Click it and Unblock the Notifications
Just In
Don't Miss
-
റസിയക്കാണോ പ്രാധാന്യമെന്ന് കാവ്യക്ക് സംശയം; എന്നെ വിളിച്ചു; ദിലീപ് ഇങ്ങോട്ട് ആവശ്യപ്പെട്ട റോൾ; കമൽ -
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
എന്തിനാണ് ഇത്തരം അംഗങ്ങള്‍... അവര്‍ക്ക് സഭയില്‍ തുടരാന്‍ അവകാശമില്ല, രാഹുലിനെതിരെ രാജ്നാഥ് സിംഗ്!!
ദില്ലി: കോണ്‍ഗ്രസ് നേതാവ് രാഹുല്‍ ഗാന്ധിയുടെ റേപ്പ് ഇന്‍ ഇന്ത്യ പരാമര്‍ശത്തില്‍ രൂക്ഷ വിമര്‍ശനവുമായി കേന്ദ്ര മന്ത്രി രാജ്നാഥ് സിംഗ്. രാഹുലിന്റെ പരാമര്‍ശത്തില്‍ ലോക്‌സഭ മാത്രമല്ല രാജ്യം മുഴുവന്‍ വേദനിച്ചെന്നും രാജ്നാഥ് സിംഗ് പറഞ്ഞു. അത്തരം അംഗങ്ങള്‍ക്ക് ലോക്‌സഭയില്‍ തുടരാനുള്ള അവകാശമില്ലെന്നും രാജ്നാഥ് സിംഗ് പറഞ്ഞു. അതേസമയം സഭയില്‍ രാഹുലിനെതിരെ ബിജെപി അംഗങ്ങള്‍ കടുത്ത വിമര്‍ശനമാണ് ഉയര്‍ത്തിയത്.
എന്നാല്‍ പരാമര്‍ശത്തില്‍ മാപ്പുപറയുന്ന പ്രശ്‌നമേയില്ലെന്നാണ് രാഹുല്‍ വ്യക്തമാക്കിയത്. രാജ്യം മുഴുവന്‍ ബലാത്സംഗക്കാരാണോ ഉള്ളത് എന്നാണോ രാഹുല്‍ പറയുന്നതെന്ന് സ്മൃതി ഇറാനി ചോദിച്ചിരുന്നു. എന്നാല്‍ പ്രധാനമന്ത്രി മുമ്പ് റേപ്പ് ഇന്‍ ഇന്ത്യ പരാമര്‍ശം നടത്തിയിട്ടുണ്ടെന്ന് വീഡിയോ സഹിതം രാഹുല്‍ തെളിവ് നിരത്തിയിരുന്നു. മെയ്ക്ക് ഇന്‍ ഇന്ത്യ എന്നത് രാജ്യത്തെ ഇറക്കുമതി കേന്ദ്രീകൃത രാജ്യത്തില്‍ നിന്ന് കയറ്റുമതി കേന്ദ്രീകൃത രാജ്യമാക്കി മാറ്റുന്നതിന് വേണ്ടിയാണെന്നും രാജ്നാഥ് സിംഗ് പറഞ്ഞു.
പ്രധാനമന്ത്രി രാജ്യത്തെ യുവാക്കളെ തൊഴിലിലൂടെ ശാക്തീകരിക്കുന്നതിന് വേണ്ടിയാണ് ഇത് കൊണ്ടുവന്നത്. എന്നാല്‍ മോശം കാര്യങ്ങള്‍ക്കൊപ്പമാണ് ചിലര്‍ ഇത് ഉച്ഛരിക്കുന്നത്. അത് രാജ്യത്തെ തന്നെ വേദനിപ്പിച്ചു. രാഹുല്‍ ഗാന്ധി ഇക്കാര്യത്തില്‍ മാപ്പുപറയണം. ബിജെപി അംഗങ്ങളായ അനന്ത് കുമാര്‍ ഹെഗ്‌ഡേ, സ്വാധി നിരഞ്ജന്‍ ജ്യോതി എന്നിവര്‍ വിവാദ പരാമര്‍ശങ്ങള്‍ നടത്തിയപ്പോള്‍ മാപ്പുപറഞ്ഞിരുന്നു. രാഹുല്‍ ലോക്‌സഭയില്‍ മാത്രമല്ല, രാജ്യത്തെ മൊത്തം ജനങ്ങളോടും മാപ്പുപറയണമെന്നും രാജ്നാഥ് സിംഗ് പറഞ്ഞു.
ചരിത്രത്തില്‍ ആദ്യമായി ഇന്ത്യന്‍ സ്ത്രീകള്‍ ബലാത്സംഗം ചെയ്യപ്പെടുന്നു എന്ന് ഒരു നേതാവ് പറഞ്ഞതാണ്. ഇതാണോ രാഹുല്‍ ഗാന്ധി രാജ്യത്തിന് നല്‍കുന്ന സന്ദേശം. ഇതിന് അദ്ദേഹത്തിന് കൃത്യമായ ശിക്ഷ തന്നെ നല്‍കണമെന്ന് സ്മൃതി ഇറാനി പറഞ്ഞിരുന്നു. അതേസമയം തനിക്ക് മാപ്പുപറയാന്‍ ഉദ്ദേശമില്ലെന്നും രാഹുല്‍ പറഞ്ഞു. എല്ലാ പുരുഷന്‍മാരു ബലാത്സംഗം ചെയ്യുന്നവരല്ല. ഇത് ഇന്ത്യക്ക് അപമാനമാണെന്നും സ്മൃതി ഇറാനി പാര്‍ലമെന്റില്‍ പറഞ്ഞു.
