സണ്ണി ലിയോണും ക്രിക്കറ്റിലേക്ക്, ചെന്നൈ ടീം ഇനി സണ്ണിക്ക് സ്വന്തം !
ചെന്നൈ: സ്പോര്ട്സില് ഒരു കൈ നോക്കുന്ന സിനിമാ താരങ്ങള് ഇന്ത്യക്കാര്ക്ക് പുത്തരിയൊന്നും അല്ല. ഐ പി എല് ക്രിക്കറ്റ് തുടങ്ങിയപ്പോള് മൂന്ന് ബോളിവുഡ് താരങ്ങളാണ് ടീമിനെ വിളിച്ചെടുക്കാന് മുന്പന്തിയില് ഉണ്ടായിരുന്നത്. രാജസ്ഥാന്റെ ശില്പ ഷെട്ടി, പഞ്ചാബിന്റെ പ്രീതി സിന്റ പിന്നെ കൊല്ക്കത്തയുടെ സ്വന്തം കിംഗ് ഖാന്.
ഇപ്പോഴിതാ ബോളിവുഡില് നിന്നും മറ്റൊരു പ്രമുഖ താരം കൂടി ക്രിക്കറ്റ് ടീമിനെ സ്വന്തമാക്കിയിരിക്കുകയാണ്. മറ്റാരുമല്ല ഗ്ലാമര് ക്വീന് സണ്ണി ലിയോണ്. ചെന്നൈ ടീമിനെയാണ് സണ്ണി ലിയോണ് സ്വന്തമാക്കിയിരിക്കുന്നത്. ഐ പി എല് ടീമിനെ നഷ്ടപ്പെട്ട ദുഖത്തിലിരിക്കുന്ന ചെന്നൈക്ക് സണ്ണി ലിയോണിന്റെ ചെന്നൈ സ്വാഗേഴ്സ് സാന്ത്വനമാകുമോ. കാണൂ സണ്ണി ലിയോണിന്റെ കളിവിശേഷങ്ങള്...
എല്ലാ കളികളും ഇഷ്ടമാണ്
ചെറുപ്പം മുതലേ എല്ലാ സ്പോര്ട്സും തനിക്ക് ഇഷ്ടമായിരുന്നു എന്നാണ് സണ്ണി ലിയോണ് പറയുന്നത്. ഫുട്ബോളാണ് പ്രിയപ്പെട്ട ഇനം. ഇപ്പോഴിതാ താന് ക്രിക്കറ്റും ഇഷ്ടപ്പെട്ടു തുടങ്ങിയിരിക്കുന്നു.
ഫുട്ബോള്, പിങ് പോങ്, വോളിബോള്
ഏതെല്ലാം കളികളാണ് ചെറുപ്പത്തില് താരം ആസ്വദിച്ചിരുന്നത് എന്നറിയാമോ. ഫുട്ബോള്, പിങ് പോങ്, വോളിബോള്, ബാസ്ക്കറ്റ് ബോള് എന്നിങ്ങനെ സണ്ണി ലിയോണ് കൈവെക്കാത്ത ഏരിയകളിലല്ല
ബോക്സ് ക്രിക്കറ്റ് ലീഗില്
ഷാരൂഖ് ഖാനെയും പ്രീതി സിന്റയെയും പോലെ ഐ പി എല് ക്രിക്കറ്റിലല്ല, ബോക്സ് ക്രിക്കറ്റ് ലീഗിലാണ് സണ്ണി ലിയോണ് ടീമിനെ സ്വന്തമാക്കിയിരിക്കുന്നത്.
ടി വി താരങ്ങളുടെ ടീം
ടെലിവിഷന് താരങ്ങളാണ് ബോക്സ് ക്രിക്കറ്റ് ലീഗില് അണി നിരക്കുന്നത്. സണ്ണി ലിയോണിന്റെ ചെന്നൈ സ്വാഗേഴ്സില് മൗനി റോയ്, റിത്വിക് ധന്ജാനി, സംഗ്രാം സിങ് തുടങ്ങിയ മിനിസ്ക്രീന് പോപ്പുലര് താരങ്ങള് കളിക്കുന്നു.
സണ്ണി ലിയോണ് പ്രതീക്ഷയിലാണ്
ലീഗില് മികച്ച പ്രകടനം കാഴ്ച വെക്കാനാകുമെന്ന പ്രതീക്ഷയിലാണ് സണ്ണി ലിയോണ്. കളിക്കാര്ക്ക് ആത്മവിശ്വാസം പകര്ന്ന് പരിശീലന ക്യാംപിലും കളിസ്ഥലത്തും സണ്ണി ലിയോണിന്റെ സാന്നിധ്യവുമുണ്ടാകും.