• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

സുപ്രീംകോടതിയും കൈവിട്ടതോടെ സോംനാഥ് കീഴടങ്ങാന്‍ ഒരുങ്ങുന്നു

  • By Anwar Sadath

ദില്ലി: ഭാര്യ നല്‍കിയ ഗാര്‍ഹിക പീഡന പരാതിയില്‍ പോലീസ് അറസ്റ്റിന് നീക്കം നടത്തവെ ഒളിവില്‍ പോയ ആം ആദ്മി പാര്‍ട്ടി നേതാവ് സോംനാഥ് ഭാരതി കീഴടങ്ങാന്‍ ഒരുങ്ങുന്നു. മുന്‍കൂര്‍ ജാമ്യത്തിനായി സുപ്രീം കോടതിയില്‍ നല്‍കിയ ഹര്‍ജി തള്ളിയതോടെയാണ് സോംനാഥ് കീഴടങ്ങാന്‍ തയ്യാറാകുന്നത്. സോംനാഥിനോട് കീഴടങ്ങാന്‍ സുപ്രീംകോടതി അന്ത്യശാസനം നല്‍കിയിരുന്നു.

ദില്ലി കോടതിയും ഹൈക്കോടതിയും നേരത്തെ സോംനാഥിന്റെ മുന്‍കൂര്‍ ജാമ്യാപേക്ഷ തള്ളിയിരുന്നു. ഇതേ തുടര്‍ന്ന് പോലീസിന് മുന്നില്‍ കീഴടങ്ങാന്‍ ദില്ലി മുഖ്യമന്ത്രി അരവിന്ദ് കെജ് രിവാള്‍ തന്നെ നേരിട്ട് ആവശ്യപ്പെടുകയും ചെയ്തു. എന്നാല്‍, കീഴടങ്ങാന്‍ കൂട്ടാക്കാത്ത ഭാരതി പോലീസിന്റെ കണ്ണുവെട്ടിച്ച് വിവിധ സ്ഥലങ്ങളില്‍ ചുറ്റിയടിക്കുകയാണ്.

ഭാരതി ഒരു പ്രൊഫണല്‍ ക്രിമനലിനെ പോലെയാണ് ഒളിവില്‍ കഴിയുന്നതെന്ന് പോലീസ് ഉദ്യോഗസ്ഥനും ആരോപിച്ചിരുന്നു. മൊബൈല്‍ സിം കാര്‍ഡുകള്‍ അടിക്കടി മാറ്റിയും വാഹനത്തില്‍ ദില്ലിയുടെ അതിര്‍ത്തിയിലൂടെ സഞ്ചരിച്ചും ഭാരതി അന്വേഷണ ഉദ്യോഗസ്ഥരെ ആശയക്കുഴപ്പത്തിലാക്കുകയാണെന്ന് കണ്ടെത്തിയതിനെ തുടര്‍ന്നായിരുന്നു പോലീസ്, ക്രിമനലുമായി ഭാരതിയെ താരതമ്യപ്പെടുത്തിയത്.

ഭാര്യ ലിപിക മിത്രയാണ് സോംനാഥ് ഭാരതിക്കെതിരെ ഗാര്‍ഹിക പീഡന പരാതി നല്‍കിയത്. സോംനാഥ് ശാരീരിക പീഡനങ്ങള്‍ ഏല്‍പ്പിച്ചെന്നും നായയെ അഴിച്ച് വിട്ട് കടിപ്പിക്കാന്‍ ശ്രമിച്ചെന്നും, ഗര്‍ഭഛിദ്രത്തിന് പ്രേരിപ്പിച്ചെന്നുമൊക്കെ ലിപിക പരാതിയില്‍ ആരോപിക്കുന്നു. ഈ പരാതിയില്‍ കഴമ്പുണ്ടെന്ന് പോലീസ് കണ്ടെത്തിയതോടെയാണ് അറസ്റ്റിന് തയ്യാറെടുക്കുന്നത്.

English summary
Supreme Court tells Somnath bharati to surrender
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more