19കാരിക്ക് നേരെ കൂട്ടബലാത്സഗം: കാലും നാക്കും കുഴഞ്ഞെന്ന് ഡോക്ടര്മാര്, സംഭവം പിറന്നാള് ദിനത്തില്
മുംബൈ: മുംബൈയില് 19കാരി കൂട്ടബലാത്സംഗത്തിനിരയായി. പിറന്നാള് ആഘോഷം കഴിഞ്ഞ് തിരിച്ചുവരുമ്പോള് ചെമ്പൂര് പ്രദേശത്ത് വെച്ചാണ് സംഭവം. കൂട്ട ബലാത്സംഗത്തില് അഞ്ജാതര്ക്കെതിരെ പോലീസ് കേസെടുത്തിട്ടുണ്ട്. എന്നാല് സംഭവത്തെക്കുറിച്ച് പെണ്കുട്ടി ആരോടും പറഞ്ഞില്ലെന്നും കരഞ്ഞുകൊണ്ടിരിക്കുകയായിരുന്നുവെന്നുമാണ് രക്ഷിതാക്കള് പറയുന്നത്. ജൂലൈ ഏഴിനാണ് സംഭവം. എന്നാല് ആരോഗ്യനില വഷളായതോടെ പെണ്കുട്ടിയെ ആശുപത്രിയിലെത്തിക്കുകയായിരുന്നു. എന്നാല് ഡോക്ടര്മാര് പരിശോധിച്ചതോടെയാണ് പെണ്കുട്ടി പീഡനത്തിരയായതായി സ്ഥിരീകരിച്ചത്.
ജമ്മുകശ്മീരിലെ ഭരണഘടനാ മാറ്റത്തെക്കുറിച്ച് അറിവില്ല: സൈനിക വിന്യാസം സുരക്ഷയ്ക്കെന്ന് ഗവര്ണര്
നാക്കിലും കയ്യിലും പരിക്കേറ്റ പെണ്കുട്ടിയുടെ ഒരു കാലും ഭാഗികമായി തളര്ന്ന നിലയിലാണുള്ളത്. എന്നാല് പെണ്കുട്ടിയുടെ ആരോഗ്യസ്ഥിതി മെച്ചപ്പെട്ടുവരുന്നതായി ഡോക്ടര്മാര് സാക്ഷ്യപ്പെടുത്തുന്നു. ഔറംബാദിലെ ആശുപത്രിയില് പ്രവേശിപ്പിച്ചതോടെയാണ് പെണ്കുട്ടിയുടെ കാല് തളരുന്നതും കോമയിലേക്ക് പോകുന്നതായും ശ്രദ്ധയില്പ്പെട്ടത്. ഐസിസിയുവില് പ്രവേശിപ്പിച്ചിരുന്ന പെണ്കുട്ടിക്ക് സംസാരിക്കാന് കഴിഞ്ഞിരുന്നില്ലെന്നും പിതാവ് സാക്ഷ്യപ്പെടുത്തുന്നു.