ഏറ്റവും പ്രിയപ്പെട്ടവളേ.. പാക് മാധ്യമ പ്രവർത്തക മെഹറിന് തരൂർ അയച്ച മെയിലുകളുമായി പോലീസ് കോടതിയിൽ!
ദില്ലി: രണ്ടാമതും നരേന്ദ്ര മോദി സര്ക്കാര് അധികാരത്തിലേറിയതിന് പിന്നാലെ കോണ്ഗ്രസ് നേതാക്കള്ക്കെതിരെയുളള കേസുകളില് തുടര്നീക്കങ്ങള് ശക്തമാക്കിയിരിക്കുകയാണ്. മുന് കേന്ദ്ര കൂടിയായ പി ചിദംബരം ഐഎന്എസ്ക് മീഡിയ കേസില് സിബിഐ അറസ്റ്റ് ചെയ്യുന്നത് ഒഴിവാക്കാന് നെട്ടോട്ടമോടുകയാണ്.
മറ്റൊരു മുന് കോണ്ഗ്രസ് കേന്ദ്ര മന്ത്രിയായിരുന്ന ശശി തരൂരിന്റെ തലയ്ക്ക് മുകളില് ഭാര്യ സുനന്ദ പുഷ്കറിന്റെ ദുരൂഹ മരണമാണ് ഡെമോക്ലസിന്റെ വാള് പോലെ തൂങ്ങിക്കിടക്കുന്നത്. തരൂരിനെ പൂട്ടുന്ന തരത്തിലുളള നിര്ണായക വിവരങ്ങള് ദില്ലി പോലീസ് കോടതിയില് കൈമാറിയിട്ടുണ്ട്. പാക് മാധ്യമപ്രവര്ത്തക മെഹര് തരാറുമായി തരൂരിന് ഉണ്ടെന്ന് പറയപ്പെടുന്ന ബന്ധത്തിന്റെ വിവരങ്ങള് അടക്കം പോലീസ് കോടതിയില് സമര്പ്പിച്ചു.
'എനിക്ക് ഏറ്റവും പ്രിയപ്പെട്ടവളേ'
പാക് മാധ്യമ പ്രവര്ത്തക മെഹര് തരാറുമായുളള ശശി തരൂരിന്റെ ബന്ധം സുനന്ദ പുഷ്കറിനെ മാനസിക സമ്മര്ദ്ദത്തിലാക്കിയെന്നും ഇതാണ് മരണത്തിലേക്ക് നയിച്ചത് എന്നുമാണ് ദില്ലി പോലീസിന്റെ കണ്ടെത്തല്. ശശി തരൂര് മെഹര് തരാറിന് അയച്ച ഇ മെയിലുകളും സുനന്ദയുടെ സുഹൃത്തും മാധ്യമപ്രവര്ത്തകയുമായ നളിനി സിംഗ് നല്കിയ മൊഴിയും പോലീസ് കോടതിയില് സമര്പ്പിച്ചു. 'എനിക്ക് ഏറ്റവും പ്രിയപ്പെട്ടവളേ' എന്നാണ് കത്തില് മെഹറിനെ തരൂര് സംബോധന ചെയ്തിരിക്കുന്നതെന്ന് സ്പെഷ്യല് പബ്ലിക് പ്രോസിക്യൂട്ടര് ചൂണ്ടിക്കാട്ടി.
