ശരീരത്തില്‍ സ്പര്‍ശിച്ച അധ്യാപകനെ തമിഴ് നടി കരണത്തടിച്ചു

വാഗമണ്‍: നടിമാരുടെ ഡ്രെസ്സിന് നീള കുറഞ്ഞാല്‍ പൊതു വേദിയില്‍ അവരെ അടിക്കുന്ന ആരാധകരുണ്ട്. പൊതുസ്ഥലത്ത് വച്ച് ദേഹത്ത് തൊടാന്‍ ശ്രമിച്ചാല്‍ ആളെ നോക്കാത്തെ കരണത്തടിച്ച നടിമാരുടെ ചരിത്രവും സിനിമാ ലോകത്തുണ്ട്. അങ്ങനെ ഒടുവില്‍ തല്ല് കിട്ടിയിരിക്കുന്നത് ഒരു അധ്യാപകനാണ്.

ഫോട്ടോ എടുക്കുന്നതിനിടെ ശരീരത്ത് സ്പര്‍ശിച്ചു എന്നാരോപിച്ചാണ് നടി അധ്യാപകന്റെ കരണം പൊളിച്ചത്. വാഗമണ്‍ മൊട്ടക്കുന്നിലാണ് സംഭവം. കൊല്ലം ജില്ലയിലെ സ്‌കൂളില്‍ നിന്നും വിനോദയാത്രയ്ക്ക് പുറപ്പെട്ട അധ്യാപക സംഘമാണ് തല്ലുമേടിച്ചു മടങ്ങിയത്.

വാഗമണ്ണില്‍ ഒരു തമിഴ് ചിത്രത്തിന്റെ ഷൂട്ടിങ് നടക്കുന്നുണ്ടായിരുന്നു. ഒരു നൃത്തരംഗത്തിന്റെ ചിത്രീകരണത്തിനിടെയാണ് അധ്യാപക സംഘം സെറ്റിലെത്തിയത്. നടിയ്‌ക്കൊപ്പം നിന്ന് ഫോട്ടോ എടുക്കണമെന്ന് അധ്യാപകര്‍ ആവശ്യപ്പെട്ടപ്പോള്‍ നടി വിസമ്മതിച്ചു.

ഇതിനിടയിലാണ് ഒരു അധ്യാപകന്റെ കൈ നടിയുടെ ദേഹത്ത് തൊട്ടത്. ഉടനെ വന്നു നടിയുടെ കൈയ്യും. കൊണ്ടത് അധ്യാപകന്റെ കരണത്ത്. ഷൂട്ടിങ് സെറ്റിലുള്ളവര്‍ എതിര്‍പ്പുമായി എത്തിയതോടെ വാഗമണ്‍ പൊലീസ് എത്തി അധ്യാപകരെ സ്റ്റേഷനിലെത്തിച്ചു. പ്രശ്‌നമുണ്ടാക്കിയ അധ്യാപകര്‍ മദ്യപിച്ചിരുന്നുവെന്ന് പൊലീസ് പറഞ്ഞു. രണ്ട് അധ്യാപകര്‍ക്കെതിരെ കേസെടുത്തിട്ടുണ്ട്.

English summary

Tamil actress slaps teacher who try to touch her body