• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

തമിഴ്‌നാട്ടില്‍ ഒന്നും പറയാനാകില്ല: ഡിഎംകെ - കോണ്‍ഗ്രസ് മുന്നണി മുന്നില്‍!

  • By Muralidharan

ചെന്നൈ: അഭിപ്രായ സര്‍വ്വേകളെ കാറ്റില്‍ പറത്തി തമിഴ്‌നാട്ടില്‍ എക്‌സിറ്റ് പോള്‍ പ്രവചനങ്ങള്‍. അഭിപ്രായ സര്‍വ്വേകള്‍ ഒന്നടങ്കം പറഞ്ഞിരുന്നത് തമിഴ്‌നാട്ടില്‍ മുഖ്യമന്ത്രി ജയലളിത ഭരണം തുടരുമെന്നാണ്. എന്നാല്‍ എക്‌സിറ്റ് പോളുകള്‍ക്ക് ആ അഭിപ്രായമില്ല.

ഡി എം കെ - കോണ്‍ഗ്രസ് കൂട്ടുകെട്ടിന് 114 മുതല്‍ 119 സീറ്റുകള്‍ വരെ കിട്ടുമെന്നാണ് ന്യൂസ് നേഷന്‍ എക്‌സിറ്റ് പോള്‍ അഭിപ്രായപ്പെടുന്നത്. ഭരണകക്ഷിയായ എ ഐ എ ഡി എം കെ 95 മുതല്‍ 99 വരെ സീറ്റുകളില്‍ ഒതുങ്ങും. ഡി എം കെ - കോണ്‍ഗ്രസ് കൂട്ടുകെട്ടിന് 39 ശതമാനം വോട്ടുകള്‍ കിട്ടും. അതേസമയം ഇതിലും നാല് ശതമാനം കുറവായിരിക്കും എ ഐ എ ഡി എം കെയുടെ സീറ്റ് ഷെയര്‍.

ക്യാപ്റ്റന്‍ വിജയകാന്തിന്റെ ഡി എം ഡി കെ നേതൃത്വം നല്‍കുന്ന പീപ്പിള്‍സ് ഡെമോക്രാറ്റിക് ഫ്രണ്ട് 14 സീറ്റുകള്‍ പിടിക്കും. കാര്യമായ പിന്തുണയില്ലാതെ മത്സരിക്കുന്ന ബി ജെ പി 4 സീറ്റുകള്‍ പിടിക്കുമെന്നും ന്യൂസ് നേഷന്‍ എക്‌സിറ്റ് പോള്‍ പ്രവചിക്കുന്നു. മറ്റുള്ളവര്‍ക്ക് 9 സീറ്റുകള്‍ കിട്ടും. 234 അംഗ തമിഴ്‌നാട് അസംബ്ലിയില്‍ തൂക്കുമന്ത്രിസഭയായിരിക്കും എന്ന് ചുരുക്കം.

തമിഴ്‌നാട്ടില്‍ ഇന്ത്യ ടുഡേ എക്‌സിറ്റ് പോള്‍ ഫലം പുറത്ത് വന്നതില്‍ ഡി എം കെയ്ക്ക് 124 മുതല്‍ 140 വരെ സീറ്റ് കിട്ടുമെന്ന് പ്രവചനം. എ ഐ എ ഡി എം കെയ്ക്ക് 89 മുതല്‍ 101 വരെ സീറ്റ് കിട്ടുമെന്നാണ് ഫലം പറയുന്നത്. ബി ജെ പി മൂന്ന് സീറ്റുകളില്‍ ഒതുങ്ങും. മറ്റുള്ളവര്‍ക്ക് 4 മുതല്‍ 8 സീറ്റ് വരെ ലഭിക്കും.

സീ വോട്ടര്‍ പറയുന്നു, ജയലളിത തിരിച്ചടിക്കും

ന്യൂസ് നേഷന്റെയും ഇന്ത്യ ടുഡേയുടെയും എക്‌സിറ്റ് പോളുകള്‍ക്ക് നേര്‍ വിപരീതമാണ് സീ വോട്ടറിന് നല്‍കാനുള്ളത്. എ ഐ എ ഡി എം കെയ്ക്ക് 138 സീറ്റുകള്‍ കിട്ടുമെന്നാണ് സീ വോട്ടര്‍ പറയുന്നത്. മറ്റ് സര്‍വ്വേകള്‍ സാധ്യത കല്‍പിച്ച ഡി എം കെ - കോണ്‍ഗ്രസ് സഖ്യം 78 സീറ്റില്‍ ഒതുങ്ങും. മറ്റ് പാര്‍ട്ടികള്‍ നേട്ടമുണ്ടാക്കില്ല എന്നും സഖ്യം പറയുന്നു.

English summary
Tamil Nadu election 2016: A look at exit -poll survey results.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X