മഡോണ സെബാസ്റ്റ്യന്റെ ചിത്രവുമായി സുചിലീക്സ്?
ചെന്നൈ: സുചി ലീക്സിന്റെ ഭീഷണി ഇപ്പോഴും അവസാനിക്കുന്നില്ല. ഓരോ ദിവസവും പുത്തന് ട്വിറ്റര് ഹാന്ഡിലുകളാണ് ഈ പേരില് സൃഷ്ടിക്കപ്പെടുന്നത്. ഇനി മലയാളി നടിമാരുടെ ചിത്രങ്ങളും വീഡിയോകളും പുറത്ത് വിടും എന്നാണ് പുതിയ ഭീഷണി. ഈ ഭീഷണി നിലനില്ക്കുന്നതിനിടയില് പ്രേമം ഫെയിം മഡോണ സെബാസ്റ്റ്യന്റേതെന്ന പേരില് ഒരു സെല്ഫിയും ഒരു ട്വിറ്റര് ഹാന്ഡില് പുറത്ത് വിട്ടു.
അടുത്ത ലക്ഷ്യം മലയാളി നടിമാരാണെന്ന് പറയുന്നുണ്ടെങ്കിലും അന്യഭാഷകളില് അഭിനയിച്ചവരുടേതെന്ന പേരില് പ്രത്യക്ഷപ്പട്ടതല്ലാതെ മറ്റ് ചിത്രങ്ങളൊന്നും പുറത്ത് വന്നിട്ടില്ല. എന്നാല് വസുന്ധര കശ്യപിന്റേതെന്ന പേരില് ചിത്രങ്ങളാണ് ഇപ്പോള് പുറത്ത് വന്നിട്ടുള്ളത്.
ധനുഷിനെതിരെ ആരോപണം ഉന്നയിച്ചാണ് ഗായിക സുചിത്ര വിവാദം തുടങ്ങിയത്. പിന്നാലെ സുചിലീക്സ് എന്ന പേരിൽ ട്വിറ്ററിൽ അക്കൗണ്ടുകൾ പ്രത്യക്ഷപ്പെട്ടു. സുചി ലീക്സ് എന്ന പേര് കൊടുത്ത അക്കൗണ്ടുകൾക്ക് ഇഷ്ടം പോലെ ഫോളേവേഴ്സും കിട്ടി. 35,000 ല് അധികം ഫോളോവേഴ്സിനെ ഉണ്ടാക്കിയത് വെറും വിരലിലെണ്ണാവുന്ന ദിവസങ്ങള്ക്കുള്ളിലാണ്. സുചിത്രയുടെ പേര് പറഞ്ഞ് അവസരം മുതലെടുക്കാനുള്ള ശ്രമമാണ് മറ്റ് പലരും നടത്തിയത്.