സായി ബാബ മുസ്ലീം, ബീഫും കഴിച്ചിട്ടുണ്ട്!

വരാണസി: സായി ബാബ മുസ്ലീം ആയിരുന്നത്രെ. അദ്ദേഹം ഇടക്കിടെ ബീഫും കഴിക്കുമായിരുന്നത്രെ. നമ്മുടെ പുട്ടപ്പര്‍ത്തിയിലെ സായി ബാബയെ കുറിച്ചല്ല ഇത് പറയുന്നത്, പഴയ ഷിര്‍ദ്ദി സായി ബാബയെ കുറിച്ചാണ്.

ദ്വാരകാപീഠിലെ ശങ്കരാചാര്യര്‍ സ്വാമി സ്വരൂപാനന്ദ സരസ്‌വതിയാണ് ഇങ്ങനെ ഒരു അഭിപ്രായ പ്രകടനം നടത്തിയിരിക്കുന്നത്. ഷിര്‍ദ്ദി ബാബ ഏതെങ്കിലും ഒരു മതത്തിന്റെ വക്താവായിട്ടായിരുന്നില്ല പക്ഷേ അറിയപ്പെട്ടിരുന്നത്.

സ്വരൂപാനന്ദ ഇതാദ്യമായല്ല ഷിര്‍ദ്ദി ബാബക്കെതിരെ തിരിയുന്നത്. കഴിഞ്ഞ വര്‍ഷവും സമാനമായ വിമര്‍ശനം ഇദ്ദേഹം ഉന്നയിച്ചിരുന്നു.

ഷിര്‍ദ്ദി സായി ബാബയെ ഒരു തട്ടിപ്പുകാരനായിട്ടാണ് സ്വരൂപാനന്ദ കാണുന്നത്. 'എല്ലാവരുടേയും ഉയടോന്‍ ഒരാളാണ്' എന്ന വാക്കുകള്‍ സായി ബാബയുടേതല്ലെന്നും ഗുരു നാനാക്കിന്റേതാണെന്നും സ്വരൂപാനന്ദ പറയുന്നു.

ഹിന്ദു ക്ഷേത്രങ്ങളില്‍ സായി ബാബുയുടെ വിഗ്രങ്ങള്‍ സ്ഥാപിക്കുന്നത് സര്‍ക്കാര്‍ തടയണം എന്ന ആവശ്യവും ഇദ്ദേഹം ഉന്നയിക്കുന്നുണ്ട്. സായി ബാബയുടെ പേരിലുള്ള ട്രസ്റ്റ് സാമ്പത്തിക തട്ടിപ്പ് നടത്തിയതായും സ്വാമി ആരോപിക്കുന്നുണ്ട്.

സായിട്രസ്റ്റിന്റെ 100-ാം വാര്‍ഷികം ആഘോഷിക്കുവാന്‍ പോവുകയാണ്. ഇതിനായി 1200 കോടി രൂപയാണ് ചെലവഴിക്കാന്‍ പോകുന്നതെന്നാണ് സ്വാമി പറയുന്നത്. ഈ തുക ആഘോഷങ്ങള്‍ക്ക് ചെലവാക്കാതെ മഹാരാഷ്ട്രയിലെ കര്‍ഷകരുടെ ഉന്നമനത്തിന് വേണ്ടി ചെലവഴിക്കണം എന്നും സ്വരൂപാനന്ദ സരസ്വതി പറയുന്നു.

English summary

Swaroopananda does it again, says Sai was a Muslim who used to eat beef