ശാസ്ത്രജ്ഞര്ക്കൊപ്പം ഗസ്റ്റ് ഹൗസില് താമസം; മിസൈല് വിവരങ്ങള് ഉള്പ്പെടെ ചോര്ത്തി: ഞെട്ടിക്കുന്ന അറസ്റ്റ്
ന്യൂഡല്ഹി: പ്രതിരോധ ഗവേഷണ സ്ഥാപനമായ ഡിആര്ഡിഒയിലെ ജീവനക്കാരന് ചാരവൃത്തിക്ക് അറസ്റ്റില്. ഡിഫന്സ് റിസര്ച്ച് ആന്ഡ് ഡെവലപ്മെന്റ് ഓര്ഗനൈസേഷന്റെ ഗസ്റ്റ് ഹൗസ് മാനേജറാണ് അറസ്റ്റിലായത്. പാകിസ്ഥാന്റെ ചാരസംഘടനയായ ഐഎസ്ഐക്ക് രഹസ്യ വിവരങ്ങള് ചോര്ത്തിയതിനാണ് മഹേന്ദ്ര സിങ് (32) എന്ന യുവാവിനെ പിടികൂടിയത്.
അതീവ രഹസ്യ സ്വഭാവമുള്ളതും തന്ത്രപരവുമായ ദേശീയ വിവരങ്ങള് പാകിസ്ഥാന് പങ്കിട്ടതിനാണ് ഇയാള്ക്കെതിരെ കുറ്റം ചുമത്തിയിരിക്കുന്നത്. ശാസ്ത്രജ്ഞരുടെയും ഉന്നത സൈനിക ഉദ്യോഗസ്ഥരുടെയും നീക്കങ്ങളാണ് മഹേന്ദ്ര ചോര്ത്തി നല്കിയത്. ഇയാളെ ഒരാഴ്ച മുമ്പ് കസ്റ്റഡിയിലെടുത്തിരുന്നു.
രാജസ്ഥാനിലെ ജയ്സാല്മീറിലുള്ള ചന്ദന് ഫീല്ഡ് ഫയറിംഗ് റേഞ്ചിനടുത്തുള്ള ഡിഫന്സ് റിസര്ച്ച് ആന്ഡ് ഡെവലപ്മെന്റ് ഓര്ഗനൈസേഷന് (ഡിആര്ഡിഒ) ഗസ്റ്റ് ഹൗസിലെ കരാര് ജീവനക്കാരനായിരുന്നു ഇയാള്. രാജസ്ഥാന് സിഐഡി ഇന്റലിജന്സ് ആണ് മഹേന്ദ്രയെ അറസ്റ്റ് ചെയ്തത്. ഉത്തരാഖണ്ഡ് സ്വദേശിയാണ് ഇയാള്.
രാജ്യത്തെ സ്വാതന്ത്ര്യ ദിനാഘോഷങ്ങള്ക്ക് മുന്നോടിയായി, അതിര്ത്തി കടന്നുള്ള ചാരപ്രവര്ത്തനങ്ങളും അട്ടിമറി പ്രവര്ത്തനങ്ങളും നിരീക്ഷിച്ചുവരുന്നതിനിടെയാണ് ഇയാള് പിടിയിലായതെന്ന് രാജസ്ഥാന് ഇന്സ്പെക്ടര് ജനറല് ഓഫ് പോലീസ് സിഐഡി (സെക്യൂരിറ്റി) ഡോ. വിഷ്ണുകാന്ത് പറഞ്ഞു.
കഴിഞ്ഞ നാലോ അഞ്ചോ വര്ഷമായി ഗസ്റ്റ് ഹൗസിന്റെ മാനേജരായി ജോലി ചെയ്തുവരികയായിരുന്നു മഹേന്ദ്ര സിങ്. ഉത്തരാഖണ്ഡിലെ അല്മോറ സ്വദേശിയായ ഇയാള് സോഷ്യല് മീഡിയ വഴിയാണ് പാകിസ്ഥാന് രഹസ്യാന്വേഷണ ഏജന്സിയുമായി ബന്ധപ്പെട്ടിരുന്നത്. ഡിആര്ഡിഒ ഗസ്റ്റ് ഹൗസിലായിരുന്നു ഇയാള് താമസിച്ചിരുന്നത്. മിസൈല് പരീക്ഷണങ്ങള്ക്കായി ഇവിടേക്കു വരുന്ന ഡിആര്ഡിഒ ശാസ്ത്രജ്ഞരുടെയും ഉയര്ന്ന സൈനിക ഓഫീസര്മാരുടെയും നീക്കങ്ങള് ഇയാള് രഹസ്യമായി പാകിസ്ഥാന് നല്കുന്നുണ്ടായിരുന്നു.
സംശയത്തെതുടര്ന്ന് മഹേന്ദ്ര പ്രസാദിനെ വിവിധ ഇന്റലിജന്സ് ഏജന്സികള് സംയുക്തമായി ചോദ്യം ചെയ്യുകയും അദ്ദേഹത്തിന്റെ മൊബൈല് ഫോണ് ശാസ്ത്രീയ പരിശോധനയ്ക്ക് വിധേയമാക്കുകയും ചെയ്തു. ഡിആര്ഡിഒയുമായും ഇന്ത്യന് ആര്മിയുമായും ബന്ധപ്പെട്ട സെന്സിറ്റീവ് വിവരങ്ങള് പാകിസ്ഥാന് ചോര്ത്തിയതായി നല്കുന്നതായി കണ്ടെത്തി. ചോദ്യം ചെയ്യലില് ഇയാളുടെ പങ്ക് സ്ഥിരീകരിച്ചതിനെത്തുടര്ന്നാണ് അറസ്റ്റ്.
കനത്ത സുരക്ഷയിലാണ് ഡിആര്ഡിഒ ഗസ്റ്റ് ഹൗസ് എപ്പോഴുമുള്ളത്. കാരണം പ്രതിരോധ മേഖലയില് ഈ ഗസ്റ്റ് ഹൗസിന്റെ സ്ഥാനം വളരെ പ്രധാനപ്പെട്ടതാണ്. പൊഖ്റാന് ഫീല്ഡ് ഫയറിങ് റേഞ്ചില് മിസൈല് പരീക്ഷണങ്ങളില് ഏര്പ്പെട്ടിരിക്കുന്ന ശാസ്ത്രജ്ഞരും മറ്റു വിദഗ്ധരും ഇവിടെയാണ് താമസിക്കുന്നത്. ചുറ്റും സൈന്യത്തിന്റെയും വ്യോമസേനയുടെയും താവളങ്ങളാണ്. ഇത്രയെല്ലാം സുരക്ഷ സംവിധാനങ്ങള്ക്കിടയിലാണ് മഹേന്ദ്ര പാകിസ്ഥാന് നിര്ണായക വിവരങ്ങള് ചോര്ത്തി നല്കിയിരുന്നത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google