കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വാർത്താ സമ്മേളനം വിളിക്കൂ; അഭിനയിക്കാൻ ഞാൻ തയ്യാർ; ലോറൻസിന്റെ വെല്ലുവിളി ഏറ്റെടുത്ത് ശ്രീറെഡ്ഡി

  • By Desk
Google Oneindia Malayalam News

ചെന്നൈ: തമിഴ്, തെലുങ്ക് സിനിമാ ലോകത്തെ പലർക്കും ശ്രീ റെഡ്ഡി ഒരു പേടി സ്വപ്നമാണ്. സിനിമയിലെ കാസ്റ്റിംഗ് കൗച്ചിനെക്കുറിച്ചുള്ള ശ്രീ റെഡ്ഡിയുടെ തുറന്നുപറച്ചിൽ വലിയ വിവാദങ്ങൾക്കാണ് വഴിവെച്ചിരിക്കുന്നത്. പ്രേക്ഷകരുടെ പ്രിയപ്പെട്ട അഭിനേതാക്കൾക്കും സംവിധായകന്മാർക്കും എതിരെയാണ് ശ്രീറെഡ്ഡി ലൈംഗികാരോപണം ഉന്നയിച്ചത്.

തെലുങ്കിലെ യുവ നടൻ നാനി മുതൽ സംവിധായകനും നടനുമായ രാഘവേന്ദ്ര ലോറൻസ് വരെ ആരോപണവിധേയരാണ്. ശ്രീറെഡ്ഡിക്ക് മറുപടിയും വെല്ലുവിളിയുമായി ലോറൻസ് പത്രക്കുറിപ്പ് ഇറക്കിയിരുന്നു. എന്നാൽ ലോറൻസിനെതിരെ വീണ്ടും തിരിച്ചടി നടത്തിയിരിക്കുകയാണ് ശ്രീറെഡ്ഡി.

ആരോപണം

ആരോപണം

ഹൈദരാബാദിലെ ഒരു ഹോട്ടലിൽവെച്ച് ലോറൻസ് ലൈംഗിക ചൂഷണം നടത്തിയെന്നായിരുന്നു ശ്രീറെഡ്ഡിയുടെ ആരോപണം. ഒരു ചാനൽ അഭിമുഖത്തിനിടെയായിരുന്നു ശ്രീറെഡ്ഡിയുടെ വെളിപ്പെടുത്തൽ. ലോറൻസ് തന്നോട് വയറ് കാണിക്കാൻ ആവശ്യപ്പെട്ടെന്നും കണ്ണാടിയിൽ നോക്കി സ്വയം വശീകരിക്കാൻ ആവശ്യപ്പെട്ടുവെന്നുമായിരുന്നു ശ്രീറെഡ്ഡി ആരോപിച്ചത്.

വിശദീകരണം

വിശദീകരണം

ശ്രീ റെഡ്ഡിയുടെ ആരോപണം തനിക്ക് വലിയ കാര്യമല്ല. അതിനെ കുറിച്ച് ഓർക്കാൻ തനിക്ക് സമയവും ഇല്ല . എന്നാൽ തന്റെ പ്രതികരണം തേടി മാധ്യമപ്രവർത്തകർ നിരന്തരം വിളിച്ചുകൊണ്ടേയിരിക്കുന്നതുകൊണ്ടാണ് വിശദീകരണവുമായി എത്തിയതെന്നായിരുന്നു ലോറൻസ് പറഞ്ഞത്. ശ്രീറെഡ്ഡി പറയുന്നത് പരസ്പര ബന്ധമില്ലാത്ത കാര്യങ്ങളാണെന്നും അവരുടെ ഉദ്ദേശം എന്താണെന്ന് മനസിലാകുന്നില്ലെന്നും ലോറൻസ് പറഞ്ഞിരുന്നു.

സഹതാപം മാത്രം

സഹതാപം മാത്രം

ശ്രീ റെഡ്ഡിയുടെ എല്ലാ അഭിമുഖങ്ങളും താൻ കണ്ടുവെന്നും അവരോട് തനിക്ക് സഹതാപം മാത്രമെ ഉള്ളുവെന്നും ലോറൻസ് പറഞ്ഞു. സത്യത്തിൽ ഈ നടിയുടെ പ്രശ്നം എന്താണെന്ന് മനസിലാകുന്നില്ല,. താൻ സ്ത്രീകളെ ബഹുമാനിക്കുന്ന ആളാണെന്നും ശ്രീറെഡ്ഡിക്ക് നല്ലത് വരട്ടെയെന്ന് മാത്രമാണ് തന്റെ ആഗ്രഹമെന്നും ലോറൻസ് വിശദീകരിച്ചിരുന്നു.

വെല്ലുവിളി

വെല്ലുവിളി

ശ്രീ റെഡ്ഡിക്ക് മുമ്പിൽ ഒരു വെല്ലുവിളി കൂടി ഉയർത്തിയായിരുന്നു ലോറൻസിന്റെ വിശദീകരണക്കുറിപ്പ്. നിങ്ങളൊരു നടിയാണെന്ന് പറയുന്നു. എങ്കിൽ ഞാനൊരു പത്രസമ്മേളനം വിളിക്കാം അവിടെ വെച്ച് നിങ്ങൾ രണ്ടു രംഗങ്ങൾ അഭിനയിച്ച് കാണിക്കണം. പ്രയാസമില്ലാത്ത രണ്ട് ഡാൻസ് സ്റ്റെപ്പുകളും ചെയ്തു കാണിക്കണം. നിങ്ങളുടെ പ്രകടനം നന്നായാൽ തീർച്ചയായും എന്റെ അടുത്ത സിനിമയിൽ അവസരം നൽകും. അവിടെ വെച്ച് തന്നെ അഡ്വാൻസും നൽകും. കഴിവുണ്ടെന്ന് വിശ്വാസമുണ്ടെങ്കിൽ ചെയ്തുകാണിക്കൂവെന്നും ലോറൻസ് ശ്രീറെഡ്ഡിയെ വെല്ലുവിളിച്ചിരുന്നു.

മറുപടി

ലോറൻസിന്റെ വെല്ലുവിളി ഏറ്റെടുക്കുന്നുവെന്നും വാർത്താസമ്മേളനത്തിൽ അഭിനയിച്ച് കാണിക്കാൻ തയാറാണെന്നും ശ്രീ റെഡ്ഡി വ്യക്തമാക്കി. ഫേസ്ബുക്കിലൂടെയാണ് വെല്ലുവിളി ഏറ്റെടുക്കുന്നതായി ശ്രീറെഡ്ഡി അറിയിച്ചത്. ലോറൻസ് മാസ്റ്ററുടെ വെല്ലുവിളി ഞാൻ സ്വീകരിക്കുന്നു. എല്ലാവരും തന്നെ അനുഗ്രഹിക്കണമെന്ന് ശ്രീറെഡ്ഡി പോസ്റ്റ് ചെയ്തു. ലോറൻസ് മാസ്റ്റർക്ക് വേണ്ടിയാണെന്ന കുറിപ്പോടെ തന്റെ നാലോളം വീഡിയോകളും ശ്രീറെഡ്ഡി ഫേസ്ബുക്കിൽ പോസ്റ്റ് ചെയ്തിട്ടുണ്ട്.

English summary
sri reddy accepts lawrence master's challenge
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X