സണ്ണിലിയോണ്‍ ബലാത്സംഗം പ്രോത്സാഹിപ്പിക്കുന്നതായി രാഖി സാവന്ത്

By Anwar Sadath

Updated: Friday, September 11, 2015, 8:57 [IST]

മുംബൈ: ബോളിവുഡ് താരവും മുന്‍ പോണ്‍ നടിയുമായ സണ്ണിലിയോണിനെതിരെ വീണ്ടും രാഖി സാവന്ത്. സണ്ണിലിയോണ്‍ ഇന്ത്യയില്‍ ബലാത്സംഗം പ്രോത്സാഹിപ്പിക്കുകയാണെന്ന് രാഖി പറഞ്ഞു. മുംബൈയില്‍ ഒരു പരിപാടിയില്‍ പങ്കെടുക്കാനെത്തിയപ്പോഴായിരുന്നു ഐറ്റം ഡാന്‍സുകാരിയായ രാഖി ഇത്തരമൊരു പരാര്‍ശം നടത്തിയത്.

അടുത്തിടെ പുറത്തിറങ്ങിയ സണ്ണി ലിയോണിന്റെ കോണ്ടം പരസ്യവും സിനിമാ ഗാന രംഗങ്ങളുമാണ് രാഖി ഇതിനായി ഉയര്‍ത്തിക്കാട്ടുന്നത്. ഇവ ഇന്ത്യന്‍ സ്ത്രീകളുടെ അന്തസ്സ് നശിപ്പിക്കുന്നതാണെന്നും സണ്ണി ലിയോണിനെ എത്രയും പെട്ടെന്ന് ഇന്ത്യയില്‍ നിന്നും കെട്ടുകെട്ടിക്കണമെന്നും രാഖി പറഞ്ഞു.

സണ്ണിയെ ബോളിവുഡില്‍ തുടരാന്‍ അനുവദിക്കണമെങ്കില്‍ അവര്‍ ശരീരം മുഴുവന്‍ മറയ്ക്ക്ണമെന്നും രാഖി ആവശ്യപ്പെട്ടിട്ടുണ്ട്. ആളുങ്ങളെ മാത്രമല്ല, പെണ്‍കുട്ടികളെയും വഴിതെറ്റിക്കുന്നതാണ് സണ്ണി ലിയോണിന്റെ വസ്ത്രധാരണവും ഗാന രംഗങ്ങളും. ഇവ ഇന്ത്യന്‍ സംസ്‌കാരത്തിനുതന്നെ ചീത്തപ്പേരുണ്ടാക്കുമെന്നും രാഖി പറഞ്ഞു.

ഇതാദ്യമല്ല രാഖി സണ്ണി ലിയോണിനെ വിമര്‍ശിക്കുന്നത്. അവസരം കിട്ടുമ്പോഴൊക്കെ സണ്ണി ലിയോണിനെതിരെ രാഖി ഇത്തരം പരാമര്‍ശം നടത്തുക പതിവാണ്. ഒരു കാലത്ത് ശരീരപ്രദര്‍ശനത്തിന്റെ പേരില്‍ ബോളിവുഡില്‍ ശ്രദ്ധിക്കപ്പെട്ടിരുന്ന രാഖി അടക്കമുള്ള നടിമാര്‍ സണ്ണി ലിയോണ്‍ എത്തിയതോടെയാണ് പുറംതള്ളപ്പെട്ടത്.