നളിനി സിംഗിന്റെ മൊഴി
മെഹര് തരാറുമായി ശശി തരൂരിനുളള അടുപ്പം ചൂണ്ടിക്കാട്ടുന്നതാണ് ആ കത്തുകളെന്നും പ്രോസിക്യൂഷന് വാദിച്ചു. ഇത്തരത്തിലുളള നിരവധി ഇ മെയിലുകള് മെഹറിന് തരൂര് അയച്ചിട്ടുണ്ട്. അതേസമയം ആ കത്തുകള് തികച്ചും സ്വകാര്യമാണെന്നും പ്രോസിക്യൂഷന് കത്തിന്റെ ഒരു ഭാഗം മാത്രമെടുത്ത് വളച്ചൊടിക്കുകയാണെന്നും തരൂരിന്റെ അഭിഭാഷകന് വികാസ് പഹ്വ എതിര്വാദം ഉന്നയിച്ചു. മെഹര് തരാറുമായുളള തരൂരിന്റെ ബന്ധമാണ് സുനന്ദയുടെ ആത്മഹത്യയിലേക്ക് നയിച്ച് എന്ന് തെളിയിക്കാന് നളിനി സിംഗിന്റെ മൊഴിയും പ്രോസിക്യൂഷന് ചൂണ്ടിക്കാട്ടി.
കരഞ്ഞ് കൊണ്ട് സുനന്ദ വിളിച്ചു
മെഹര് തരാറിനേയും ശശി തരൂരിനേയും കുറിച്ചുളള വിവരങ്ങള് അടക്കം സുനന്ദ പുഷ്കര് തന്നോട് പറഞ്ഞിരുന്നു എന്നാണ് നളിനി സിംഗ് പോലീസില് നല്കി മൊഴി. കരഞ്ഞ് കൊണ്ടാണ് സുനന്ദ തന്നോട് ഫോണില് സംസാരിച്ചത് എന്നും താന് അവരെ ആശ്വസിപ്പിക്കാന് ശ്രമിച്ചുവെന്നും നളിനിയുടെ മൊഴിയില് പറയുന്നു. തരൂരിന്റെയും സുനന്ദയുടേയും ദാമ്പത്യ ബന്ധം തകര്ച്ചയില് ആയിരുന്നു. തരൂരിനോടും മെഹര് തരാറിനോടും പകരം ചോദിക്കണം എന്നാണ് സുനന്ദ പറഞ്ഞതെന്നും നളിനി സിംഗ് നല്കിയ മൊഴിയില് ഉണ്ട്.
ശാരീരിക പീഡനവും
ശശി തരൂരും മെഹര് തരാറും തമ്മില് കൈമാറിയ ചില ഇ മെയില് സന്ദേശങ്ങള് സുനന്ദ പുഷ്കറിന് ലഭിച്ചിരുന്നുവെന്നും മൊഴിയില് പറയുന്നു. വീട്ടിലേക്ക് തിരിച്ച് പോകാന് തയ്യാറാവാതെ സുനന്ദ പുഷ്കര് ലീല ഹോട്ടലിലേക്കാണ് പോയത് എന്നും നളിനി സിംഗ് പോലീസിന് മൊഴി നല്കി. തരൂരില് നിന്ന് മാനസിക പീഡനം മാത്രമല്ല ശാരീരിക പീഡനവും സുനന്ദ പുഷ്കര് അനുവദിച്ചിരുന്നുവെന്നും പ്രോസിക്യൂഷന് വാദിച്ചു. സുനന്ദയുടെ ശരീരത്തില് 15ഓളം മുറിവേറ്റ പാടുകള് ഉണ്ടായിരുന്നു എന്നുളള റിപ്പോര്ട്ട് പോലീസ് കോടതിയില് സമര്പ്പിച്ചു. അവ മൽപ്പിടുത്തത്തിന്റെ ഭാഗമായി സംഭവിച്ചതാണെന്നാണ് പ്രോസിക്യൂഷൻ വാദം.
