പ്രണയം നടിച്ച് ഹോട്ടലിലേക്ക് വിളിച്ചു;മദ്യം നല്‍കി പതിനഞ്ചുകാരിയെ കാമുകനും കൂട്ടുകാരും പീഡിപ്പിച്ചു

മദ്യം നല്‍കി മയക്കിയ ശേഷമാണ് കാമുകനും കൂട്ടുകാരും പെണ്‍കുട്ടിയെ ക്രൂരമായി പീഡിപ്പിച്ചത്.

ദില്ലി: പ്രണയം നടിച്ച് ഹോട്ടല്‍ മുറിയിലേക്ക് വിളിച്ചുവരുത്തി മദ്യം നല്‍കിയ ശേഷം പതിനഞ്ച് വയസുകാരിയെ കാമുകനും കൂട്ടുകാരായ ആറ് പേരും ചേര്‍ന്ന് പീഡിപ്പിച്ചു.

ദില്ലിയിലെ ഹോട്ടല്‍ മുറിയില്‍ വെച്ച് നവംബര്‍ 4, വെള്ളിയാഴ്ച രാത്രിയായിരുന്നു പീഡനം നടന്നത്. സംഭവത്തില്‍ പെണ്‍കുട്ടിയുടെ കാമുകനായ റെഹാന്‍ അടക്കം മൂന്നു പേരെ പോലീസ് അറസ്റ്റ് ചെയ്തു.

റെഹാനും പെണ്‍കുട്ടിയും തമ്മില്‍ കഴിഞ്ഞ ഒന്നര വര്‍ഷമായി പ്രണയത്തിലായിരുന്നു. വെള്ളിയാഴ്ച വൈകീട്ട് സിനിമ കാണാനായി റെഹാന്‍ പെണ്‍കുട്ടിയെ ക്ഷണിച്ചു.തുടര്‍ന്ന് ഹോട്ടല്‍ മുറിയിലേക്ക് നിര്‍ബന്ധിച്ച് കൊണ്ടുപോയ പെണ്‍കുട്ടിയെ മദ്യം കലര്‍ത്തിയ പാനീയം നല്‍കി മയക്കിയതിന് ശേഷമാണ് കാമുകനും കൂട്ടുകാരും ചേര്‍ന്ന് പീഡിപ്പിച്ചത്.

പെണ്‍കുട്ടിയെ മയക്കി കിടത്തിയതിന് ശേഷമാണ് റെഹാന്‍ കൂട്ടുകാരെ ഹോട്ടല്‍ മുറിയിലേക്ക് വിളിച്ചുവരുത്തിയത്. ആദ്യം റെഹാനാണ് പെണ്‍കുട്ടിയെ പീഡിപ്പിച്ചത്. പീന്നീട് കൂട്ടുകാരായ ആറ് പേരും പെണ്‍കുട്ടിയെ പീഡനത്തിനിരയാക്കി. നവംബര്‍ 5, ശനിയാഴ്ചയാണ് പെണ്‍കുട്ടിയും രക്ഷിതാക്കളും പോലീസില്‍ പരാതിപ്പെടുന്നത്.

പെണ്‍കുട്ടിയുടെ കാമുകനായ റെഹാന്‍, മോഷണം, മാല പൊട്ടിക്കല്‍ അടക്കം നിരവധി ക്രിമിനല്‍ കേസുകളില്‍ പ്രതിയാണെന്ന് പോലീസ് പറഞ്ഞു. സംഭവത്തില് ഉള്‍പ്പെട്ട മറ്റു മൂന്നു പേര്‍ക്ക് വേണ്ടിയുള്ള തിരച്ചില്‍ ശക്തമാക്കിയതായും പോലീസ് അറിയിച്ചു.

English summary

Teen Raped in Delhi Hotel by Boyfriend and His Friends.She Alleged That They Spiked Her Drink With Alcohol and Then Took Turns Raping Her.