ഐഎസ് ഉന്മൂലനം: സിറിയന് ദൗത്യം പൂര്ത്തിയായതായി റഷ്യന് സൈന്യം
മോസ്കോ: സിറിയയില് ഐ.എസ് ഭീകരരെ കെട്ടുകെട്ടിക്കാനുള്ള ദൗത്യം പൂര്ണമായും നിറവേറ്റിക്കഴിഞ്ഞതായി റഷ്യന് സൈന്യം അവകാശപ്പെട്ടു. ഭീകരരുടെ നിയന്ത്രണത്തിലുള്ള ഒരു പ്രദേശവും ഇനി സിറിയയില് അവശേഷിക്കുന്നില്ലെന്ന് മുതിര്ന്ന സൈനിക ഉദ്യോഗസ്ഥന് സെര്ജി റുഡ്സ്കോയ് അറിയിച്ചു. ഇസ്ലാമിക് സ്റ്റേറ്റ് ഭീകരരുടെ നിയന്ത്രണത്തിനുള്ള ഒരു ഗ്രാമം പോലും സിറിയയില് ഇന്നില്ല- അദ്ദേഹം വ്യക്തമാക്കി. സിറിയയില് നിന്ന് ഭീകരരെ തുടച്ചുനീക്കുന്നതില് റഷ്യന് സൈന്യം സജീവമായ പങ്കാണ് വഹിച്ചതെന്നും അദ്ദേഹം പറഞ്ഞു.
അവസാന ദിവസങ്ങളില് ഒരോ ദിവസവും റഷ്യന് വിമാനങ്ങള് നൂറുകണക്കിന് നിരീക്ഷണപ്പറക്കലുകള് നടത്തി. നൂറുകണക്കിന് വ്യോമാക്രമണങ്ങളും സംഘടിപ്പിച്ചു. അതോടൊപ്പം സിറിയന് സര്ക്കാര് സൈനികര്ക്ക് നിര്ദേശങ്ങള് നല്കുന്നതിനും ആക്രമണങ്ങള് ഏകോപിപ്പിക്കുന്നതിനുമായി റഷ്യയുടെ പ്രത്യേക സൈനികരുടെ സേവനവും ലഭ്യമാക്കുകയുണ്ടായി. ഒളിത്താവളങ്ങളില് കഴിയുകയായിരുന്ന ഐ.എസ് നേതാക്കളെ വധിക്കുന്നതിനുള്ള പദ്ധതികളും ആവിഷ്ക്കരിച്ച് നടപ്പാക്കിയതായും അദ്ദേഹം പറഞ്ഞു.
അതേസമയം, സിറിയന് പ്രവിശ്യയായ ദേര് അസ്സൂറിന്റെ എട്ട് ശതമാനത്തോളം പ്രദേശത്ത് ഐ.എസ്സിന്റെ സാന്നിധ്യമുള്ളതായി ആഭ്യന്തര സംഘര്ഷത്തെക്കുറിച്ച് നിരീക്ഷണം നടത്തുന്ന സിറിയന് ഒബ്സര്വേറ്ററി ഫോര് ഹ്യൂമണ് റൈറ്റ്സ് അറിയിച്ചു. എന്നാല് ഒറ്റതിരിഞ്ഞ സംഘങ്ങള് എവിടെയെങ്കിലുമൊക്കെ പ്രവര്ത്തിക്കുന്നുണ്ടാവാമെന്നും അവരെ സിറിയന് സൈന്യം നേരിടുമെന്നും റഷ്യന് സൈനിക വക്താവ് പറഞ്ഞു. വരുംദിനങ്ങളില് സൈനിക നടപടികളില് നിന്ന് പിന്വാങ്ങി തകര്ന്ന സിറിയന് പ്രദേശങ്ങള് പുനര്നിര്മിക്കുന്നതില് റഷ്യ പങ്കാളിയാകുമെന്നും അദ്ദേഹം അറിയിച്ചു.
