Click it and Unblock the Notifications
Just In
Don't Miss
-
IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
'ജനം ടിവി മോഡൽ' തമിഴ്നാട്ടിലും, സ്വന്തമായി ചാനൽ ആരംഭിക്കാൻ തമിഴ്നാട് ബിജെപി
പാർട്ടിക്ക് സ്വന്തം ചാനൽ എന്ന പദ്ധതി നടപ്പിലാക്കാനുളള നീക്കത്തിലാണ് തമിഴ്നാട് ബിജെപി. കേരളമാണ് തമിഴ്നാട് ബിജെപിക്ക് മുന്നിലുളള മോഡൽ
ചെന്നൈ: 2024ലെ ലോക്‌സഭാ തിരഞ്ഞെടുപ്പ് മുന്നില്‍ക്കണ്ട് തെന്നിന്ത്യന്‍ സംസ്ഥാനങ്ങളില്‍ സ്വാധീനം വര്‍ധിപ്പിക്കാനുളള ശ്രമങ്ങളിലാണ് ബിജെപി. 2021ലെ നിയമസഭാ തിരഞ്ഞെടുപ്പില്‍ അണ്ണാഡിഎംകെയുമൊത്ത് സഖ്യമായി മത്സരിച്ച് തമിഴ്‌നാട്ടില്‍ ബിജെപിക്ക് 4 സീറ്റുകളില്‍ വിജയിക്കാന്‍ സാധിച്ചിരുന്നു. തമിഴ്മണ്ണില്‍ ആഴത്തില്‍ വേരിറക്കാന്‍ കേരളാ മോഡലില്‍ ടിവി ചാനല്‍ തുടങ്ങാനുളള തീരുമാനത്തിലാണ് ബിജെപി.
കേരളത്തിലുളള ജനം ടിവി മാതൃകയില്‍ തമിഴ്നാട്ടിലും വാര്‍ത്താ ചാനല്‍ ആരംഭിക്കാനാണ് ബിജെപിയുടെ ശ്രമം എന്നാണ് റിപ്പോര്‍ട്ടുകള്‍. ജനം ടിവി പോലൊരു പേര് തന്നെ ആയിരിക്കും തമിഴ്‌നാട്ടിലെ ബിജെപി ചാനലിനും എന്ന് സംസ്ഥാനത്തെ മുതിര്‍ന്ന നേതാക്കളില്‍ ഒരാള്‍ ഇന്ത്യന്‍ എക്‌സ്പ്രസിനോട് പ്രതികരിച്ചു. ആള്‍വാര്‍പേട്ടിലായിരിക്കും ചാനല്‍ ആസ്ഥാനം.
പാര്‍ട്ടി ചാനല്‍ ആരംഭിക്കുന്നതിനുളള പ്രാരംഭ ചെലവ് പതിനഞ്ച് കോടിയോളം വരും എന്നാണ് കണക്കാക്കുന്നത്. ഈ പണം തമിഴ്‌നാട്ടിലെ ബിജെപി-ആര്‍എസ്എസ് അനുഭാവികളില്‍ നിന്നും പ്രവര്‍ത്തകരില്‍ നിന്നും അടക്കം പിരിച്ചെടുക്കാനാണ് ഉദ്ദേശിക്കുന്നത് എന്നും പാര്‍ട്ടി നേതാവ് ഇന്ത്യന്‍ എക്‌സ്പ്രസിനോട് പറഞ്ഞു. ചാനല്‍ എപ്പോഴേക്ക് ലോഞ്ച് ആകും എന്നത് തീരുമാനമായിട്ടില്ല. മുപ്പതുകാരനായ ബിജെപി തമിഴ്നാട് അധ്യക്ഷന്‍ കെ അണ്ണാമലയുടേതാണ് സ്വന്തമായി പാര്‍ട്ടിക്കൊരു ചാനല്‍ എന്ന ആശയമെന്നും ബിജെപി നേതാവ് വ്യക്തമാക്കി.
അണ്ണാമലൈയുടെ മേല്‍നോട്ടത്തിലായിരിക്കും പാര്‍ട്ടി ചാനലിനുളള പ്രവര്‍ത്തനങ്ങള്‍ നടക്കുക. 2023 ഏപ്രിലില്‍ ബിജെപി സംസ്ഥാനത്ത് ആരംഭിക്കുന്ന പദയാത്രയുടെ വിപുലമായ കവറേജ് ആണ് ചാനല്‍ തുടങ്ങാനുളള പ്രധാന കാരണമെന്നും ബിജെപി നേതാവ് പറഞ്ഞു. 2015ലാണ് കേരളത്തില്‍ ബിജെപി അനുകൂല ചാനലായ ജനം ടിവിയുടെ തുടക്കം. ശബരിമല സമരകാലത്ത് ബിജെപി നിലപാട് പ്രചരിപ്പിക്കുന്നതില്‍ വലിയ പങ്ക് വഹിച്ച ജനം ടിവിക്ക് ബാര്‍ക്ക് റേറ്റിംഗില്‍ മുന്‍നിര ചാനലുകള്‍ക്ക് വെല്ലുവിളി ഉയര്‍ത്താനും സാധിച്ചിരുന്നു.
