75% സ്വദേശികൾക്ക് തൊഴിൽ സംവരണം; ഹൈക്കോടതി ഉത്തരവ് സുപ്രീം കോടതി റദ്ദാക്കി

Updated: Thursday, February 17, 2022, 16:57 [IST]

ഡൽഹി: ഹരിയാനയിൽ തദ്ദേശ വാസികൾക്ക് സ്വകാര്യ ജോലികളിലുളള 75 ശതമാനം സംവരണം സുപ്രീം കോടതി റദ്ദാക്കി. ഹരിയാന ഹൈക്കോടതി ഉത്തരവിനെയാണ് സുപ്രീം കോടതി റദ്ദാക്കിയത്. ഹൈക്കോടതി മതിയായ കാരണങ്ങളൊന്നും നൽകാത്തതിനാൽ റദ്ദാക്കുന്നതായി സുപ്രീംകോടതി അറിയിച്ചു.

തൊഴിലുടമകൾക്ക് എതിരെ നിർബന്ധിത നടപടികൾ ഒന്നും സ്വീകരിക്കരുതെന്നും സുപ്രീം കോടതി വ്യക്തമാക്കി. ഈ മാസം ആദ്യം ഹരിയാന മുഖ്യമന്ത്രി എം എൽ ഖട്ടാർ ഈ ഉത്തരവ് നീതിക്ക് വിരുദ്ധമാണെന്ന് കാണിച്ച് സുപ്രീം കോടതിയെ സമീപിച്ചിരുന്നു.

ഹൈക്കോടതി ഉത്തരവിനെതിരെയാണ് സുപ്രീം കോടതിയെ സമീപിച്ചത്. എന്നാൽ, 90 സെക്കൻഡ് നീണ്ട വാദത്തിന് ശേഷം ഉത്തരവ് പാസാക്കിയതെന്നും അഭിഭാഷകന്റെ വാദം കേട്ടില്ലെന്നും സംസ്ഥാനം വാദിച്ചിരുന്നു. അതേസമയം, കേസ് പൂർണ്ണമായി കേട്ട് നാലാഴ്ചയ്ക്കകം വിധി പറയണമെന്ന് സുപ്രീം കോടതി ഇന്ന് ഹൈക്കോടതിയോട് ആവശ്യപ്പെട്ടു.

"ഞങ്ങൾ കൈകാര്യം ചെയ്യാൻ ഉദ്ദേശിക്കുന്നില്ല.. വേഗത്തിൽ തീർപ്പാക്കണമെന്ന് ഹൈക്കോടതിയോട് അഭ്യർത്ഥിക്കുന്നു. സാവകാശം തേടരുതെന്ന് കക്ഷികൾക്ക് നിർദ്ദേശമുണ്ട്..." ജസ്റ്റിസ് എൽ നാഗേശ്വര റാവു, പിഎസ് നരസിംഹ എന്നിവരടങ്ങിയ ബെഞ്ച് പറഞ്ഞു. .

"ഇതിനിടയിൽ, തൊഴിലുടമകൾക്കെതിരെ നിർബന്ധിത നടപടി എടുക്കരുതെന്ന് ഹരിയാനയ്ക്ക് നിർദ്ദേശമുണ്ട്. ഹൈക്കോടതി പുറപ്പെടുവിച്ച കുറ്റമറ്റ ഉത്തരവ് ഹൈക്കോടതി മതിയായ കാരണങ്ങളൊന്നും നൽകാത്തതിനാൽ റദ്ദാക്കുന്നു..." - സുപ്രീംകോടതി വ്യക്തമാക്കി.

അതേസമയം, ഹരിയാനയിലെ താമസക്കാർക്ക് 75 ശതമാനം തൊഴിൽ സംവരണം നൽകുന്ന നിയമം ഈ മാസം ആദ്യം ഹൈക്കോടതി ഇടക്കാല സ്റ്റേ ചെയ്തിരുന്നു. പിന്നീട് ഈ ഉത്തരവ് സംസ്ഥാന സർക്കാർ സുപ്രീം കോടതിയിൽ ചോദ്യം ചെയ്തു. നിയമം അധികാര വ്യവസ്ഥയ്ക്ക് എതിരാണെന്നും ഭരണഘടനയുടെ വ്യവസ്ഥകൾക്ക് വിരുദ്ധമാണെന്നും ചില വ്യവസായ സ്ഥാപനങ്ങൾ വാദിച്ചു.

എന്നാൽ, സംസ്ഥാന സർക്കാർ വാദിക്കുന്നതിങ്ങനെ ; - ഭരണഘടനയ്ക്ക് കീഴിൽ ഭൂമി ശാസ്ത്രപരമായ വർഗ്ഗീകരണം മാത്രമാണ് നിയമം ചെയ്യുന്നത്. സംസ്ഥാനത്ത് താമസിക്കുന്ന ആളുകൾക്ക് ജീവിക്കാനുള്ള അവകാശം സംരക്ഷിക്കണം. ആരോഗ്യം, ജീവിത സാഹചര്യം, തൊഴിൽ എന്നിവ ചെയ്യാനുള്ള അവരുടെ അവകാശം എന്നിവ സംരക്ഷിക്കണം. അതിനാണ് ഈ ഉത്തരവെന്ന് സർക്കാർ വ്യക്തമാക്കുന്നു.

2020 - ലെ , ഹരിയാന സ്റ്റേറ്റ് എംപ്ലോയ്മെന്റ് ഓഫ് ലോക്കൽ കാൻഡിഡേറ്റ്സ് ആക്ട് പ്രകാരം, സ്വകാര്യ കമ്പനികൾ, സൊസൈറ്റികൾ, ട്രസ്റ്റുകൾ, പാർട്ണർഷിപ്പ് സ്ഥാപനങ്ങൾ എന്നിവയെ ഉൾപ്പെടുത്തിയാണ് ഉത്തരവ് പുറത്ത് വന്നിരിക്കുന്നത്. 30,000 രൂപയിൽ താഴെ പ്രതിമാസ ശമ്പളം വാഗ്ദാനം ചെയ്യുന്ന സ്വകാര്യ മേഖലയിലെ ജോലികളിൽ പ്രാദേശിക യുവാക്കൾക്ക് 75% സംവരണം നൽകുന്നു. ഇതാണ് സർക്കാർ പുറത്ത് വിട്ട ഉത്തരവ്. അതേസമയം, ഹരിയാന സർക്കാരിന്റെ ഈ ഉത്തരവ്, ജനുവരി 15 മുതൽ പ്രാബല്യത്തിൽ വന്നു.