Click it and Unblock the Notifications
Just In
Don't Miss
-
വായുവേഗത്തില് പ്രസാദിക്കും പവനപുത്രന്, ആഗ്രഹസാഫല്യം നല്കും ഹനുമാന് ജയന്തി ആരാധന -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ദില്ലിയില്‍ എസ്പി ആം ആദ്മിക്കൊപ്പം; കോണ്‍ഗ്രസിന് പിന്തുണയില്ല, ബിഎസ്പിയും എഎപിയും മതി
ദില്ലി: സമാജ്‌വാദി പാര്‍ട്ടി ദില്ലിയില്‍ രണ്ടു പാര്‍ട്ടികളെ പിന്തുണയ്ക്കും. കോണ്‍ഗ്രസിനോട് ഇടഞ്ഞ് സ്വന്തമായി മല്‍സരിക്കുന്ന എഎപിക്കും ബിഎസ്പിക്കുമാണ് എസ്പിയുടെ ദില്ലിയിലെ പിന്തുണ. ദില്ലിയില്‍ കോണ്‍ഗ്രസിനെ പിന്തുണയ്‌ക്കേണ്ട എന്നാണ് സമാജ്‌വാദി പാര്‍ട്ടിയുടെ തീരുമാനം. ബിഎസ്പിയെയും ആം ആദ്മി പാര്‍ട്ടിയെയും ദില്ലി തിരഞ്ഞെടുപ്പില്‍ പിന്തുണയ്ക്കുമെന്ന് എസ്പി നേതാവ് അഖിലേഷ് യാദവ് വ്യക്തമാക്കി.
ബിഎസ്പിക്കാണ് ദില്ലിയില്‍ എസ്പി പ്രധാനമായും പിന്തുണ നല്‍കുന്നത്. ബിഎസ്പി സ്ഥാനാര്‍ഥികളെ പിന്തുണയ്ക്കാനാണ് ലഭിച്ചിരിക്കുന്ന നിര്‍ദേശമെന്ന് ദില്ലിയിലെ എസ്പി നേതാവ് ആര്‍എസ് യാദവ് പറഞ്ഞു. അതേസമയം, ചില സീറ്റുകളില്‍ ബിഎസ്പി ദില്ലിയില്‍ മല്‍സരിക്കുന്നില്ല. ഈ സീറ്റുകളില്‍ എഎപി സ്ഥാനാര്‍ഥികളെ പിന്തുണയ്ക്കുമെന്നും അദ്ദേഹം വിശദീകരിച്ചു.
ന്യൂഡല്‍ഹി, നോര്‍ത്ത് വെസ്റ്റ് ദില്ലി എന്നീ മണ്ഡലങ്ങളില്‍ ബിഎസ്പി മല്‍സരിക്കുന്നില്ല. നോര്‍ത്ത് വെസ്റ്റ് ദില്ലി സംവരണ മണ്ഡലമാണ്. ഇവിടെ എഎപി സ്ഥാനാര്‍ഥികളെയാണ് എസ്പി പിന്തുണയ്ക്കുക. ഈസ്റ്റ് ദില്ലിയില്‍ സഞ്ജയ് ഗെഹ്ലോട്ട്, നോര്‍ത്ത് ഈസ്റ്റ് ദില്ലിയില്‍ രാജ്‌വീര്‍ സിങ്, വെസ്റ്റ് ദില്ലിയില്‍ സീതാ ശരണ്‍, ചാന്ദ്‌നി ചൗക്കില്‍ ഷാഹിദ് അലി, സൗത്ത് ദില്ലിയില്‍ സിദ്ധാര്‍ഥ് ഗൗതം എന്നിവരെയാണ് ബിഎസ്പി മല്‍സരിപ്പിക്കുന്നത്. ഇവരെ പിന്തുണയ്ക്കുമെന്ന് എസ്പി അറിയിച്ചു.
ഉത്തര്‍ പ്രദേശിലെ സഖ്യത്തിന് പ്രാധാന്യം നല്‍കിയാണ് എസ്പിയുടെ നീക്കം. യുപിയില്‍ എസ്പിയും ബിഎസ്പിയും ഒരുമിച്ചാണ് മല്‍സരിക്കുന്നത്. ഇതേ സഖ്യം തന്നെ മധ്യപ്രദേശിലും ചത്തീസ്ഗഡിലും തുടരുന്നുണ്ട്. ഇപ്പോള്‍ ദില്ലിയില്‍ കൂടി സഖ്യം പ്രഖ്യാപിച്ചിരിക്കുന്നു. കോണ്‍ഗ്രസിനെ എസ്പി പിന്തുണയ്ക്കുന്നില്ല എന്നത് എടുത്തുപറയേണ്ടതാണ്. ദില്ലിയില്‍ ബിജെപിയും കോണ്‍ഗ്രസും എഎപിയും തമ്മിലാണ് പ്രധാന മല്‍സം. ബിഎസ്പി മല്‍സരിക്കുമ്പോള്‍ ബിജെപി വിരുദ്ധ വോട്ടുകള്‍ വീണ്ടും ഭിന്നിക്കുമെന്ന് ഉറപ്പാണ്.
