സുഭാഷ് ചന്ദ്രബോസ് 125ാം ജന്മവാര്ഷികം: വിപ്ലവകാരികളായ സ്വാതന്ത്ര്യ സമര സേനാനികളെ ആദരിച്ച് ഐഎന്എ ട്രെസ്റ്റ്
ദില്ലി: ഇന്ത്യയുടെ 75ാം സ്വാതന്ത്ര്യ ദിനം ആഘോഷിക്കുന്നതിനിടെയില് ഇന്ത്യ നേതാജി സുഭാഷ് ചന്ദ്ര ബോസിന്റെ 125ാം ജന്മദിനം കൂടി ആഘോഷിക്കുകയാണ്. ഇന്ത്യന് സ്വാതന്ത്ര്യ സമര ചരിത്രത്തില് നിര്ണായക പങ്കുവഹിച്ച സ്വാതന്ത്ര്യ സമര സേനാനിയാണ് നേതാജി സുഭാഷ് ചന്ദ്രബോസ്. ആസാദ് ഹിന്ദ് ഫൗജ് സ്ഥാപിക്കുന്നതില് അദ്ദേഹത്തിന്റെ പങ്ക് വളരെ വലുതാണ്. രണ്ടാം ലോകമഹായുദ്ധകാലത്ത് നേതാജി ആസാദ് ഹിന്ദ് ഫൗജിന്റെ നേതൃത്വം ഏറ്റെടുക്കുകയായിരുന്നു. അദ്ദേഹത്തിന്റെ നേതൃത്വത്തില് സ്വതന്ത്രഭാരതത്തിന്റെ ആദ്യ സര്ക്കാര് രൂപീകരിക്കപ്പെട്ടു എന്ന് മാത്രമല്ല, വടക്കുകിഴക്കന് ഭാരതത്തിന്റെ ചില ഭാഗങ്ങള് മോചിപ്പിക്കുന്നതിലും ആസാദ് ഹിന്ദ് ഫൗജ് വിജയിച്ചു.
ഹോട്ട് ലുക്കില് അതീവ ഗ്ലാമറസായി മാളവിക മോഹനന്; വൈറല് ചിത്രങ്ങള് കാണാം
നേതാജിയുടെ അചഞ്ചലമായ ആത്മാവിനെയും രാജ്യത്തോടുള്ള നിസ്വാര്ത്ഥ സേവനത്തെയും ബഹുമാനിക്കുന്നതിനും ഓര്ക്കുന്നതിനുമായി, ഐഎന്എ ട്രസ്റ്റ് അദ്ദേഹത്തെ ആദരിക്കാനും രാജ്യത്തെ ജനങ്ങള്ക്ക്, പ്രത്യേകിച്ച് യുവാക്കള്ക്ക്, നേതാജിയെപ്പോലെ പ്രതികൂല സാഹചര്യങ്ങളില് ധൈര്യത്തോടെ പ്രവര്ത്തിക്കുന്നതിനുള്ള പ്രചോദനം നല്കാനും ഒരു പരിപാടി സംഘടിപ്പിച്ചു. യുവാക്കളില് രാജ്യസ്നേഹത്തിന്റെ ആവേശം പകുന്നതിന് വേണ്ടിയായിരുന്നു പരിപാടി സംഘടിപ്പിച്ചത്.
നേതാജി സുഭാഷ് ബോസ്-ഐഎന്എ ട്രസ്റ്റിന്റെ ട്രസ്റ്റിയും നേതാജിയുടെ കൊച്ചുമകനുമായ ഡോ. ജെ.എസ്. രജ്പുത് പരിപാടിയില് പങ്കെടുത്ത് സംസാരിച്ചു. ഇന്ത്യയുടെ സ്വാതന്ത്ര്യത്തിന് നേതാജിയുടെ സംഭാവനകളെ രാജ്യത്തെ ജനങ്ങള്ക്ക് കുറച്ച് മാത്രമേ അറിയൂ എന്ന് അദ്ദേഹം പറഞ്ഞു. നേതാജിയുടെ പങ്ക് ജനങ്ങളെ അറിയിക്കുക എന്നതാണ് ഈ പരിപാടി സംഘടിപ്പിക്കുന്നതിനു പിന്നിലെ ഉദ്ദേശ്യമെന്ന് അദ്ദേഹം പറഞ്ഞു. രാജ്യത്തെ യുവാക്കള്ക്ക് നേതാജി സുഭാഷ് ചന്ദ്രബോസിനെക്കുറിച്ച് എല്ലാം അറിയണമെന്ന് ഉറച്ചു വിശ്വസിക്കുന്നെന്നും അദ്ദേഹം വ്യക്തമാക്കി.
ഇന്നത്തെ യുവാക്കള്ക്കിടയില് ദേശസ്നേഹം, ദേശീയത, സ്വയം അച്ചടക്കം, സാമൂഹിക സേവനം തുടങ്ങിയ നേതാജി ഉള്ക്കൊള്ളുന്ന അടിസ്ഥാന തത്വങ്ങള് പ്രോത്സാഹിപ്പിക്കുക എന്നതാണ് ഐഎന്എ ട്രസ്റ്റിന്റെ പ്രധാന ലക്ഷ്യം. ഐഎന്എ ട്രസ്റ്റ് അടുത്ത തലമുറയെ ശാക്തീകരിക്കുന്നതിനായി ലക്ഷ്യമിടുന്നു, അതുവഴി സുഭാഷ് ചന്ദ്രബോസിന്റെ കാഴ്ചപ്പാടിന് അനുസൃതമായി ഒരു സ്വതന്ത്ര ഇന്ത്യ കെട്ടിപ്പടുക്കാന് അവര് പ്രവര്ത്തിക്കുന്നതായിരിക്കും. സ്വാമി വിവേകാനന്ദനോടുള്ള നേതാജിയുടെ വലിയ ആരാധനയെക്കുറിച്ച് പരിപാടിയില് ക്ഷണിക്കപ്പെട്ട പരസ്കാര ജേതാവും എഴുത്തുകാരനും പത്രപ്രവര്ത്തകനും പൊതു പ്രഭാഷകനും സാമൂഹിക സംരംഭകനുമായ ഹിന്ഡോള് സെന്ഗുപ്ത സംസാരിച്ചു.
Click it and Unblock the Notifications
Sign in with Google