ടീസ്റ്റയെ തൊട്ടുപോകരുത്- ചോംസ്കിയും കൂട്ടരും
കൊല്ക്കത്ത: ഗുജറാത്ത് കലാപത്തിലെ ഇരകള്ക്ക് വേണ്ടി രംഗത്ത് വന്ന ടീസ്ത സെതല്വാദിനേയും ഭര്ത്താവിനേയും വേട്ടയാടുന്നത് സര്ക്കാര് അവസാനിപ്പിയ്ക്കണമെന്ന് ആവശ്യം. ലോക പ്രശ്സ്തരായ ബുദ്ധി ജീവികളാണ് ഇപ്പോള് ടീസ്തയ്ക്ക് വേണ്ടി രംഗത്ത് വന്നിരിയ്ക്കുന്നത്.
ടീസ്തയെ പ്രതികാരത്തിന്റെ പേരില് വേട്ടയാടുകയാണെന്നാണ് ആക്ഷേപം. നോം ചോംസ്കി, ഇര്ഫാന് ഹബീബ്, റോമില്ല ഥാപ്പര്, ആമിയ ബക്ഷി, പ്രഭാത് പട്നായിക്, അശോക് മിത്ര തുടങ്ങിയവരാണ് ഇപ്പോള് ടീസ്തയ്ക്ക് വേണ്ടി രംഗത്ത് വന്നിരിയ്ക്കുന്നത്.
പ്രതികാരത്തിന്റെ രാഷ്ട്രീയം നീതിയുടെ കാരണത്തെ തോല്പിയ്ക്കില്ലെന്ന പേരിലാണ് പ്രസ്താവന പുറത്തിറിയ്ക്കിയിരിയ്ക്കുന്നത്. ഗുജറാത്ത് കലാപത്തിലെ ഇരകള്ക്ക് വേണ്ടി പ്രവര്ത്തിച്ചു എന്നതിന്റെ പേരിലാണ് ടീസ്തയേയും ഭര്ത്താവിനേയും ഇപ്പോള് നരേന്ദ്ര മോദി സര്ക്കാര് വേട്ടയാടുന്നതെന്നാണ് ആക്ഷേപം.
ഗുല്ബര്ഗ കൂട്ടക്കൊലയുമായി ബന്ധപ്പെട്ട് മ്യൂസിയം നിര്മാണത്തിന് പിരിച്ച ഫണ്ട് തിരിമറി ചെയ്തു എന്നാണ് ടീസ്തയ്ക്കെതിരെയുള്ള ആരോപണം. സബ്രംഗ് ട്രസ്റ്റിന്റെ പേരില് 1.51 കോടി രൂപ ടീസ്തയും ഭര്ത്താവും തട്ടിയെടുത്തു എന്നാണ് പറയുന്നത്. കലാപത്തിലെ ഇരകള്ക്ക് വേണ്ടി സമാഹരിച്ച് തുകയായിരുന്നു ഇത്.
കേസില് ടീസ്തയേയും ഭര്ത്താവിനേയും അറസ്റ്റ് ചെയ്യാന് ഗുജറാത്ത് സര്ക്കാര് തീരുമാനിച്ചതായിരുന്നു. എന്നാല് സുപ്രീം കോടതി ഇടപെട്ട് അറസ്റ്റ് തടഞ്ഞു.