15ഓളം മുറിവേറ്റ പാടുകള്
വിഷം അകത്ത് ചെന്നതാണ് സുനന്ദ പുഷ്കറിന്റെ മരണകാരണമായി പോസ്റ്റ്മോര്ട്ടം റിപ്പോര്ട്ട് ചൂണ്ടിക്കാണിക്കുന്നത്. എന്നാല് സുനന്ദ പുഷ്കറിന്റെ ശരീരത്തില് 15ഓളം മുറിവേറ്റ പാടുകള് ഉണ്ടായിരുന്നുവെന്നും അവ 4 മുതല് 12 മണിക്കൂറുകള് വരെ പഴക്കം മാത്രം ഉളളവ ആണെന്നും പ്രോസിക്യൂട്ടര് വ്യക്തമാക്കി. കൈകളിലും കൈമുട്ടിലും കാലുകളിലുമായാണ് മുറിവുകൾ കണ്ടെത്തിയത്. സുനന്ദ പുഷ്കര് മരണത്തില് ശശി തരൂരിന് എതിരെ കുറ്റം ചുമത്തുന്നതുമായി ബന്ധപ്പെട്ടാണ് ദില്ലിയിലെ റോസ് അവന്യൂ കോടതി വാദം കേൾക്കാൻ ആരംഭിച്ചിരിക്കുന്നത്. കേസിൽ ഇനി വാദം ആഗസ്റ്റ് 31ന് തുടരും.
-
കലങ്ങി മറിഞ്ഞ് എറണാ‘കുളം’; വിശ്വസ്തരെയും വാക്ക് കൊടുത്തവരെയും എവിടെ നിർത്തും? -
കുട്ടനാട്ടിൽ കരച്ചിൽ, പുനലൂരിൽ തമ്മിലടി, ചെങ്ങന്നൂരിൽ പരാതി- സമാധാനമില്ലാതെ കോൺഗ്രസ് -
‘നെപ്പോ കിഡ്’ അല്ല, പാർട്ടിയിൽ തലമുറമാറ്റം നേരത്തേ തുടങ്ങിയത്- അപു ജോൺ ജോസഫ് -
'ഒരുമാസം ജീവിക്കാൻ ഒന്നരലക്ഷം പോയിട്ട് 5000 രൂപ പോലും വേണ്ട';വ്യക്തിഹത്യക്കെതിരെ തുറന്നടിച്ച് രമ്യ ഹരിദാസ് -
"അദ്ദേഹം എനിക്ക് വരാനുള്ള പാലമല്ല"; രമേഷ് പിഷാരടിയുടെ സ്ഥാനാര്ത്ഥിത്വത്തിൽ ഷാഫി പറമ്പിൽ -
ഗോഡ്ഫാദറില്ലാത്തത് അയോഗ്യതയാണോ? 'ഫാദറുണ്ട്; മത്സരിച്ചാൽ 15000 ഭൂരിപക്ഷത്തിൽ ജയിക്കും': എൽദോസ് കുന്നപ്പിള്ളി -
പാർലമെന്ററി രാഷ്ട്രീയത്തിൽ നിന്ന് വിരമിച്ച് പിജെ ജോസഫ്; തൊടുപുഴയിൽ മകൻ അപു -
പ്രതീക്ഷിക്കാത്ത സമയത്ത് ധനം കൈവശം വന്നുചേരും, സ്ഥലം വാങ്ങും, കൃഷിയിൽ നിന്ന് വരുമാനം, നാൾഫലം -
ദുബായില് നിന്ന് സ്വര്ണം വാങ്ങാതെ ഇന്ത്യക്കാര്... യുഎഇക്കാര് വാങ്ങല് നിര്ത്തുന്നുമില്ല; കാരണമിത് -
സ്വര്ണം തിരിച്ചുകയറി; ഇന്ന് വന് വില മുന്നേറ്റത്തിന് കാരണം ഇതാണ്, ഇന്നത്തെ പവന് വില -
പിടിവിട്ട് ട്രംപ്; ഇറാന്റെ പ്രതിരോധം അമ്പരിപ്പിക്കുന്നത്; യൂറോപ്യന് സഖ്യകക്ഷികള് പോലും പിന്തുണച്ചില്ല -
ബെംഗളൂരുവില്നിന്ന് അയര്ലന്ഡിലേക്ക് സ്ഥലംമാറ്റം; ശമ്പളത്തിലും വലിയ വ്യത്യാസം: താരതമ്യവുമായി ടെക്കി
Click it and Unblock the Notifications
Sign in with Google