ആഭ്യന്തര സംഘര്ഷം രൂക്ഷമായ സിറിയയില് പ്രസിഡന്റ് ബശ്ശാറുല് അസദിന്റെ സൈന്യത്തെ സഹായിക്കുന്നതിന് 2015 സപ്തംബറിലാണ് റഷ്യന് സൈന്യത്തിന്റെ ഇടപെടല് ആരംഭിച്ചത്. ഇസ്ലാമിക് സ്റ്റേറ്റ് ഭീകരര് ഉള്പ്പെടെയുള്ള സായുധ വിഭാഗങ്ങളുടെ നിയന്ത്രണത്തില് നിന്ന് സിറിയന് പ്രദേശങ്ങള് മോചിപ്പിക്കാന് റഷ്യയുടെ സൈനിക പിന്തുണ ബശ്ശാറുല് അസദിന് നിര്ണായകമായിരുന്നു.
-
മൊണാലിസയ്ക്കായി 42 ലക്ഷം ചെലവാക്കി, 10 കോടി വായ്പയെടുത്തു; സംവിധായകന് സനോജ് മിശ്ര -
'നടിയായാല് പ്രശസ്തിയുമുണ്ടാകുമെന്ന് കരുതി..'; മൊണാലിസയെ നാട്ടിലെത്തിക്കണമെന്ന് മുഖ്യമന്ത്രിയോട് പിതാവ് -
രാജ്യത്തിനോ ഭരണാധികാരികൾക്കോ എതിരല്ല എൻ്റെ പോസ്റ്റ്';വിമർശനങ്ങളിൽ മറുപടിയുമായി നടി മീനാക്ഷി -
ഗ്യാസ് ക്ഷാമത്തെ തോല്പിക്കാന് ബെംഗളൂരുവിന്റെ കിടിലന് ഐഡിയ; ഗ്യാസ് സ്വന്തം നിലയില് ഉല്പാദിപ്പിക്കും -
ഗണേഷിന് ഒപ്പം ഉണ്ടായിരുന്നത് വനിതാ ഡോക്ടറാണെന്ന്,അങ്ങനെയുള്ള ആൾ അത് ചെയ്യുമോ';ശാന്തിവിള ദിനേശ് -
കലാഭവന് സരിഗയെ അപമാനിച്ചു? മറുപടിയുമായി ശങ്കര്: ഞാന് ഉദ്ദേശിച്ചത് ഇങ്ങനെ: വിളിച്ച് സോറി പറഞ്ഞു -
അഖിൽ മാരാർ കൊട്ടാരക്കരയിലേക്കല്ല, തൃപ്പൂണിത്തുറയിൽ? അതിലും രണ്ട് അഭിപ്രായം..സാബുവിനായി ബിജെപി -
'മമ്മൂട്ടിയോടെന്ന പോലെ മാപ്പ് പറയണമെന്നല്ല, ഇനി ഉപദ്രവിക്കരുതെന്ന് പറയണം', മുഖ്യമന്ത്രിയോട് പ്രേംകുമാർ -
ബെംഗളൂരുകാർക്ക് ആശ്വാസം; സിൽക്ക് ബോർഡിലെ ഡെബിൾ ഡെക്കർ മേൽപ്പാലം ഉടൻ പൂർണമായി തുറക്കും -
'മീനാക്ഷിയെ കളഞ്ഞില്ലേ, ആർക്ക് വേണ്ടിയാണ് ഈ സമ്പാദിച്ച് കൂട്ടുന്നത്; മഞ്ജു വാര്യർക്ക് അധിക്ഷേപം..മറുപടി -
വജ്രായുധവുമായി ഇറാൻ; ഹോർമുസ് കടലിടുക്ക് തുറക്കാം..പക്ഷെ ഒരേയൊരു ഡിമാൻ്റ്..യുഎസ് പെടും?;കുറിപ്പ് -
വിജയ് ദേവരകൊണ്ടയ്ക്കൊപ്പം അഭിനയിക്കുന്നതില് വീട്ടുകാരുമായി വഴക്ക്; തുറന്ന് പറഞ്ഞ് രശ്മിക
Click it and Unblock the Notifications
Sign in with Google