എയര്ടെല്ലിന്റെ 'ചാരപ്പണി'; ഇന്ത്യയിലെ 'ചിലരെ'ഇസ്രായേല് നിരീക്ഷിയ്ക്കുന്നോ?
ദില്ലി: ഏതൊരു വ്യക്തിയുടേയും വ്യക്തിപരമായ വിവരങ്ങള് അയാളുടെ സ്വകാര്യതയാണ്. അത് ആ വ്യക്തി അറിയാതെ കൈക്കലാക്കുന്നതിനെ ചാരപ്പണിയെന്നല്ലാതെ എന്താണ് വിളിയ്ക്കുക?
രാജ്യത്തെ മുന്നിര ടെലികോം-ഇന്റര്നെറ്റ് സേവന ദാതാക്കളായ എയര്ടെല്ലിനെ കുറിച്ചാണ് ആക്ഷേപം ഉയര്ന്നിരിയ്ക്കുന്നത്. എയര്ടെല്ലിന് വേണ്ടി ഒരു ഇസ്രായേല് കമ്പനി നിങ്ങളുടെ വ്യക്തിപരമായ വിവരങ്ങളും ബ്രൗസിംഗ് ഡാറ്റയും ചോര്ത്തിയെടുത്താല് എങ്ങനെയിരിയ്ക്കും. ഇങ്ങനെയൊക്കെയാണ് ചിലര് പറയുന്നത്.
സോഷ്യല് മീഡിയയില് ആണ് ഇത് സംബന്ധിച്ച വാര്ത്തകള് പ്രചരിയ്ക്കുന്നത്. ഈ സംഭവം കണ്ടെത്തിയ ഇന്ത്യക്കാരനെതിരെ ഇസ്രായേല് കമ്പനി വക്കീല് നോട്ടീസ് കൂടി അയച്ചിരിയ്ക്കുന്നു എന്നതാണ് ഇതില് ഏറെ ശ്രദ്ധേയം.
|
തേജേഷ് ജിഎന്
തേജേഷ് ജിഎന് എന്ന ബെംഗളൂരു സ്വദേശിയായ ഇന്ഫോആക്ടിവിസ്റ്റ് ആണ് ജൂണ് 3 ന് ഇക്കാര്യം കണ്ടെത്തിയതെന്നാണ് പറയുന്നത്.
|
ജാവ സ്ക്രിപ്റ്റ്
ഉപയോക്താവിന്റെ ബ്രൗസറിലേയ്ക്ക് എയര്ടെല് രഹസ്യമായി ചില ജാവ സ്രിപ്റ്റുകള് കടത്തിവിടുന്നു എന്നായിരുന്നു കണ്ടെത്തല്.
ജിറ്റ്ഹബ്ബ്
ജിറ്റ് ഹബ്ബിലാണ് തേജേഷ് ഇക്കാര്യം ആദ്യം പ്രസിദ്ധപ്പെടുത്തിയത്.
വക്കീല് നോട്ടീസ്
സംഭവം റിപ്പോര്ട്ട് ചെയ്തതിന്റെ പേരില് ജിറ്റ് ഹബ്ബിന് ഡിഎംസിഎ നോട്ടീസ് അയച്ചത്രെ ആ ഇസ്രായേല് കമ്പനി. ഇതോടെ ആ റിപ്പോര്ട്ട് ജിറ്റ് ഹബ് പിന്വലിച്ചു.
|
തേജേഷിനും നോട്ടീസ്
ഇത്തരം ഒരു 'കള്ളത്തരം' കണ്ടെത്തിയ തേജേഷിന് ആ ഇസ്രായേല് കമ്പനി ഇന്ത്യന് നിയമ പ്രകാരം ഒരു വക്കീല് നോട്ടീസ് കൂടി അയച്ചു എന്നറിയുമ്പോഴാണ് നമ്മള് കൂടുതല് ഞെട്ടുക.
|
ഏതാണ് ആ കമ്പനി
ഫ്ലാഷ് നെറ്റ് വര്ക്ക് എന്ന ഇസ്രായേല് കമ്പനിയാണ് തേജേഷിനും ജിറ്റ് ഹബ്ബിനും വക്കീല് നോട്ടീസ് അയച്ചത്. ഇവരുടെ പ്രവര്ത്തനങ്ങള് തങ്ങളുടെ ക്ലൈന്റിന്റെ റെപ്യൂട്ടേഷനെ ബാധിച്ചു എന്നാണ് ആരോപണം.
|
എയര്ടെല് അവരുടെ ക്ലൈന്റ്
എയര്ടെല് തങ്ങളുടെ ക്ലൈന്റ് ആണെന്ന് ഫ്ലാഷ് നെറ്റ് വര്ക്ക് തങ്ങളുടെ പത്രക്കുറിപ്പില് പറയുന്നുണ്ട്. വോഡഫോണും അവരുടെ ക്ലൈന്റ് ആണത്രെ( എന്നാല് ഇന്ത്യയിലെ വോഡഫോണിനെ കുറിച്ചാണോ എന്നത് വ്യക്തമല്ല).
|
സമ്മതിയ്ക്കുന്നുണ്ട്
തങ്ങള് ജാവ സ്ക്രിപ്റ്റുകള് യൂസറുടെ ബ്രൗസറില് ഇന്സെര്ട്ട് ചെയ്യുന്ന കാര്യം ഫ്ലാഷ് നെറ്റ് വര്ക്ക് തന്നെ സമ്മതിയ്ക്കുന്നുണ്ടത്രെ.
എന്താണ് പ്രശ്നം
എയര്ടെല്ലിനെ സംബന്ധിച്ച് കസ്റ്റമറുടെ ബ്രൗസിംഗ് ഡാറ്റ ലഭിയ്ക്കുക മാത്രമായിരിയ്ക്കും ആവശ്യം. എന്നാല് ആ ഡാറ്റ ശേഖരിച്ച് നല്കുന്ന ഒരു ഇസ്രായേല് കമ്പനിയാണെന്ന കാര്യമാണ് പലരിലും ഭീതിയുണര്ത്തുന്നത്.
Click it and Unblock the Notifications
Sign in with Google