വോളിബോള്‍ താരമായിരുന്ന പെണ്‍കുട്ടിയെ പട്ടാപ്പകല്‍ വെട്ടിക്കൊലപ്പെടുത്തി

കൊല്‍ക്കത്ത: വോളിബോള്‍ താരമായിരുന്ന 14 കാരി പെണ്‍കുട്ടിയെ പട്ടാപകല്‍ യുവാവ് വെട്ടിക്കൊലപ്പെടുത്തി. കൊല്‍ക്കത്തിയിലെ ബരാസതില്‍ വെള്ളിയാഴ്ചയാണ് സംഭവം നടന്നത്.

വോളിബോള്‍ താരമായ സംഗീത ഐക്കിനെ സുബ്രത് സിംഗ് എന്ന യുവാവ് ക്രൂരമായ വെട്ടികൊലപ്പെടുത്തുകയായിരുന്നു.ഗ്രൗണ്ടില്‍ പ്രാക്ടീസ് ചെയ്തിരുന്ന പെണ്‍കുട്ടിയെ അപ്രതീക്ഷിതമായി ആക്രമിക്കുകയായിരുന്നു ഇയാള്‍.

ഗ്രൗണ്ടിലേക്ക് ഓടി വരുന്ന യുവാവിനെ കണ്ട കോച്ച് തടുക്കാന്‍ ശ്രമിച്ചിരുന്നു. പെണ്‍കുട്ടി ഭയന്ന് ഓടി രക്ഷപ്പെടാന്‍ ശ്രമിച്ചെങ്കിലും പിന്തുടര്‍ന്ന് കത്തി ഉപയോഗിച്ച് ആവര്‍ത്തിച്ച് വെട്ടുകയായിരുന്നു. പിന്നീട് ഇയാള്‍ ഓടി രക്ഷപ്പെടുകയും ചെയ്തു.

ആഴത്തില്‍ മുറിവേറ്റ സംഗീതയെ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. പ്രണയാഭ്യാര്‍ത്ഥന നിരസിച്ചതാണ് കൊലപാതകത്തിന് കാരണമെന്നാണ് പോലീസിന്റെ പ്രാഥമിക നിഗമനം. കേസ് രജിസ്റ്റര്‍ ചെയ്ത് യുവാവിനു വേണ്ടിയുള്ള തിരച്ചില്‍ പോലീസ് തുടരുകയാണ്.

English summary

A teenaged girl was hacked to death in Barasat near Kolkata on Friday. A young man allegedly attacked her with a cleaver as she was playing volleyball with 30 other girls.