യോഗി ആദിത്യനാഥിനോട് കളിക്കരുത്...!!! അപമാനിച്ച ബോളിവുഡ് സംവിധായകൻ മാപ്പ് പറഞ്ഞു

ഉത്തര്‍ പ്രദേശ് മുഖ്യമന്ത്രി യോഗി അദിത്യനാഥിനെ കുറിച്ച് മോശം പരാമര്‍ശം നടത്തിയ ശ്രിഷ് അവസാനം മാപ്പ് പറഞ്ഞു.

മുംബൈ: എത്ര വലിയ സിനിമാക്കാരനായിട്ടും കാര്യമില്ല, രാഷ്ട്രീയക്കാര്‍ക്ക് മുമ്പില്‍ മുട്ട് മടക്കിയേ പറ്റൂ. പ്രശസ്ത ബോളിവുഡ് സംവിധായകനും, ഫറാഖാന്റെ ഭര്‍ത്താവുമായി ശ്രിഷ് കുന്ദറിനും ഇത് തന്നെയാണ് സംഭവിച്ചത്. ഉത്തര്‍ പ്രദേശ് മുഖ്യമന്ത്രി യോഗി അദിത്യനാഥിനെ കുറിച്ച് മോശം പരാമര്‍ശം നടത്തിയ ശ്രിഷ് അവസാനം മാപ്പ് പറഞ്ഞു.

യോഗി ആദിത്യനാഥ് മുഖ്യമന്ത്രിയായി തെരഞ്ഞെടുക്കപ്പെട്ടതിന് പുറകേ ആയിരുന്നു ശ്രിഷിന്റെ വിവാദ പരാമര്‍ശം. 'ഒരു ഗുണ്ട നാട് ഭരിയ്ക്കുന്നതോടെ മറ്റ് ഗുണ്ടകള്‍ പണി നിര്‍ത്തുമെന്ന് പ്രതീക്ഷിയ്ക്കാം' എന്നായിരുന്നു ശ്രിഷ് ട്വീറ്റ് ചെയ്തത്. ട്വീറ്റ് ബിജെപി അണികള്‍ക്കിടയില്‍ ചര്‍ച്ചയായി. അയോധ്യ സ്വദേശിയായ അമിത് കുമാര്‍ എന്ന ആള്‍ ശ്രിഷിന് എതിരെ പരാതിയും നല്‍കി.

പരാതിയിന്മേല്‍ പോലീസ് എഫ്‌ഐആര്‍ രജിസ്റ്റര്‍ ചെയ്ത് അന്വേഷണം തുടങ്ങിയപ്പോഴാണ് ശ്രിഷ് മാപ്പ് പറഞ്ഞത്. 'ആരേയും വേദനിപ്പിയ്ക്കാന്‍ ഉദ്ദേശിച്ചിട്ടില്ലെന്നും, വിഷമം ഉണ്ടായതില്‍ മാപ്പ് ചോദിയ്ക്കുന്നു' എന്നുമാണ് ശ്രിഷ് ട്വീറ്റ് ചെയ്തത്. കൂടാതെ നേരത്തെ ട്വീറ്റ് ചെയ്ത് വാക്കുകള്‍ ഡിലിറ്റ് ചെയ്തു.

English summary

"I unconditionally apologise. I never meant to hurt anyone's feelings or sentiment," Kunder posted on his Twitter page.