• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഭക്തി മൂത്ത 16കാരി സ്വന്തം കണ്ണുകൾ ചൂഴ്ന്നെടുത്ത് ദേവിക്ക് നൽകി! കണ്ടുനിന്നവർ ഞെട്ടി...

പാട്ന: സ്വന്തം കണ്ണുകൾ ചൂഴ്ന്നെടുത്ത് ദുർഗാ ദേവിക്ക് സമർപ്പിച്ച 16 വയസുകാരി ഗുരുതരാവസ്ഥയിൽ. ബീഹാറിലെ ദർബംഗാ ബഹേരി ബ്ലോക്കിൽ സിരുവ ഗ്രാമത്തിലാണ് 16 വയസുകാരിയായ പെൺകുട്ടി തന്റെ രണ്ട് കണ്ണുകളും ദേവിക്ക് സമർപ്പിച്ചത്.

കണ്ണുകൾ ചൂഴ്ന്നെടുത്തതിനെ തുടർന്ന് രക്തം വാർന്ന് ഗുരുതരാവസ്ഥയിലായ പെൺകുട്ടിയെ നാട്ടുകാരാണ് പിന്നീട് ആശുപത്രിയിൽ പ്രവേശിപ്പിച്ചത്. ആദ്യം ബഹേരിയിലെ പ്രാഥമികാരോഗ്യ കേന്ദ്രത്തിൽ പ്രവേശിപ്പിച്ച പെൺകുട്ടിയെ പിന്നീട് ദർബംഗ മെഡിക്കൽ കോളേജിലേക്ക് മാറ്റി.

നവരാത്രി ആഘോഷം...

നവരാത്രി ആഘോഷം...

ബിഹാറിലെ സിരുവ ഗ്രാമത്തിൽ നവരാത്രി ആഘോഷങ്ങളുടെ ഭാഗമായി നടന്ന ചടങ്ങിൽ വച്ചാണ് 16വയസുകാരിയായ കോമൾ തന്റെ രണ്ട് കണ്ണുകളും ദുർഗാ ദേവിക്ക് വേണ്ടി നൽകിയത്. കൗമാരപ്രായമാണെങ്കിലും കഴിഞ്ഞ പത്തു വർഷമായി ദുർഗാ ദേവിയുടെ കടുത്ത ഭക്തയായിരുന്ന കോമൾ യാതൊരു മടിയും കൂടാതെയാണ് സ്വന്തം കണ്ണുകൾ ദേവിക്ക് സമർപ്പിച്ചത്. നവരാത്രി ചടങ്ങുകളുടെ ഭാഗമായി നടന്ന പൂജയ്ക്കിടെയായിരുന്നു പെൺകുട്ടിയുടെ അതിസാഹസം. പൂജാസമയത്ത് മറ്റു സ്ത്രീകളെയെല്ലാം സാക്ഷിനിർത്തിയാണ് കോമൾ രണ്ട് കണ്ണുകളും സ്വന്തം കൈകൾ കൊണ്ട് ചൂഴ്ന്നെടുത്തത്. എന്നാൽ സമീപത്തുണ്ടായിരുന്ന മറ്റു ഭക്തജനങ്ങളൊന്നും കോമളിന്റെ കൈവിട്ട കളി കണ്ടിട്ടും സംഭവത്തിൽ ഇടപെട്ടില്ല.

 ആശുപത്രിയിലേക്ക്...

ആശുപത്രിയിലേക്ക്...

സ്വന്തം കൈകൾ കൊണ്ട് രണ്ട് കണ്ണുകളും പുറത്തേക്ക് എടുത്തതോടെയാണ് സംഭവം ഗുരുതരമായത്. കോമളിന്റെ കണ്ണുകളിൽ രക്തം വാർന്നൊഴുകിയതോടെ കൂടിനിന്നവർ ചേർന്ന് പെൺകുട്ടിയെ ആശുപത്രിയിലേക്ക് കൊണ്ടുപോയി. കണ്ണുകൾ രണ്ടും അറ്റുനിൽക്കുന്നതിനാൽ പെണ്‍കുട്ടിയെ പിന്നീട് ദർബംഗ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇപ്പോഴും ചികിത്സയിൽ കഴിയുന്ന പെൺകുട്ടിയുടെ നില ഗുരുതരമായി തുടരുകയാണെന്നാണ് ഡോക്ടർമാരും അറിയിച്ചത്. കൈകൾ കൊണ്ട് കുത്തിയാണ് കോമൾ രണ്ട് കണ്ണുകളും പുറത്തേക്ക് എടുത്തതെന്ന് പെൺകുട്ടിയെ ചികിത്സിച്ച മെഡിക്കൽ കോളേജ് സൂപ്രണ്ട് സന്തോഷ് കുമാർ മിശ്ര പിന്നീട് മാധ്യമങ്ങളോട് പ്രതികരിച്ചു.

ചെറുപ്രായത്തിലെ...

ചെറുപ്രായത്തിലെ...

ദുർഗാദേവിക്ക് വേണ്ടി സ്വന്തം കണ്ണുകൾ നൽകിയ കോമൾ കഴിഞ്ഞ പത്ത് വർഷമായി കടുത്ത ദേവി ഭക്തയാണെന്നാണ് നാട്ടുകാർ പറഞ്ഞത്. രണ്ടു തവണ പത്താം ക്ലാസ് പരീക്ഷയിൽ പരാജയപ്പെട്ടിരുന്നെങ്കിലും വിശ്വാസ കാര്യങ്ങളിൽ കോമൾ അതീവശ്രദ്ധപുലർത്തിയിരുന്നു. ദുർഗാദേവി പലതവണയായി തന്റെ സ്വപ്നങ്ങളിൽ പ്രത്യക്ഷപ്പെടാറുണ്ടെന്നു, ദേവിക്ക് വേണ്ടി ഒരു അവയവം ദാനം ചെയ്യണമെന്ന് ദുർഗാദേവി ആവശ്യപ്പെട്ടിരുന്നതായും കോമൾ കൂട്ടുകാരോട് പറഞ്ഞിരുന്നു. ഈ സ്പ്നങ്ങളും ഭക്തിയുമാണ് കോമളിനെ അതിസാഹസത്തിന് പ്രേരിപ്പിച്ചതെന്നാണ് പോലീസ് പറയുന്നത്. അതേസമയം, ഇത്തരത്തിലുള്ള ദൈവാരാധന അംഗീകരിക്കാനാകില്ലെന്നും, ഇതിനു പിന്നിൽ മാനസിക പ്രശ്നങ്ങളാണെന്നും പ്രമുഖ ക്ഷേത്ര പൂജാരിയായ ഭാവ്നാഥ് ജാ പറഞ്ഞു.

സീരിയൽ നടിക്കായി മത്സരഫലം അട്ടിമറിച്ചു! കേരള സർവകലാശാല കലോത്സവ വേദിയിൽ പ്രതിഷേധം...

രോഗിയുടെ അഭിനയമെന്ന് പറഞ്ഞ് ചികിത്സ നിഷേധിച്ചു; ഗർഭിണിയുടെ മരണത്തിന് കാരണം ഡോക്ടർമാരുടെ അനാസ്ഥ...

English summary
teenage girl takes out her eyes to offer them to goddess durga.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more