Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
തേജ്പാല്‍ 6 ദിവസത്തെ പോലീസ് കസ്റ്റഡിയില്‍
ദില്ലി: തെഹല്‍ക്ക മുന്‍ എഡിറ്റര്‍ ഇന്‍ ചീഫ് തരുണ്‍ തേജ്പാലിനെ ആറ് ദിവസത്തേക്ക് പോലീസ് കസ്റ്റഡിയില്‍ വിട്ടു. സഹപ്രവര്‍ത്തകയെ ലൈംഗികമായി പീഡിപ്പിച്ച കേസില്‍ ശനിയാഴ്ചയാണ് തേജ്പാലിനെ ക്രൈംബ്രാഞ്ച് സംഘം ഗോവയില്‍വെച്ച് അറസ്റ്റ് ചെയ്തത്.
തേജ്പാലിനെ കസ്റ്റഡിയില്‍ വിട്ടുകിട്ടാനുള്ള പോലീസിന്റെ അപേക്ഷ പരിഗണിച്ച് ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് ശാമ ജോഷിയാണ് ഇദ്ദേഹത്തെ ആറ് ദിവസത്തെ കസ്റ്റഡിയില്‍ വിട്ടത്. തേജ്പാലിനെ 14 ദിവസം കസ്റ്റഡിയില്‍ വേണമെന്നാണ് ഗോവ പോലീസ് ആവശ്യപ്പെട്ടത്. എന്നാല്‍ ഈ ആവശ്യം നിരാകരിച്ച കോടതി ആറ് ദിവസത്തേക്ക് റിമാന്‍ഡ് അനുവദിക്കുകയായിരുന്നു.
കസ്റ്റഡിയില്‍ കിട്ടിയാല്‍ മാത്രമേ തേജ്പാലില്‍ നിന്നും അനുകൂലമായ മൊഴി ലഭിക്കൂ എന്നാണ് പോലീസ് കരുതുന്നത്. സഹപ്രവര്‍ത്തകയുടെ ആരോപണം നിഷേധിച്ച തേജ്പാല്‍ ഇങ്ങനെ ഒരു സംഭവമേ നടന്നിട്ടില്ല എന്ന നിലപാടിലാണ്. തെറ്റായി ഒരു കാര്യവും താന്‍ ചെയ്തിട്ടില്ല എന്ന വാദത്തില്‍ ഉറച്ചുനില്‍ക്കുന്ന തേജ്പാലിനെക്കൊണ്ട് കുറ്റം സമ്മതിപ്പിക്കുക എന്നത് പോലീസിന് എളുപ്പമാവില്ല എന്നാണ് നിയമവിദഗ്ധര്‍ കരുതുന്നത്.
അതേസമയം തേജ്പാല്‍ പെണ്‍കുട്ടിയെ പീഡിപ്പിച്ചു എന്നതിനുള്ള തെളിവുകള്‍ പോലീസിന് ലഭിച്ചതായും റിപ്പോര്‍ട്ടുണ്ട്. ശനിയാഴ്ച രാത്രി ഒമ്പതരയോടെ ഡോണ പോളയില്‍ അറസ്റ്റിലായ തേജ്പാല്‍ കഴിഞ്ഞ രാത്രി ലോക്കപ്പില്‍ ചെലവഴിച്ചു. രണ്ട് കൊലയാളികളും ഒരു സാമൂഹ്യവിരുദ്ധനുമാണ് തേജ്പാലിനൊപ്പം ലോക്കപ്പിലുണ്ടായിരുന്നത്. ഒരാഴ്ചയോളമായി അറസ്റ്റ് ഒഴിവാക്കാന്‍ വിവിധ രീതിയില്‍ തേജ്പാല്‍ ശ്രമങ്ങള്‍ നടത്തി വരികയായിരുന്നു.
