Click it and Unblock the Notifications
Just In
Don't Miss
-
ഞാന് കെട്ടാന് ആഗ്രഹിച്ചിരുന്ന കുട്ടിയാണ്, വിവാഹിതയായെങ്കില് അണ്ഫോളോ ചെയ്യുന്നു! അപര്ണയോട് ആരാധകര് -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം -
IPL 2024: ജയം തുടരാന് ഡല്ഹി, കണക്കുവീട്ടാന് ഗുജറാത്ത്; ടോസ് 7 മണിക്ക് -
സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ -
ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
ഇപിഎഫ് നികുതി; മോദി സര്‍ക്കാരിന്റെ തീരുമാനം താന്‍ പറഞ്ഞിട്ട്: രാഹുല്‍ ഗാന്ധി
ദില്ലി: എംപ്ളോയീസ് പ്രോവിഡന്റ് ഫണ്ട് നിക്ഷേപത്തിന് നികുതി ഏര്‍പ്പെടുത്താനുള്ള തീരുമാനം കേന്ദ്രം പിന്‍വലിച്ചത് തന്റെ സമ്മര്‍ദ്ദം മൂലമെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി പറഞ്ഞു. ഇ പി എഫ് നിക്ഷേപത്തിന് നികുതി ഏര്‍പ്പെടുത്താനുള്ള തീരുമാനം പിന്‍വലിക്കുന്നതായി കേന്ദ്രമന്ത്രി അരുണ്‍ ജയ്റ്റ്‌ലി അറിയിച്ചതിന് പിന്നാലെയാണ് രാഹുല്‍ ഗാന്ധിയുടെ വെളിപ്പെടുത്തല്‍.
സര്‍ക്കാരിന്റെ ഈ നിര്‍ദേശം സാധാരണക്കാരായ ആളുകളെ ബാധിക്കും എന്ന് എനിക്ക് തോന്നി. ആളുകള്‍ ഇതിന്റെ ദോഷം സഹിക്കേണ്ടി വരും എന്ന് തോന്നി. സര്‍ക്കാര്‍ നിര്‍ദേശം, ശമ്പളം വാങ്ങുന്നവരെയും മധ്യവര്‍ഗ ആളുകളെയും ദോഷകരമായി ബാധിക്കുന്നതാണ്. ഇക്കാര്യങ്ങള്‍ തിരിച്ചറിഞ്ഞാണ് താന്‍ ഈ നിര്‍ദേശം പിന്‍വലിക്കാനായി കേന്ദ്രസര്‍ക്കാരില്‍ സമ്മര്‍ദ്ദം ചെലുത്തിയത്. ആളുകള്‍ക്ക് ആശ്വാസം കിട്ടിയതില്‍ സന്തോഷമുണ്ട് - രാഹുല്‍ ഗാന്ധി പറഞ്ഞു.
പി എഫില്‍ നിക്ഷേപിച്ചിട്ടുള്ള തുകയുടെ 60 ശതമാനത്തിന് ഏപ്രില്‍ ഒന്നിന് ശേഷം നികുതി ഏര്‍പ്പെടുത്താനുള്ള തീരുമാനം പിന്‍വലിക്കണമെന്ന് രാഹുല്‍ ഗാന്ധി പ്രധാനമന്ത്രി നരേന്ദ്ര മോദിയോട് ആവശ്യപ്പെട്ടിരുന്നു. ഇ പി എഫ് എന്നത് ജനങ്ങളുടെ നിക്ഷേപമാണ്. അതില്‍ നികുതി ചുമത്താനുളള തീരുമാനം തെറ്റാണ്. ഈ തീരുമാനം പിന്‍വലിക്കുന്നതായി പ്രഖ്യാപിക്കണമെന്ന് പ്രധാനമന്ത്രിയോട് താന്‍ അഭ്യര്‍ഥിക്കുന്നു - രാഹുല്‍ നേരത്തെ പറഞ്ഞു. ട്വിറ്ററിലും രാഹുല്‍ ഇക്കാര്യം പറഞ്ഞിരുന്നു.
പി എഫില്‍ നിക്ഷേപിച്ചിട്ടുള്ള തുകയുടെ 60 ശതമാനത്തിന് നികുതി ഏര്‍പ്പെടുത്താനുളള നിര്‍ദേശം ബജറ്റ് പ്രഖ്യാപനത്തിലാണ് ഉണ്ടായത്. ഈ തീരുമാനം ഏറെ വിവാദമായിരുന്നു. ആര്‍ എസ് എസ് ഉള്‍പ്പടെയുള്ള സംഘടനകളും കേന്ദ്രസര്‍ക്കാര്‍ നിര്‍ദ്ദേശത്തെ എതിര്‍ത്തു. വിവാദ നിര്‍ദ്ദേശം പിന്‍വലിയ്ക്കാന്‍ പ്രധാനമന്ത്രി നരേന്ദ്രമോദി തന്നെ നിര്‍ദ്ദേശം നല്‍കുകയായിരുന്നു എന്നും റിപ്പോര്‍ട്ടുകളുണ്ട്.
