ബാബ്റി മസ്ജിദ് പൊളിക്കുന്നതിന്റെ ദൃശ്യാവിഷ്കാരവുമായി വിദ്യാർത്ഥികൾ, വീഡിയോ വൈറൽ, വിവാദം
ബെംഗളൂരു: ആർഎസ്എസ് നേതാവിന്റെ ഉടമസ്ഥതയിലുള്ള സ്കൂളിൽ ബാബ്റി മസ്ജിദ് പൊളിക്കുന്ന ദൃശ്യങ്ങൾ പുനരാവിഷ്കരിച്ച് വിദ്യാർത്ഥികൾ. ദക്ഷിണ കർണാടകയിലെ കല്ലടകയിലെ ശ്രീ റാം വിദ്യാകേന്ദ്ര ഹൈസ്കൂളിലാണ് സംഭവം. സ്കൂളിലെ കായിക ദിനത്തോട് അനുബന്ധിച്ച് നടത്തിയ പരിപാടിയിലാണ് ബാബ്റി മസ്ജിദ് പൊളിക്കുന്നതും അയോധ്യ പ്രതിഷേധങ്ങളും വിഷയമായത്. ആർഎസ്എസ് നേതാവ് പ്രഭാകർ ഭട്ടിന്റെ ഉടമസ്ഥതയിലുള്ളതാണ് സ്കൂൾ.
പരിപാടിയുടെ വീഡിയോ സമൂഹ മാധ്യമങ്ങളിൽ വൈറലായിട്ടുണ്ട്. കാവി മുണ്ടും വെള്ള ഷർട്ടും ധരിച്ച് നൂറു കണക്കിന് വിദ്യാർത്ഥികളാണ് നാടകത്തിൽ അണിനിരന്നത്. വേദിയിൽ സ്ഥാപിച്ചിരുന്ന ബാബ്റി മസ്ജിദിന്റെ കൂറ്റൻ പോസ്റ്റർ കാവിക്കൊടികൾ കൈയ്യിലേന്തിയ കുട്ടികൾ തകർക്കുന്നും രാമചന്ദ്ര കീജയ്, ഭാരത് മാതാ കീ ജയ് എന്ന് ഉച്ചത്തിൽ വിളിക്കുന്നതും വീഡിയോയിൽ കാണാം. വേദിയിലുള്ളവർ വലിയ കരഘോഷത്തോടെയാണ് ഈ രംഗത്തെ സ്വീകരിച്ചത്.
ബാബ്റി മസ്ജിദ് പൊളിച്ചതിന് ശേഷം വിദ്യാർത്ഥികൾ പ്രതീകാത്മക രാമക്ഷേത്രവും നിർമ്മിച്ചു. പുതുച്ചേരി ഗവർണർ കിരൺ ബേദി, കേന്ദ്രമന്ത്രി ഡിവി സദാനന്ദ ഗൗഡ, കർണാടക ശിശുക്ഷേമ വകുപ്പ് മന്ത്രി ശശികല ജൊല്ലെ തുടങ്ങി നിരവധി പ്രമുഖ നേതാക്കൾ ചടങ്ങിൽ പങ്കെടുത്തിരുന്നു.
Karnataka school run by RSS man makes kids ‘demolish’ Babri Masjid in a play
— Sanyukta (@dramadhikari) December 16, 2019
The Chief Guests for the event were Union Minister of Chemicals and Fertilizers, DV Sadananda Gowda; Puducherry Governor Kiran Bedi; and several Ministers from Karnataka. pic.twitter.com/hVdqxvfdvI
അയോധ്യയിലെ ഭൂമി തർക്കം തുടങ്ങിയതുമുതൽ രാമക്ഷേത്രം നിർമിക്കാൻ സുപ്രീം കോടതി അനുമതി നൽകിയതുവരെയുള്ള കാര്യങ്ങളാണ് വിദ്യാർത്ഥികൾ അവതരിപ്പിച്ചത്. മതപരമായ വിവേചനം സൃഷ്ടിക്കുക എന്ന ഉദ്ദേശത്തോടെയല്ല ഈ പരിപാടി അവതരിപ്പിച്ചത്. പരിപാടിയുടെ ചില ഭാഗങ്ങൾ മാത്രം അടർത്തിയെടുത്താണ് ചിലർ സമൂഹമാധ്യമങ്ങളിലൂടെ പ്രചരിപ്പിക്കുന്നതും വിമർശിക്കുന്നതും. ചന്ദ്രയാൻ - 2 ദൗത്യവും വിദ്യാർത്ഥികൾ അവതരിപ്പിച്ചെന്നും പ്രഭാകർ ഭട്ട് വ്യക്തമാക്കി. ഇരുപതോളം സംഭവങ്ങളുടെ ദൃശ്യാവിഷ്കാരം വിദ്യാർത്ഥികൾ നടത്തിയെന്നും അതിൽ ഒന്നു മാത്രമാണ് രാമക്ഷേത്ര നിർമാണമെന്നും അദ്ദേഹം കൂട്ടിച്ചേർത്തു. നാടകത്തിന്റെ ദൃശ്യങ്ങൾ കിരൺ ബേദി നേരത്തെ ട്വിറ്ററിൽ പങ്കുവെച്ചിരുന്നു.
-
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
പ്രഹസനം സമ്മതിച്ചല്ലോയെന്ന് വിടി ബൽറാം, ഒന്നും അറിയില്ലല്ലേയെന്ന് എംബി രാജേഷ്..ഫേസ്ബുക്ക് പോര് കനക്കുന്നു -
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
എണ്ണയും സെറവുമൊന്നും ഇനി വേണ്ട, മുടി തഴച്ച് വളരാൻ ഈ 5 അത്ഭുതകരമായ പൂക്കൾ മാത്രം മതി -
മേടം രാശിഫലം: ഭാഗ്യം നിങ്ങൾക്കൊപ്പം, ചെറിയ കാര്യങ്ങളിൽ പോലും വിജയം, വ്യാപാരികൾക്ക് നല്ല ലാഭം പ്രതീക്ഷിക്കാം -
വൈറോളജി ഇന്സ്റ്റിറ്റ്യൂട്ടില് അക്കൗണ്ടന്റ്, ഓഫീസ് അസിസ്റ്റന്റ് ഒഴിവുകള്; ശമ്പളം ഇത്ര -
ആപ്പിൾ കൊടുക്കും ജനങ്ങൾ വാങ്ങും; ഐഫോൺ 16 പ്രോയുടെ ഡിസ്കൗണ്ട് കേട്ടാൽ ഞെട്ടും..! വില എത്ര? -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
"മോഹൻലാൽ ജീവിക്കുന്നത് ശരിക്കും ഒരു രാജാവിനെ പോലെ, ഗുഡ് മോർണിംഗ് പറഞ്ഞിട്ടും മമ്മൂട്ടി മൈൻഡ് ചെയ്തില്ല" -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും!
Click it and Unblock the Notifications
Sign in with Google