വിദ്യാർത്ഥിനികളുടെ സ്വകാര്യഭാഗങ്ങളിൽ സ്പർശിച്ച്,അടുത്തിടപഴകുന്ന ചിത്രങ്ങൾ!അധ്യാപകനെ പോലീസ് പിടികൂടി
പ്രായപൂർത്തിയാകാത്ത വിദ്യാർത്ഥിനികൾക്കൊപ്പമുള്ള ഇയാളുടെ സ്വകാര്യ ചിത്രങ്ങളാണ് സമൂഹമാധ്യമങ്ങളിൽ പ്രചരിച്ചിരുന്നത്.
ദിസ്പൂർ: വിദ്യാർത്ഥിനികളുടെ സ്വകാര്യ ഭാഗങ്ങളിൽ സ്പർശിച്ച്, അവരെ അപകീർത്തിപ്പെടുത്തുന്ന തരത്തിലുള്ള ചിത്രങ്ങൾ പ്രചരിപ്പിച്ച അദ്ധ്യാപകനെ ആസാം പോലീസ് അറസ്റ്റ് ചെയ്തു. ഹയലാക്കണ്ടി മോഡൽ സ്കൂളിലെ അദ്ധ്യാപകൻ ഫൈസുദ്ദീൻ ലസ്ക്കറിനെയാണ് കഴിഞ്ഞദിവസം പോലീസ് അറസ്റ്റ് ചെയ്തത്.
പ്രായപൂർത്തിയാകാത്ത വിദ്യാർത്ഥിനികൾക്കൊപ്പമുള്ള ഇയാളുടെ സ്വകാര്യ ചിത്രങ്ങളാണ് സമൂഹമാധ്യമങ്ങളിൽ പ്രചരിച്ചിരുന്നത്. സ്കൂൾ അദ്ധ്യാപകനായ ഫൈസുദ്ദീൻ വിദ്യാർത്ഥിനികളെ നിർബന്ധിച്ച് തന്നോടൊപ്പമിരുത്തി ചിത്രങ്ങൾ പകർത്തുകയായിരുന്നു. പെൺകുട്ടികളുടെ സ്വകാര്യഭാഗങ്ങളിൽ സ്പർശിച്ച്,അടുത്തിടപഴകുന്ന ചിത്രങ്ങൾ ഇയാൾ തന്നെയാണ് സോഷ്യൽ മീഡിയയിലൂടെ പ്രചരിപ്പിച്ചത്. വിദ്യാർത്ഥിനികളെ അപകീർത്തിപ്പെടുത്തുന്ന ചിത്രങ്ങൾ പ്രചരിക്കുന്നത് ശ്രദ്ധയിൽപ്പെട്ട വിവിധ സംഘടനകൾ ഇയാളെ പിടികൂടണമെന്ന് ആവശ്യപ്പെട്ട് പ്രതിഷേധവുമായി രംഗത്തെത്തിയിരുന്നു.
ക്ലാസ് റൂമിൽ...
സോഷ്യൽ മീഡിയയിൽ പ്രചരിപ്പിച്ച ചിത്രങ്ങളെല്ലാം ക്ലാസ് മുറിയിൽ നിന്നും പകർത്തിയതാണെന്ന് വ്യക്തമാക്കി. ബെഞ്ചുകളും ബ്ലാക്ക് ബോർഡുമെല്ലാമാണ് ചിത്രത്തിന്റെ പശ്ചാത്തലത്തിലുള്ളത്.
അടുത്തിടപഴകുന്ന ചിത്രങ്ങൾ...
വിദ്യാർത്ഥിനികളെ മടിയിലിരുത്തിയും, സ്വകാര്യഭാഗങ്ങളിൽ സ്പർശിച്ചും മോശമായ രീതിയിൽ അടുത്തിടപഴകുന്ന തന്റെ ചിത്രങ്ങളാണ് ഫൈസുദ്ദീൻ ലസ്ക്കർ സോഷ്യൽ മീഡിയയിലൂടെ പ്രചരിപ്പിച്ചത്.
പ്രതിഷേധം...
പ്രായപൂർത്തിയാകാത്ത പെൺകുട്ടികളെ അപകീർത്തിപ്പെടുത്തുന്ന ചിത്രങ്ങളെടുത്ത് പ്രചരിപ്പിച്ച അദ്ധ്യാപകനെ പിടികൂടണമെന്ന് ആവശ്യപ്പെട്ട് ബാലാവകാശ സംഘടനകൾ പ്രതിഷേധവുമായി രംഗത്തെത്തിയിരുന്നു.
ബാലാവകാശ കമ്മീഷനും...
സംഭവം ദേശീയ മാധ്യമങ്ങളിലും വാർത്തയായതോടെ ദേശീയ ബാലാവകാശ കമ്മീഷൻ ആസാം സർക്കാരിനോട് വിശദീകരണം തേടി.
ഒടുവിൽ പിടിയിൽ...
വിദ്യാർത്ഥിനികളെ ചൂഷണം ചെയ്ത് ചിത്രങ്ങളെടുത്ത് അതെല്ലാം പ്രചരിപ്പിച്ച അദ്ധ്യാപകനായ ഫൈസുദ്ദീൻ ലസ്ക്കറിനെ കഴിഞ്ഞ ദിവസമാണ് ആസാം പോലീസ് അറസ്റ്റ് ചെയ്തത്.
മുൻപും...
സമാനമായ കുറ്റകൃത്യത്തിന് ഇയാൾ മുൻപും പോലീസിന്റെ പിടിയിലായിട്ടുണ്ട്. സ്ത്രീയുടെ സാരി മാറ്റി ചിത്രമെടുക്കാൻ ശ്രമിച്ചതിന് കുറച്ചുനാൾ മുമ്പ് ഇയാൾ പിടിയിലായിരുന്നു.
വിരൽ അറുത്തു....
സ്ത്രീയുടെ സാരി മാറ്റി ചിത്രങ്ങളെടുക്കാൻ ശ്രമിച്ചതിന് ജനക്കൂട്ടം ഫൈസുദ്ദീൻ ലസ്ക്കറിനെ മർദ്ദിക്കുകയും, വിരൽ മുറിച്ചുമാറ്റുകയും ചെയ്തിരുന്നു.
Click it and Unblock the Notifications
Sign in with Google