തോറ്റമ്പിയിട്ടും വോട്ട് വിഹിതത്തില് ആര്ജെഡി മുന്നില്; ഞെട്ടിച്ചത് എല്ജെപി, ഈ കണക്ക് പറയും
ബിഹാര് നിയമസഭാ തിരഞ്ഞെടുപ്പിന്റെ ഫലം വന്നപ്പോള് എന്ഡിഎക്ക് മിന്നും ജയം. മഹാസഖ്യം ദുര്ബലമായി. കഴിഞ്ഞ തിരഞ്ഞെടുപ്പില് കോണ്ഗ്രസിന്റെ ദയനീയ പ്രകടനമാണ് മഹാസഖ്യത്തിന് തിരിച്ചടിയയിരുന്നത് എങ്കില് ഇത്തവണ ആര്ജെഡിയും വീണു. ഇത്രയും ദയനീയ തോല്വി എക്സിറ്റ് പോളുകള് പോലും പ്രവചിച്ചിരുന്നില്ല.
അതേസമയം, വോട്ട് വിഹിതത്തില് ആര്ജെഡി ആണ് മുന്നില്. 90ല് അധികം സീറ്റ് നേടിയ ബിജെപിയേക്കാള് കൂടുതല് വോട്ട് ആര്ജെഡിക്കാണ്. ബിജെപിയും ജെഡിയുവും എല്ജെപിയുമെല്ലാം വോട്ട് വിഹിതത്തില് ആര്ജെഡിക്ക് പിന്നിലായി. വോട്ട് വിഹിതത്തില് മുന്നിലെത്തിയിട്ടും എന്തുകൊണ്ട് ആര്ജെഡി ദയനീയമായി പരാജയപ്പെട്ടു? അച്ചടക്കമില്ലാത്ത മല്സര രീതിയാണ് ഈ അവസ്ഥ വരുത്തിവച്ചത്.
2020ല് ഏറ്റവും കൂടുതല് സീറ്റ് കിട്ടിയത് ആര്ജെഡിക്കായിരുന്നു. 75 സീറ്റുകള്. എന്നാല് ഇത്തവണ അവര് 30ല് താഴേക്ക് എത്തി. അതേസമയം, കഴിഞ്ഞ തവണ 74 സീറ്റ് നേടി രണ്ടാം സ്ഥാനത്തെത്തിയ ബിജെപി ഇത്തവണ 90ല് അധികം സീറ്റ് നേടി മികച്ച മുന്നേറ്റം നടത്തി. ബിജെപി മൊത്തം 101 സീറ്റിലാണ് മല്സരിച്ചത് എന്നത് പ്രത്യേകം പറയണം. ആര്ജെഡി 143 സീറ്റിലും.
രാംവിലാസ് പാസ്വാന്റെ എല്ജെപിയാണ് ഇത്തവണ ഞെട്ടിച്ചത്. അവര് മല്സരിച്ചത് 29 സീറ്റില് മാത്രമാണ്. 19 സീറ്റില് മികച്ച മുന്നേറ്റം നടത്തി എന്നാണ് ഒടുവിലെ വിവരം. തിരഞ്ഞെടുപ്പ് കമ്മീഷന് വിജയിച്ച സീറ്റുകളുടെ എണ്ണം പൂര്ണമായി പരസ്യപ്പെടുത്തിയാല് ഇക്കാര്യത്തില് കൂടുതല് വ്യക്തത വരും. ജെഡിയു കഴിഞ്ഞ തവണ 43 സീറ്റിലേക്ക് ഇടിഞ്ഞിരുന്നു എങ്കിലും ഇത്തവണ വന് മുന്നേറ്റം നടത്തി 80ല് അധികം സീറ്റ് നേടി.
ബിജെപിയുടെ വോട്ട് വിഹിതം 20%
ഏറ്റവും കൂടുതല് സീറ്റ് നേടിയ ബിജെപിയുടെ വോട്ട് വിഹിതം 20 ശതമാനമാണ്. 80ല് അധികം സീറ്റ് നേടിയ ജെഡിയുവിന്റെ വോട്ട് വിഹിതം 18 ശതമാനമാണ്. എന്നാല് ആര്ജെഡി വലിയ പരാജയം ഏറ്റുവാങ്ങിയെങ്കിലും 22 ശതമാനം വോട്ട് വിഹിതം ലഭിച്ചു. എല്ജെപിക്ക് 5 ശതമാനം വോട്ട് മാത്രമേ ലഭിച്ചുള്ളൂ എങ്കിലും ആര്ജെഡിയുടെ തൊട്ടടുത്തു വരെ സീറ്റുകള് നേടി. 8 ശതമാനം വോട്ട് നേടിയിട്ടും ഒരു കൈവിരലില് എണ്ണാനുള്ള സീറ്റില് പോലും കോണ്ഗ്രസ് ജയിച്ചില്ല.
അസദുദ്ദീന് ഉവൈസിയുടെ മജ്ലിസ് പാര്ട്ടിക്ക് രണ്ട് ശതമാനം വോട്ട് മാത്രമാണ് ലഭിച്ചത്. പക്ഷേ, അവര് ആറ് സീറ്റില് വലിയ മുന്നേറ്റം നടത്തി. 2020ല് അഞ്ച് സീറ്റിലാണ് മജ്ലിസ് പാര്ട്ടി ജയിച്ചത്. പക്ഷേ, നാലു എംഎല്എമാരും കുറച്ചുകാലം കഴിഞ്ഞപ്പോള് ആര്ജെഡിയില് ചേര്ന്നു. ഇത്തവണ മഹാസഖ്യത്തില് ചേരാന് ഉവൈസി പല ശ്രമങ്ങളും നടത്തിയെങ്കിലും തേജസ്വി യാദവ് സമ്മതിച്ചില്ല.
143 സീറ്റില് മല്സരിച്ചതാണ് ആര്ജെഡിക്ക് വോട്ട് വിഹിതം കൂടാന് കാരണം. എല്ലാ മണ്ഡലത്തിലും വോട്ട് ലഭിച്ചെങ്കിലും എല്ലായിടത്തും എതിര്സ്ഥാനാര്ഥികളെ പരാജയപ്പെടുത്താന് അവര്ക്ക് സാധിച്ചില്ല. ബിഹാര് തിരഞ്ഞെടുപ്പില് ഏറ്റവും കൂടുതല് സീറ്റില് മല്സിച്ചതും ആര്ജെഡിയാണ്. കൂടുതല് സീറ്റില് മല്സരിക്കുന്നതില് അല്ല കാര്യം. എത്ര സീറ്റില് ജയിക്കുന്നു എന്നതാണ്. ജയിക്കുമെന്ന് ഉറപ്പുള്ള സീറ്റില് മല്സരിക്കുകയോ മല്സരിക്കുന്ന സീറ്റില് ജയിക്കുകയോ ചെയ്യുന്നതിലേക്ക് തന്ത്രം മാറ്റിയില്ലെങ്കില് ആര്ജെഡിയുടെ അവസ്ഥ വരും.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google