കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

തേജ്പാലിന് കൂട്ട് കൊലക്കേസ് പ്രതികള്‍

Google Oneindia Malayalam News

പനാജി: ലൈംഗികാരോപണക്കേസില്‍ അറസ്റ്റിലായ മുതിര്‍ന്ന മാധ്യമപ്രവര്‍ത്തകന്‍ തരുണ്‍ തേജ്പാലിന് ജയിലില്‍ സഹവാസികളായി കിട്ടിയത് രണ്ട് കൊലപാതകികളെ. കേസില്‍ അറസ്റ്റ് ഒഴിവാക്കാനായി ഒരാഴ്ചയോളം പാഞ്ഞുനടന്ന തെഹല്‍ക്ക മുന്‍ എഡിറ്ററുടെ ജയിലിലെ ആദ്യരാത്രിയായിരുന്നു ശനിയാഴ്ച. കൊലപാതക്കേസില്‍ അറസ്റ്റിലായ രണ്ടുപേര്‍, സമൂഹ്യവിരുദ്ധനായ മറ്റൊരാള്‍ എന്നിവരായിരുന്നു തേജ്പാലിന് ആദ്യരാത്രിയില്‍ കൂട്ടിനുണ്ടായിരുന്നത്.

പീഡനക്കേസില്‍ തേജ്പാലിന്റെ മുന്‍കൂര്‍ ജാമ്യാപേക്ഷ തള്ളിയതിനെത്തുടര്‍ന്ന് രാത്രി വൈകിയാണ് തേജ്പാല്‍ പിടിയിലാകുന്നത്. രാത്രി 9.30 ഓടെ തേജ്പാലിനെ അറസ്റ്റ് ചെയ്ത് വൈദ്യപരിശോധനയ്ക്ക് വിധേയനാക്കി. ഈ ചടങ്ങുകള്‍ കഴിഞ്ഞപ്പോള്‍ പാതിരാത്രി പന്ത്രണ്ടര. രാത്രി രണ്ടുമണിയോടെയാണ് തേജ്പാലിനെ പനാജിയിലെ പോലീസ് ആസ്ഥാനത്തെത്തിച്ചത്.

tejpal

ജയിലിലാണെങ്കിലും തേജ്പാലിന് വീട്ടില്‍ നിന്നും കൊണ്ടുവന്ന വസ്ത്രങ്ങള്‍ ധരിക്കാന്‍ അനുവാദമുണ്ട്. ജയില്‍ ഭക്ഷണം നിര്‍ബന്ധമില്ല. വീട്ടില്‍ നിന്നും കൊണ്ടുവരുന്ന ഭക്ഷണം കഴിക്കാനും ഇദ്ദേഹത്തിന് അനുമതി ലഭിച്ചിട്ടുണ്ട്. ക്രൈംബ്രാഞ്ചിന്റെ ചുമതലയുള്ള പോലീസുകാരാണ് തേജ്പാലിന് ജയിലില്‍ കാവല്‍ നില്‍ക്കുന്നത രാത്രിമുഴുവന്‍ ശാന്തനായി കാണപ്പെട്ട തേജ്പാല്‍ പ്രശ്‌നങ്ങളൊന്നും ഉണ്ടാക്കിയിട്ടില്ലെന്ന് ജയില്‍ അധികൃതര്‍ പറഞ്ഞു.

ലിഫ്റ്റില്‍വെച്ച് സഹപ്രവര്‍ത്തകയെ പീഡിപ്പിച്ച കേസില്‍ ശനിയാഴ്ച വൈകുന്നേരമാണ് തേജ്പാലിന് ഗോവ സെഷന്‍സ് കോടതി ജാമ്യം നിഷേധിച്ചത്. തുടര്‍ന്ന് ഡോണപോള ക്രൈംബ്രാഞ്ച് ഓഫീസില്‍ വെച്ചായിരുന്നു തേജ്പാലിനെ കസ്റ്റഡിയിലെടുത്തത്. പെണ്‍കുട്ടിക്കെതിരെ തേജ്പാല്‍ ലൈംഗിക അതിക്രമം കാണിച്ചതായി പോലീസിന് തെളിവുകള്‍ കിട്ടിയെന്നും റിപ്പോര്‍ട്ടുണ്ട്.

English summary
Tehelka magazine editor Tarun Tejpal spent the night at a police lock-up in Goa with two murder accused and an anti-social person, after he was arrested by the Crime Branch.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X