Click it and Unblock the Notifications
Just In
Don't Miss
-
ബിഗ് ബോസിലെ വിന്നറാവാന് സാധ്യത ഇവര്ക്കോ? ടോപ്പ് ഫൈവിലേക്ക് എത്താന് ചാന്സുള്ളവരെ പറ്റി ആരാധകര് -
പടവലങ്ങയുണ്ടോ നിലക്കടലയോ : രണ്ടും ചേര്ത്ത് കിടിലന് ടേസ്റ്റില് തോരന് -
അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
തേജ്പാലിന്റെ റിമാന്‍ഡ് 12 ദിവസത്തേക്ക് നീട്ടി
പനാജി: സഹപ്രവര്‍ത്തകയെ ലൈംഗികമായി പീഡിപ്പിച്ച കേസില്‍ ജയിലില്‍ കഴിയുന്ന തെഹല്‍ക്ക സ്ഥാപക എഡിറ്റര്‍ തരുണ്‍ തേജ്പാലിന് തല്‍ക്കാലം ജാമ്യമില്ല. ഗോവയിലെ ഫസ്റ്റ് ക്ലാസ് ജുഡീഷ്യല്‍ കോടതിയാണ് തേജ്പാലിന്റെ റിമാന്‍ഡ് നീട്ടിയത്. 12 ദിവസത്തേക്കാണ് തേജ്പാലിന്റെ റിമാന്‍ഡ് കാലാവധി നീട്ടിയിട്ടുണ്ട്.
12 ദിവസത്തെ ജുഡീഷ്യല്‍ കസ്റ്റഡി അവസാനിക്കുന്നതിനാലാണ് തേജ്പാലിന്റെ വക്കീല്‍ ജാമ്യാപേക്ഷയുമായി കോടതിയിലെത്തിയത്. റിമാന്‍ഡ് കാലാവധിക്കാലത്ത് ഒരിക്കല്‍ പോലും പോലീസ് തന്റെ കക്ഷിയെ ചോദ്യം ചെയ്തിട്ടില്ല എന്ന് അദ്ദേഹം വാദിച്ചു. അതുകൊണ്ട് തന്നെ ഇനിയും കസ്റ്റഡിയില്‍ വിടുന്നതില്‍ അര്‍ത്ഥമില്ല എന്നും തേജ്പാലിന് ജാമ്യം അനുവദിക്കണം എന്നുമായിരുന്നു ആവശ്യം.
കേസുമായി ബന്ധപ്പെട്ട് ഒരിക്കല്‍ മാത്രമാണ് തേജ്പാലിനെ അന്വേഷണ സംഘം ചോദ്യം ചെയ്തത്. അതാകട്ടെ റിമാന്‍ഡ് കാലാവധിക്കാലത്തുമല്ല. വാസ്‌കോയ്ക്ക് അടുത്തുള്ള സദ സബ് ജയിലിലാണ് തേജ്പാലിനെ പാര്‍പ്പിച്ചിരിക്കുന്നത്. ലിഫ്റ്റില്‍ വെച്ച് രണ്ട് തവണ തേജ്പാല്‍ തന്നെ ലൈംഗികമായി പീഡിപ്പിച്ചു എന്നാണ് പെണ്‍കുട്ടിയുടെ പരാതി.
പെണ്‍കുട്ടി പീഡനത്തിരയായതായി പറയുന്ന ഹോട്ടിലില്‍ തേജ്പാലിനെ കൊണ്ടുപോയി അന്വേഷണസംഘം തെളിവെടുത്തിരുന്നു. ഡി എന്‍ എ, പോട്ടന്‍സി ടെസ്റ്റുകള്‍ക്കും തേജ്പാല്‍ വിധേയനായി. നേരത്തെ നാടകീയമായ നീക്കങ്ങള്‍ക്കൊടുവില്‍ സുപ്രീം കോടതി മുന്‍കൂര്‍ ജാമ്യാപേക്ഷ തള്ളിയതിനെത്തുടര്‍ന്നാണ് പ്രമുഖ ജേര്‍ണലിസ്റ്റായ തരുണ്‍ തേജ്പാല്‍ പീഡനക്കേസില്‍ അറസ്്റ്റിലാകുന്നത്. സ്ത്രീകള്‍ക്കെതിരായ അക്രമം, ബലാത്സംഗക്കേസ് എന്നിവയാണ് തേജ്പാലിനെതിരെ ചുമത്തിയിട്ടുള്ള കുറ്റങ്ങള്‍.
