ചെന്നൈയിൽ നിന്ന് സ്വർണം വാങ്ങുന്നുണ്ടോ? 22കാരറ്റ്,18 കാരറ്റ് വില ഇങ്ങനെ..വിവിധ ജ്വല്ലറികളിലെ നിരക്കും

By Desk

Updated: Saturday, May 30, 2026, 11:51 [IST]

ആഗോള വിപണിയിൽ ഇന്ന് സ്വർണ വില ഉയർന്നെങ്കിലും തമിഴ്നാട്ടിൽ വിലയിൽ മാറ്റമില്ല. ചെന്നൈ, കോയമ്പത്തൂർ ഉൾപ്പെടെയുള്ള പ്രധാന നഗരങ്ങളിലെ പ്രമുഖ ജ്വല്ലറികൾ 22,18 കാരറ്റ് ആഭരണങ്ങൾക്ക് ഇന്നലത്തെ അതേ നിരക്കിലാണ് ഇന്നും വ്യാപാരം നടക്കുന്നത്.

സംസ്ഥാനത്തെ പ്രമുഖ ജ്വല്ലറി ശൃംഖലകളായ ജിആർടി ജ്വല്ലേഴ്സ്, വുമിഡി ബംഗാരു ജ്വല്ലേഴ്സ്, ലളിത ജ്വല്ലറി, ശരവണ സ്റ്റോർസ് എലൈറ്റ് ജ്വല്ലറി, ഡിഎആർ ജ്വല്ലറി എന്നിവിടങ്ങളിൽ 22 കാരറ്റ് സ്വർണത്തിന് ഒരു ഗ്രാമിന് 14,450 എന്ന നിരക്കാണ് രേഖപ്പെടുത്തിയത്. ഇതോടെ 10 ഗ്രാം സ്വർണത്തിന്റെ വില 1,44,500 ആയി തുടരുന്നു. ഉയർന്ന വില നിലനിൽക്കുന്നതിനാൽ വിവാഹ ആവശ്യങ്ങൾക്കും നിക്ഷേപ ആവശ്യങ്ങൾക്കും സ്വർണം വാങ്ങുന്നവർ കൂടുതൽ സൂക്ഷ്മതയോടെയാണ് വിപണിയെ സമീപിക്കുന്നത്.

24 കാരറ്റ് സ്വർണത്തിന് വിവിധ ജില്ലകളിൽ നിരക്കിൽ നേരിയ വ്യത്യാസമുണ്ട്. ജിആർടി ജ്വല്ലേഴ്സിൽ ഒരു ഗ്രാമിന് 14,450 രൂപയാണ് വില. വുമിഡി ബംഗാരു ജ്വല്ലേഴ്സിൽ 15,775, കോയമ്പത്തൂരിലെ കോട്ട ഗോൾഡ് ജ്വല്ലറിയിൽ 15,818, ജെയാചന്ദ്രൻ ഗോൾഡ് ഹൗസിൽ 15,927 എന്നിങ്ങനെയാണ് നിരക്കുകൾ.

18 കാരറ്റ് സ്വർണത്തിന് ജിആർടി ജ്വല്ലേഴ്സ്, വുമിഡി ബംഗാരു ജ്വല്ലേഴ്സ്, ശരവണ സ്റ്റോർസ് എലൈറ്റ് ജ്വല്ലറി, ഡിഎആർ ജ്വല്ലറി എന്നിവിടങ്ങളിൽ ഒരു ഗ്രാമിന് 11,831 എന്ന നിരക്കാണ് രേഖപ്പെടുത്തിയത്. ജെയാചന്ദ്രൻ ഗോൾഡ് ഹൗസിൽ 11,945.45 ഉം, സ്വർണ്ണ മാളികയിൽ 12,255 രൂപയുമാണ് ഗ്രാമിന് വില.

ജിആർടി ജ്വല്ലേഴ്സിൽ 14 കാരറ്റ് സ്വർണം ഒരു ഗ്രാമിന് 9,202 രൂപയാണ് വില. സംസ്ഥാനതല ശരാശരി നിരക്ക് ഏകദേശം 9,157 രൂപയാണ്.

വെള്ളി വിപണിയിലും വലിയ മാറ്റങ്ങളില്ല. ജിആർടി ജ്വല്ലേഴ്സിൽ ഒരു ഗ്രാമിന് 270 രൂപയ്ക്കാണ് വ്യാപാരം നടക്കുന്നത്. വുമിഡി ബംഗാരു ജ്വല്ലേഴ്സ്, ലളിത ജ്വല്ലറി, ശരവണ സ്റ്റോർസ് എലൈറ്റ് ജ്വല്ലറി, ജെയാചന്ദ്രൻ ഗോൾഡ് ഹൗസ്, സ്വർണ്ണ മാളിക എന്നിവിടങ്ങളിൽ 290 രൂപയാണ്. കോയമ്പത്തൂരിലെ കോട്ട ഗോൾഡ് ജ്വല്ലറിയിൽ 285ഉം ഡിഎആർ ജ്വല്ലറിയിൽ 245 രൂപയും രേഖപ്പെടുത്തി.

ബുള്ളിയൻ വിപണി കണക്കുകൾ പ്രകാരം സംസ്ഥാനത്ത് 24 കാരറ്റ് സ്വർണം ഗ്രാമിന് 15,698ലും 22 കാരറ്റ് സ്വർണം 14,390ലും ആണ് വ്യാപര. 10 ഗ്രാം 24 കാരറ്റ് സ്വർണത്തിന് 1,56,980യും ഒരു കിലോഗ്രാം വെള്ളിക്ക് 2,68,080യും ആണ് നിലവിലെ നിരക്ക്.

ആഗോള വിപണിയിൽ സ്വർണവിലയിൽ ശക്തമായ അനിശ്ചിതത്വം തുടരുന്നതിനിടയിലാണ് ആഭ്യന്തര വിപണിയിലെ ഈ സ്ഥിരത. അമേരിക്കൻ ഡോളറിന്റെ ദുർബലത, കേന്ദ്ര ബാങ്കുകളുടെ സ്വർണ വാങ്ങൽ, നിക്ഷേപകരുടെ സുരക്ഷിത നിക്ഷേപ താൽപര്യം എന്നിവയാണ് സ്വർണവിലയെ പിന്തുണയ്ക്കുന്ന പ്രധാന ഘടകങ്ങളായി തുടരുന്നത്. ഭൗമരാഷ്ട്രീയ സംഘർഷങ്ങളും പലിശനിരക്ക് പ്രതീക്ഷകളും വിപണിയുടെ ദിശ നിർണയിക്കുന്ന ഘടകങ്ങളായി നിലനിൽക്കുന്നുണ്ട്.

വരും ദിവസങ്ങളിലും ആഗോള സാഹചര്യങ്ങൾ അനുസരിച്ച് സ്വർണവിലയിൽ ചാഞ്ചാട്ടം തുടരാനാണ് സാധ്യതയെന്ന് വിപണി നിരീക്ഷകർ വിലയിരുത്തുന്നു.