• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പാതയോരത്തെ മദ്യ നിരോധനം ബാറുകള്‍ക്കും സ്റ്റാര്‍ ഹോട്ടലുകള്‍ക്കും ബാധകം!! ദൂരപരിധിയില്‍ ഇളവ്!!

  • By Gowthamy

ദില്ലി: ദേശീയ സംസ്ഥാന പാതയോരത്തെ മദ്യശാലകള്‍ പൂട്ടുന്നതു സംബന്ധിച്ച ഉത്തരവ് ബാറുകള്‍ക്കും ബാധകമെന്ന് സുപ്രീംകോടതി. സ്റ്റാര്‍ ഹോട്ടലുകള്‍ക്കും വിധി ബാധകമാണെന്ന് കോടതി വ്യക്തമാക്കി. പാതയോരത്തെ ബാറുകളും മാറ്റി സ്ഥാപിക്കേണ്ടി വരുമെന്ന് കോടതി അറിയിച്ചു.

അതേസമയം ദൂരപരിധിയില്‍ ഇളവ് നല്‍കിയിട്ടുണ്ട്. 20,000ത്തില്‍ താഴെ ജനസംഖ്യയുള്ള പ്രദേശങ്ങള്‍ക്കാണ് ദൂരപരിധിയില്‍ ഇളവ് നല്‍കിയിട്ടുള്ളത്. 500 മീറ്ററില്‍ നിന്ന് 220 ആയാണ് കുറച്ചിരിക്കുന്നത്. ലൈസന്‍സ് കാലാവധി തീരാത്ത മദ്യശാലകള്‍ക്ക് സമയം നീട്ടി നല്‍കിയിട്ടുണ്ട്. സെപ്തംബര്‍ 30 വരെയാണ് സമയം നീട്ടി നല്‍കിയത്.

ചീഫ്ജസ്റ്റിസ് ജെഎസ് കേഹാര്‍ അധ്യക്ഷനായ ബഞ്ചാണ് ഹര്‍ജി പരിഗണിച്ചത്. പാതയോരത്തെ മദ്യശാലകള്‍ മാറ്റണമെന്ന സുപ്രീംകോടതി വിധി പിന്‍വലിക്കുക, വിധിയിലെ വ്യവസ്ഥകള്‍ പരിഷ്‌കരിക്കുക, മദ്യക്കടകള്‍ എന്നതില്‍ ബാര്‍ ഹോട്ടലും മറ്റും ഉള്‍പ്പെടുമോയെന്ന് വ്യക്തമാക്കുക എന്നിങ്ങനെ 54 ഹര്‍ജികള്‍ പരിഗണിച്ചാണ് കോടതി വിധിയില്‍ വ്യക്തത വരുത്തിയത്.

ജനങ്ങളുടെ ആരോഗ്യം കണക്കിലെടുത്താണ് പാതയോരത്തെ മദ്യശാലകള്‍ പൂട്ടണമെന്ന് വിധി പുറപ്പെടുവിച്ചിരിക്കുന്നതെന്ന് കോടതി വ്യക്തമാക്കി.

അതേസമയം വിധി കേരളത്തിന് തിരിച്ചടിയായിട്ടുണ്ട്. സുപ്രീംകോടതി വിധി ബാറുകള്‍ക്ക് ബാധകമല്ലെന്നു വ്യക്തമാക്കി കോരള സര്‍ക്കാരിനു ലഭിച്ച നിയമോപദേശത്തിന് വിരുദ്ധമാണ് വിധി. സുപ്രീംകോടതി വിധി പ്രകാരം മദ്യശാലകള്‍ മാറ്റി സ്ഥാപിക്കാനുള്ള അവസാന ദിവസം ഇന്നാണ്. എന്നാല്‍ ബെവ്‌കോ ഔട്ട്‌ലെറ്റുകള്‍ മാറ്റി സ്ഥാപിക്കാന്‍ എട്ട് മാസത്തെ സമയം നല്‍കണമെന്ന ആവശ്യവും കോടതി തള്ളി.

വിധി അംഗീകരിക്കുന്നുവെന്ന് എക്‌സൈസ് മന്ത്രി ജി. സുധാകരന്‍ പ്രതികരിച്ചു.

English summary
supreme court verdict on liquar shop near high ways.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more