ബിജെപി രജനീകാന്തിനെ വിശ്വസിക്കരുത്; വിശ്വസിച്ചാല്‍ അത് ഭൂലോക മണ്ടത്തരമാകും: സുബ്രഹ്മണ്യന്‍ സ്വമി

Published: Sunday, June 9, 2019, 14:22 [IST]

ചെന്നൈ: നടന്‍ രജനികാന്തിനെ ബിജെപി നേതൃത്വം വിശ്വസിക്കരുതെന്ന താക്കീതുമായി മുതിര്‍ന്ന ബിജെപി നേതാവും രാജ്യസഭാംഗവുമായി സുബ്രഹ്മണ്യം സ്വാമി. തമിഴ്നാട്ടിലെ ബിജെപി നേതൃത്വം രജനികാന്തിനെ വിശ്വിസിക്കരുത്. രാജീവ് ഗാന്ധി വധത്തെക്കുറിച്ച് അദ്ദേഹം ഇതുവരെ ഒരു വാക്ക് പോലും മിണ്ടിയിട്ടില്ലെന്നും സുബ്രഹ്മണ്യന്‍ സ്വാമി ആരോപിക്കുന്നു.

രജനീകാന്ത് ഒരു രാഷ്ട്രീയ പാര്‍ട്ടി തുടങ്ങുമെന്നാണ് പറഞ്ഞിരിക്കുന്നത്. പക്ഷെ ഇതുവരെ അദ്ദേഹം ഒന്നും ചെയ്തിട്ടില്ല. തമിഴ്നാട്ടിലെ ബിജെപി നേതൃത്വം രജനീകാന്തിനെ വിശ്വസിച്ചാല്‍ അത് ഭൂലോക മണ്ടത്തരമായിരിക്കും. അദ്ദേഹത്തെ വിശ്വസിച്ചാല്‍ ബിജെപിക്ക് തമിഴ്നാട്ടില്‍ വലിയ നഷ്ടങ്ങള്‍ സംഭവിക്കുമെന്നും സുബ്രഹ്മണ്യന്‍ സ്വാമി പറഞ്ഞു.

പ്രധാനമന്ത്രി നരേന്ദ്ര മോദിയോടും ബിജെപിയേടും അടുത്ത സൗഹൃദം പുലര്‍ത്തുന്ന രജനി കാന്തിനെതിരെയാണ് സുബ്രഹ്മണ്യന്‍ സ്വാമി രംഗത്ത് വന്നിരിക്കുന്നതെന്നാണ് ശ്രദ്ധേയം. നരേന്ദ്ര മോദിയുടെ സത്യപ്രതിജ്ഞാ ചടങ്ങില്‍ ക്ഷണിക്കപ്പെട്ട അതിഥികളിലൊരാളായി രജനീകാന്തും പങ്കെടുത്തിരുന്നു. നെഹ്രുവിനും രാജീവ് ഗാന്ധിക്കും ശേഷം ഇന്ത്യയില്‍ നിന്നുള്ള ഏറ്റവും പ്രഭാവമുള്ള നേതാവ് മോദിയാണെന്നും രജനീകാന്ത് അഭിപ്രായപ്പെട്ടിരുന്നു.

Published On June 9, 2019