‍ എസ്പി നേതാവായ റയീസ് ഷെയ്ഖ് താത്പര്യം പ്രകടിപ്പിച്ചിട്ടുണ്ട്. ഇവിടെ ഒവൈസിയുടെ പാര്‍ട്ടിയായ എഐഐഎംന്‍റെ വാരിസ് പതാനാണ് എംഎല്‍എ.

 മുസ്ലീം വോട്ടുകള്‍

മുസ്ലീം വോട്ടുകള്‍

കോണ്‍ഗ്രസുമായി ചര്‍ച്ച തുടരുകയാണ്. മതേതര വോട്ടുകള്‍ ഭിന്നിക്കാതിരിക്കുന്നതിന് ആവശ്യമായ നിര്‍ദ്ദേശങ്ങള്‍ പാര്‍ട്ടി കോണ്‍ഗ്രസിന് മുന്നില്‍ അവതരിപ്പിക്കും. മൂന്ന് സീറ്റുകള്‍ നല്‍കാന്‍ തയ്യാറായാല്‍ മാത്രമേ സീറ്റ് വിഭജനം സംബന്ധിച്ച ചര്‍ച്ചകളിലേക്ക് കടക്കുള്ളൂവെന്നും അസ്മി പറഞ്ഞു. സീറ്റ് വിഭജനം പൂര്‍ത്തിയായാല്‍ മുസ്ലീം വിഭാഗങ്ങള്‍ക്കിടയില്‍ ശക്തമായ സ്വാധീനമുള്ള എസ്പിയുമായുള്ള സഖ്യം കോണ്‍ഗ്രസിന് ഗുണം ചെയ്യുമെന്നാണ് കണക്കാക്കപ്പെടുന്നത്.

 പ്രാദേശിക പാര്‍ട്ടികള്‍

പ്രാദേശിക പാര്‍ട്ടികള്‍

മോദി തരംഗം ആദ്യമായി ആഞ്ഞടിച്ച 2014 ല്‍ പോലും 4 സീറ്റുകളില്‍ വിജയിക്കാന്‍ കഴിഞ്ഞ കോണ്‍ഗ്രസിന് ഇത്തവണത്തെ ദയനീയ പരാജയമാണ് മഹാരാഷ്ട്രയില്‍ നേരിടേണ്ടി വന്നത്. ഈ തിരിച്ചടിയില്‍ നിന്ന് കരകയറാന്‍ ഈ വര്‍ഷം അവസാനം നടക്കുന്ന നിയമസഭാ തിരഞ്ഞെടുപ്പാണ് കോണ്‍ഗ്രസ് ലക്ഷ്യം വെക്കുന്നത്. ലോക്സഭതിരഞ്ഞെടുപ്പിലെ എന്‍സിപി സഖ്യം നിയമസഭ തിരഞ്ഞെടുപ്പിലും തുടരുമെന്ന് കോണ്‍ഗ്രസ് പ്രഖ്യാപിച്ചിട്ടുണ്ട്. മറ്റ് പ്രാദേശിക കക്ഷികളേയും സഖ്യത്തിന്‍റെ ഭാഗമാക്കാനുള്ള ശ്രമത്തിലാണ് കോണ്‍ഗ്രസ്.മഹാരാഷ്ട്രയില്‍ ദളിത്, ആദിവാസി വിഭാഗങ്ങള്‍ക്കിടയില്‍ ശക്തമായ സ്വാധീനമുള്ള പാര്‍ട്ടിയാണ് പ്രാകശ് അംബേദ്കകറുടെ വന്‍ചിത് ബഹുജന്‍ അഗതിയുമായി സഖ്യത്തിന് ശ്രമിച്ചിരുന്നെങ്കിലും സീറ്റ് വിഭജനം കീറാമുട്ടിയായതോടെ സഖ്യ നീക്കം പാളിയിരുന്നു.

 കേരളത്തിന് ഒരു കൈ സഹായം

കേരളത്തിന് ഒരു കൈ സഹായം

മുഖ്യമന്ത്രിയുടെ ദുരിതാശ്വാസ നിധിയിലേക്ക് നിങ്ങള്‍ക്കും സംഭാവന നല്‍കാം: Name of Donee: CMDRF Account Number : 67319948232 Bank: State Bank of India Branch: City branch, Thiruvananthapuram IFSC Code: SBIN0070028 Swift Code: SBININBBT08 keralacmdrf@sbi എന്ന യുപിഐ ഐഡി വഴിയും സംഭാവനകള്‍ നല്‍കാവുന്നതാണ്.

'വടി' കൊടുത്ത് 'അടി' വാങ്ങി ഉമാ ഭാരതി! 8 ബിജെപി എംഎല്‍എമാര്‍ കോണ്‍ഗ്രസിലേക്കെന്ന് മന്ത്രി'വടി' കൊടുത്ത് 'അടി' വാങ്ങി ഉമാ ഭാരതി! 8 ബിജെപി എംഎല്‍എമാര്‍ കോണ്‍ഗ്രസിലേക്കെന്ന് മന്ത്രി

English summary
Sp may join hands with Congress in Maharashtra
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X