Click it and Unblock the Notifications
Just In
-
-
-
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
പഠിപ്പിക്കല്‍ ഒരു പണിയല്ല, ജീവിതരീതിയെന്ന് മോദി
ദില്ലി: അധ്യാപക ദിനത്തില്‍ നരേന്ദ്ര മോദിയുടെ പ്രസംഗം എല്ലാ സ്‌കൂളുകളിലും തത്സമയം പ്രദര്‍ശിപ്പിക്കണം എന്ന വിവാദത്തിന് ഇപ്പോഴും അവസാനമായിട്ടില്ല. എന്നാല്‍ അധ്യാപകദിനത്തിന്റെ തലേന്ന് മോദി പറഞ്ഞത് ഇങ്ങനെയാണ്- ' പഠിപ്പിക്കുക എന്നത് വെറും ഒരു ജോലിയല്ല. അതൊരു ജീവിത രീതിയാണ് '
ദേശീയ പുരസ്‌കാരം ലഭിച്ച അധ്യാപകരുമായി ദില്ലിയില്‍ നടത്തിയ കൂടിക്കാഴ്ചയിലാണ് മോദി ഇപ്രകാരം പറഞ്ഞത്. അധ്യാപക ദിനത്തിന്റെ തൊട്ട് തലേന്നായിരുന്നു ഈ സംഗമം.
ലോകത്ത് വലിയ മാറ്റങ്ങള്‍ സംഭവിച്ചുകൊണ്ടിരിക്കുകയാണ്. അധ്യാപകര്‍ ഇത് ഉള്‍ക്കൊണ്ട് വിദ്യാര്‍ത്ഥികളെ പ്രാപ്തരാക്കണമെന്ന് മോദി ആവശ്യപ്പെട്ടു. ദേശീയ പുരസ്‌കാരം ലഭിച്ച 350 അധ്യാപകരാണ് പരിപാടിയില്‍ പങ്കെടുത്തത്.
അധ്യാപകര്‍ ഒരിക്കലും വിരമിക്കുന്നില്ലെന്നാണ് മോദി പറയുന്നത്. പുതു തലമുറയെ അവര്‍ എപ്പോഴും പ്രചോദിപ്പിക്കണമെന്നും അദ്ദേഹം പറഞ്ഞു. സമൂഹം പുരോഗമിക്കണമെങ്കില്‍ അധ്യാപകര്‍ കാലത്തിനപ്പുറത്തേക്ക് ചിന്തിക്കണം. ലോകത്ത് നടക്കുന്ന മാറ്റങ്ങള്‍ അവര്‍ തിരിച്ചറിയണമെന്നും മോദി പറഞ്ഞു.
ഗുജറാത്തിന്റെ മുഖ്യമന്ത്രിയാരുമ്പോള്‍ തനിക്ക് രണ്ട് ആഗ്രഹങ്ങളാണ് ഉണ്ടായിരുന്നത്. ബാല്യകാല സുഹൃത്തുക്കളെ കാണണം, പിന്നെ തന്റെ അധ്യാപകരെ ആദരിക്കണം. ഇത് രണ്ടും തനിക്ക് സഫലമാക്കാനായെന്നും മോദി പറയുന്നു. ഒരു വിദ്യാര്‍ത്ഥിയുടെ ജീവിതത്തില്‍ അധ്യാപകരുടെ പങ്ക് വലുതാണെന്നും അദ്ദേഹം പറഞ്ഞു.
ദേശീയ പുരസ്‌കാരത്തിന് തിരഞ്ഞെടുക്കപ്പെട്ട അധ്യാപകര്‍ക്ക് രാഷ്ട്രപതി പ്രണബ് മുഖര്‍ജി അധ്യാപക ദിനത്തില്‍ പുരസ്‌കാരങ്ങള്‍ സമ്മാനിക്കും.
