സുനന്ദയുടെ സഹോദരന് തരൂരിനെ സംശയം?
ദില്ലി: സുനന്ദ പുഷ്ക്കറിന്റെ മരണത്തില് ഭര്ത്താവ് ശശി തരൂരിനെതിരെ സംശയം പ്രകടിപ്പിച്ച് സഹോദരന് രംഗത്തെത്തി. സുനന്ദയുടെ മരണത്തെ കൊലപാതകം എന്നാണ് സഹോദരന് അശോക് കുമാര് വിശേഷിപ്പിച്ചത്. സുനന്ദ ആത്മഹത്യ ചെയ്തതല്ല, മറിച്ച് കൊല്ലപ്പെട്ടതാണ് എന്ന് അശോക് കുമാര് ആരോപിച്ചതായി ദേശീയ മാധ്യമങ്ങളാണ് റിപ്പോര്ട്ട് ചെയ്തത്.
സുനന്ദ പുഷ്കറിന്റെ മരണം മുന്കൂട്ടി പ്ലാന് ചെയ്തു എന്നും അശോക് കുമാര് കരുതുന്നു. ശശി തരൂരിന് സംഭവത്തില് ബന്ധമുള്ളതായും അദ്ദേഹം സംശയം പ്രകടിപ്പിച്ചു. ജനുവരി 17 നാണ് സുനന്ദ പുഷ്കര് മരിച്ചത്. കോണ്ഗ്രസ് പാര്ട്ടി പരിപാടികളുമായി തിരക്കിലായിരുന്ന തരൂര് തിരിച്ചെത്തിയപ്പോഴാണ് സുനന്ദ പു്ഷ്കറിനെ മരിച്ച നിലയില് കണ്ടെത്തിയത്. ദില്ലിയിലെ ലീല പാലസ് ഹോട്ടലിലായിരുന്നു സംഭവം.
പാകിസ്താനി ജേര്ണലിസ്റ്റായ മെഹര് തരാറുമായി ശശി തരൂരിനുള്ള ബന്ധത്തില് സുനന്ദ പുഷ്കര് വളരെ അസ്വസ്ഥയായിരുന്നു. സുനന്ദ സുഖമില്ലാതെ കിടക്കുമ്പോഴാണ് ശശി തരൂര് കോണ്ഗ്രസ് സമ്മേളനത്തിന് പോയത്. ഹോട്ടലിലെ സി സി ടി വി ക്യാമറകള് കൃത്യമായി പ്രവര്ത്തിക്കുന്നുണ്ടായിരുന്നില്ല. വിഷം അകത്തുചെന്നാണ് സുനന്ദ പുഷ്കര് മരിച്ചതെന്ന് പോസ്റ്റ് മോര്ട്ടം റിപ്പോര്ട്ടില് പറയുന്നതായി റിപ്പോര്ട്ടുകള് ഉണ്ടായിരുന്നു.
എ ഐ സി സി സമ്മേളനം കഴിഞ്ഞ് പോകുമ്പോള് ആരുടെയും കൈ പിടിച്ച് കുലുക്കാന് പോലും തരൂര് തയ്യാറായിരുന്നില്ല എന്നും അശോക് കുമാര് പറഞ്ഞു. സംഭവത്തില് സി ബി ഐ അന്വേഷണം വേണമെന്നും അദ്ദേഹം ആവശ്യപ്പെട്ടു. അതേസമയം അശോക് കുമാറിന്റെ പ്രസ്താവനകളോട് ശശി തരൂര് പ്രതികരിച്ചില്ല. നേരത്തെ, വിഷം കുത്തിവച്ചതാകാം സുന്ദയുടെ മരണത്തിന് കാരണമായതെന്ന് സംശയിക്കുന്നതായി സുബ്രഹ്മണ്യം സ്വാമി പറഞ്ഞിരുന്നു.