• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

വിവരാവകാശം; ലളിത് മോദിയെക്കുറിച്ചുള്ള ചോദ്യം വേണ്ടെന്ന് സുഷമയുടെ ഓഫീസ്

  • By Anwar Sadath

ദില്ലി: വിവാദമായ ലളിത് മോദി വിഷയത്തില്‍ സുഷമാ സ്വരാജിന്റെ ഓഫീസില്‍ വിവരാവകാശ നിയമപ്രകാരം നല്‍കിയ അപേക്ഷയ്ക്ക് മറുപടി നല്‍കാന്‍ വിസമ്മതിച്ചു. ഏഴു ചോദ്യങ്ങളായിരുന്നു അപേക്ഷയില്‍ ഉണ്ടായിരുന്നെങ്കിലും ഒന്നിനും മറുപടി ലഭിച്ചിരുന്നില്ല. ഒന്നു മുതല്‍ മൂന്നുവരെയുള്ള ചോദ്യങ്ങള്‍ക്ക് ഉത്തരം നല്‍കാനാകില്ലെന്ന് പറഞ്ഞപ്പോള്‍ നാല് മുതല്‍ ഏഴ് വരെയുള്ള ചോദ്യങ്ങള്‍ക്കുള്ള ഉത്തരം ലഭ്യമല്ലെന്നായിരുന്നു മറുപടി.

ലളിത് മോദിക്ക് അനര്‍ഹമായ ആനുകൂല്യങ്ങള്‍ നല്‍കിയത് ആരാണെന്നത് ഉള്‍പ്പെടയുള്ള ചോദ്യങ്ങളാണ് തള്ളിയിരിക്കുന്നത്. നേരത്തെ ദില്ലി ഹൈക്കോടതി ലളിത് മോദിയുടെ പാസ്‌പോര്‍ട്ട് മടക്കിനല്‍കണമെന്ന് ഉത്തരവിട്ടിരുന്നു. ഈ ഉത്തരവിനെതിരെ സുപ്രീം കോടതിയില്‍ പോകാതിരിക്കാനുള്ള ഉത്തരവ് ആരുടെയാണെന്നും ചോദ്യത്തിലുണ്ടായിരുന്നു.

ചോദ്യങ്ങള്‍ വിദേശകാര്യമന്ത്രാലയം തള്ളിയതിനെ തുടര്‍ന്ന് അപേക്ഷ കോണ്‍സുലാര്‍, പാസ്‌പോര്‍ട്ട്, വിസാ ഡിവിഷന്‍, ധനകാര്യമന്ത്രാലയം എന്നിവിടങ്ങളിലേക്ക് കൈമാറിയതായാണ് വിവരം. മോദിയെ സുഷമാ സ്വരാജ് വഴിവിട്ട രീതിയില്‍ സഹായിച്ചെന്ന് ഉറപ്പായതോടെ ഇതുസംബന്ധിച്ച വിവരങ്ങളൊന്നും പുറത്തുവിടരുതെന്ന് കര്‍ശന നിര്‍ദ്ദേശം നല്‍കിയിരുന്നു. ഇതേ തുടര്‍ന്നാണ് വിവരാവകാശ നിയമപ്രകാരമുള്ള അപേക്ഷയില്‍ മറുപടി നല്‍കാതിരുന്നത്.

ചോദ്യങ്ങള്‍ക്കെല്ലാം വ്യക്തമായ ഉത്തരം നല്‍കിയിരുന്നെങ്കില്‍ സുഷമാ സ്വരാജിന്റെ നിലനില്‍പ് കൂടുതല്‍ അപകടത്തിലാകുമെന്നുറപ്പാണ്. വിദേശകാര്യമന്ത്രി രാജിവെക്കേണ്ടെന്ന ബിജെപി നിലപാടും സുഷമയ്ക്ക് ഗുണകരമായി. അതേസമയം, വിഷയത്തില്‍ പ്രധാനമന്ത്രി മൗനം പാലിക്കുന്നത് പ്രതിപക്ഷകക്ഷികളുടെ എതിര്‍പ്പിന് ഇടയാക്കിയിട്ടുണ്ട്.

English summary
Sushma Swaraj's Ministry Refused RTI on Lalit Modi
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more