ഹിമാചലില് ട്വിസ്റ്റ്; മുഖ്യമന്ത്രിയായി സുഖു എത്തിയേക്കും... പ്രതിഭ സിങിന് പിന്തുണയില്ല
ഷിംല: മികച്ച ഭൂരിപക്ഷത്തോടെ അധികാരത്തിലെത്തിയ കോണ്ഗ്രസ് ഹിമാചല് പ്രദേശിലെ മുഖ്യമന്ത്രിയെ ഉടന് പ്രഖ്യാപിക്കും. മുന് സംസ്ഥാന അധ്യക്ഷന് സുഖ്വീന്ദര് സിങ് സുഖുവിനാണ് സാധ്യത. നേരത്തെ മുഖ്യമന്ത്രി പദത്തിന് അവകാശവാദം ഉന്നയിച്ച സംസ്ഥാന അധ്യക്ഷ പ്രതിഭാ സിങിന് എംഎല്എമാരുടെ മതിയായ പിന്തുണയില്ലാത്തതിനാലാണ് സുഖുവിലേക്ക് ഹൈക്കമാന്റ് തിരിയുന്നത്. സ്വതന്ത്ര എംഎല്എമാരുടെ പിന്തുണയും ഇദ്ദേഹത്തിനാണ് എന്നാണ് വിവരം. വൈകാതെ ഔദ്യോഗിക പ്രഖ്യാപനമുണ്ടാകും.
വെള്ളിയാഴ്ച മുഖ്യമന്ത്രിയെ തിരഞ്ഞെടുക്കാന് കോണ്ഗ്രസ് യോഗം ചേര്ന്നിരുന്നു. ഇതിന് തൊട്ടുമുമ്പാണ് പ്രതിഭാ സിങ് മുഖ്യമന്ത്രി പദത്തില് അവകാശവാദം ഉന്നയിച്ചത്. തന്റെ ഭര്ത്താവും മുന് മുഖ്യമന്ത്രിയുമായ വീര്ഭദ്രസിങിന്റെ പേര് ഉപയോഗിച്ചാണ് കോണ്ഗ്രസ് തിരഞ്ഞെടുപ്പ് പ്രചാരണം നടത്തിയതെന്നും അദ്ദേഹത്തിന്റെ കുടുംബത്തെ അവഗണിക്കുന്നത് വലിയ ദുരന്തമാകുമെന്നുമായിരുന്നു പ്രതിഭയുടെ വാക്കുകള്.
എന്നാല് ജയിച്ച 40 കോണ്ഗ്രസ് എംഎല്എമാര്ക്കിടയില് പ്രതിഭാ സിങിനോട് താല്പ്പര്യമുള്ളവര് കുറവാണ്. ഇതാണ് അവര്ക്ക് തിരിച്ചടിയായത്. തുടര്ന്ന് ഹൈക്കമാന്റിന്റെ ശ്രദ്ധ സുഖ്വീന്ദര് സിങിലേക്കാണ് എന്ന് കോണ്ഗ്രസ് വൃത്തങ്ങളെ ഉദ്ധരിച്ച് ദേശീയ മാധ്യമങ്ങള് റിപ്പോര്ട്ട് ചെയ്യുന്നു.
സുഖ്വീന്ദര് സിങ് സുഖുവിന് 25 എംഎല്എമാരുടെ പിന്തുണയുണ്ട്. സ്വതന്ത്രരും അദ്ദേഹത്തെ അനുകൂലിച്ച് രംഗത്തുവന്നിട്ടുണ്ട്. ഹിമാചല് പ്രദേശില് മുഖ്യമന്ത്രിയെ തീരുമാനിക്കുന്നതിന് പിന്നിലുള്ള ചര്ച്ചകള്ക്ക് ചുക്കാന് പിടിക്കുന്നത് പ്രിയങ്ക ഗാന്ധിയാണ്. നിയമസഭാ തിരഞ്ഞെടുപ്പ് പ്രചാരണത്തിന് ചുക്കാന് പിടിച്ചത് പ്രിയങ്കയും സുഖ്വീന്ദര് സിങ് സുഖുവും ആയിരുന്നു. കോണ്ഗ്രസിന്റെ വിദ്യാര്ഥി വിഭാഗമായ എന്എസ്യുഐയിലൂടെ രാഷ്ട്രീയരംഗത്തിറങ്ങിയ നേതാവാണ് സുഖു.
2000ത്തില് യൂത്ത് കോണ്ഗ്രസ് സംസ്ഥാന അധ്യക്ഷനായിരുന്നു അദ്ദേഹം. ഷിംലയിലെ ഹിമാചല് പ്രദേശ് യൂണിവേഴ്സിറ്റിയില് കോണ്ഗ്രസിന്റെ പ്രവര്ത്തനത്തിന് നേതൃത്വം നല്കിയതും ഇദ്ദേഹമായിരുന്നു. നിയമ ബിരുദ ധാരിയാണ്. മൂന്ന് തവണ ഹാമിര്പൂര് ജില്ലയിലെ നദായുന് മണ്ഡലത്തില് നിന്ന് നിയമസഭയിലെത്തിയ വ്യക്തിയാണ്.
അതേസമയം, കഴിഞ്ഞ നിയമസഭയിലെ പ്രതിപക്ഷ നേതാവ് മുകേഷ് അഗ്നിഹോത്രിയെയും മുഖ്യമന്ത്രി പദത്തിലേക്ക് പരിഗണിക്കുന്നുണ്ടെന്നാണ് വാര്ത്തകള്. മാധ്യമപ്രവര്ത്തകനായിരുന്ന ഇദ്ദേഹം പിന്നീട് രാഷ്ട്രീയത്തില് ശ്രദ്ധ കേന്ദ്രീകരിക്കുകയായിരുന്നു. അഞ്ചാം തവണയാണ് നിയമസഭയിലേക്ക് തിരഞ്ഞെടുക്കപ്പെടുന്നത്.
-
പ്രചാരണത്തിന് ‘ഇന്ദിര ഗ്യാരന്റി’ വരുന്നു, വാഗ്ദാനങ്ങളുമായി കേരളം ചുറ്റും -
''കോൺഗ്രസ്സ് കേരളത്തിൽ മതരാഷ്ട്രം നടപ്പിലാക്കാൻ ശ്രമിച്ചാലും അത്ഭുതപ്പെടാനില്ല..'', തുറന്നടിച്ച് അഖിൽ മാരാർ -
'ഗോൾവാൾക്കറുടെ ഫോട്ടോയ്ക്കു മുന്നിൽ താണുവണങ്ങിയത് ഏത് ഡീൽ ആയിരുന്നു?' വിഡി സതീശനോട് മുഖ്യമന്ത്രി -
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
പിണറായി ലക്ഷണമൊത്ത ആർഎസ്എസ് ഏജന്റെന്ന് വിഡി സതീശൻ, 'ആർഎസ്എസ് പിന്തുണയിൽ എംഎൽഎയായി' -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ
Click it and Unblock the Notifications
Sign in with Google