സ്വാമി നിത്യാനന്ദ ലൈംഗികശേഷി പരിശോധനയ്ക്ക് വിധേയമാകണം:സുപ്രീം കോടതി
ദില്ലി: വിവാദ സ്വാമി നിത്യാനന്ദ ലൈംഗിക ശേഷി പരിശോധയ്ക്ക് വിധേയമാകണമെന്ന് സുപ്രീം കോടതി ഉത്തരവിട്ടു. ലൈംഗികശേഷി പരിശോധനയ്ക്ക് വിധേനാകണമെന്ന് കര്ണാടക ഹൈക്കോടതിയും വിധിച്ചിരുന്നു. ഈ വിധിയെ ചോദ്യം ചെയ്ത് നിത്യാനന്ദ സുപ്രീം കോടയതില് സമര്പ്പിച്ച ഹര്ജിയിലാണ് വിധി.
നടി രഞ്ജിതയുമായുള്ള വീഡിയോ ദൃശ്യങ്ങള് പുറത്ത് വന്നതോടൊണ് നിത്യാനന്ദയ്ക്കെതിരായ ലൈംഗികാരപോണങ്ങള് ശ്രദ്ധയാകര്ഷിയ്ക്കാന് തുടങ്ങിയത്. വീഡിയോ പുറത്ത് വന്നതിനെത്തുടര്ന്ന് നിത്യാനന്ദ തങ്ങളെ പീഡിപ്പിച്ചതായി ഒരു അമേരിയ്ക്കന് വനിത ഉള്പ്പടെ ഒട്ടേറെ സ്ത്രീകള് പരാതിപ്പെട്ടു. തുടര്ന്ന് ബാംഗ്ളൂര് ആശ്രമത്തില് നിന്ന് ഇയാള് മുങ്ങി.
2010 ല് ഹിമാചല് പ്രദേശില് നിന്ന് അറസ്റ്റിലായി. താനൊരു കുഞ്ഞിനെപ്പോലെയാണെന്നും ലൈംഗിക ശേഷിയില്ലെന്നും ഇയാള് കോടതിയില് വാദിച്ചു. വാദം നിരസിച്ച കോടതി ലൈംഗിക ശേഷി പരിശോധിയ്ക്കാന് ഉത്തരവിട്ടു, എന്നാല് കേസുമായി വിവിധ കോടതികളില് എത്തി പരിശോധനയില് നിന്ന് ഒഴിവാവുകയായിരുന്നു സന്യാസിയുടെ പതിവ്.
വൈദ്യപരിശോധനയ്ക്ക് വിധേയനാകണമെന്ന ഹൈക്കോടതിയുടെ ഉത്തരവിനെതിരെ നിത്യാനന്ദ സുപ്രീം കോടതിയെ സമീപിച്ചത്. എന്നാല് അപ്പീല് സുപ്രീം കോടതി തള്ളിയതോടെ ലൈഗിക ശേഷി പരിശോധനയ്ക്ക് നിത്യാനന്ദ വിധേയനാകേണ്ടി വരും.