വരാണസിയില്‍ തിക്കിലും തിരക്കിലും പെട്ട് 24 മരണം

Updated: Saturday, October 15, 2016, 18:29 [IST]

വരാണസി: മതാനുഷ്ഠാന ചടങ്ങിനിടെയുണ്ടായ തിക്കിലും തിരക്കിലും പെട്ട് 24 പേര്‍ മരിച്ചു. 20 പേര്‍ക്ക് പേര്‍ക്ക് പരിക്കേറ്റു. മരിച്ചവരില്‍ 15 സ്ത്രീകളും നാല് പേര്‍ പുരുഷന്മാരുമാണ്. വരാണസിയ്ക്കും ചണ്ഡ്വാലിക്കും മധ്യേയുള്ള രാജ്ഘട്ട് പാലത്തില്‍ ശനിയാഴ്ചയായിരുന്നു സംഭവം.

വരാണസിയിലെ രാഘ്ഗട്ട് പാലത്തിന് സമീപത്തായിരുന്നു അപകടം. ജയ് ഗുരുദേവന് പ്രണാമം അര്‍പ്പിക്കുന്നതിന് വേണ്ടി സംഘടിപ്പിച്ച പരിപാടിയില്‍ ആയിരക്കണക്കിന് പേരാണ് പങ്കെടുത്തത്.
ആദ്ധ്യാത്മിക നേതാവ് ജയ് ഗുരുദേവന് ആദരം അര്‍പ്പിക്കാനെത്തിയവരാണ് മരിച്ചത്

അപകടത്തില്‍ കൊല്ലപ്പെട്ടവരുടെ കുടുംബത്തിന് ഉത്തര്‍പ്രദേശ് മുഖ്യമന്ത്രി അഖിലേഷ് യാദവ് രണ്ട് ലക്ഷം രൂപ നഷ്ടപരിഹാരം പ്രഖ്യാപിച്ചു. ഗുരുതരമായി പരിക്കേറ്റവര്‍ക്ക് 50,000 രൂപയുമാണ് പ്രഖ്യാപിച്ചിട്ടുള്ളത്.