Click it and Unblock the Notifications
Just In
Don't Miss
-
വളരെ പക്വതയുള്ളവളാണ്; ഞങ്ങൾ തമ്മിൽ വഴക്കുണ്ടാകുമ്പോൾ; ശാലിനിയെക്കുറിച്ച് അജിത്ത് പറഞ്ഞ വാക്കുകൾ -
IPL 2024: പന്ത് നിലത്ത് തട്ടി? എന്നിട്ടും ഔട്ട് വിളിച്ചു! പൃഥ്വിയുടെ പുറത്താകല് വിവാദത്തില് -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
അരക്കപ്പ് വെണ്ടക്കയില് കിടിലന് പക്കവട: റെസിപ്പി വളരെ എളുപ്പം -
ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ടോം ഉഴുന്നാലിലിനെ തട്ടിക്കൊണ്ടുപോയവര്‍ പിടിയില്‍; മോചനം ഉടന്‍
ദില്ലി: മലയാളി വൈദികന്‍ ഫാ. ടോം ഉഴുന്നാലിലിനെ യെമനില്‍വെച്ച് തട്ടിക്കൊണ്ടു പോയ ഭീകരര്‍ പിടിയില്‍. യെമന്‍ നഗരമായ ഏഡനിന് സമീപത്തെ സൈല എന്ന സ്ഥലത്തുനിന്നുമാണ് അല്‍ഖ്വയ്ദ ഭീകരസംഘടനയിലെ അംഗങ്ങളെന്നു കരുതുന്നവര്‍ പിടിയിലായത്. ഭീകരര്‍ പിടിയിലായെന്ന് യെമനിലെ ഇന്ത്യന്‍ ഏംബസിക്ക് അറിയിപ്പ് ലഭിച്ചതായി വിദേശകാര്യ മന്ത്രാലയ വൃത്തങ്ങള്‍ അറിയിച്ചു.
ഫാദറിനെ ഒളിവില്‍ താമസിപ്പിച്ചിരിക്കുന്ന സ്ഥലം ഇവര്‍ വെളിപ്പെടുത്തിയതായാണ് റിപ്പോര്‍ട്ട്. ഇസ്ലാമിക് സ്‌റ്റേറ്റ് ഭീകരരാണ് ഫാദറിനെ തട്ടിക്കൊണ്ടുപോയതിന് പിന്നിലെന്നായിരുന്നു നേരത്തെയുള്ള വിവരം. സലേഷ്യല്‍ ഡോണ്‍ ബോസ്‌കോ വൈദികനായ ടോം ഉഴുന്നാലിനെ മാര്‍ച്ച് നാലിനാണ് ഭീകരര്‍ തട്ടിക്കൊണ്ടുപോയത്.
ഏദനിലെ മിഷനറീസ് ഓഫ് ചാരിറ്റി വൃദ്ധമന്ദിരം ആക്രമിച്ചശേഷം നാല് ഇന്ത്യന്‍ കന്യാസ്ത്രീകള്‍ ഉള്‍പ്പെടെ 16 പേരെ കൊലപ്പെടുത്തിയ സംഘം വൃദ്ധസദനത്തില്‍ സേവനമനുഷ്ഠിച്ചിരുന്ന ഫാ. ഉഴുന്നാലിലിനെ തട്ടിക്കൊണ്ടുപോവുകയായിരുന്നു. ഇതിനുശേഷം ഏറെക്കാലം ഇദ്ദേഹത്തെക്കുറിച്ച് വിവരമൊന്നുമുണ്ടായിരുന്നില്ല.
അടുത്തിടെ ഫേസ്ബുക്കിലൂടെ ടോം ഉഴുന്നാലിലിനെ മര്‍ദിക്കുന്ന ദൃശ്യങ്ങള്‍ പുറത്തുവന്നതോടെയാണ് അന്വേഷണം വീണ്ടും ശക്തമാക്കിയത്. ഫാ. ഉഴുന്നാലില്‍ ഭീകരരുടെ തടവിലാണെന്നു വിദേശകാര്യമന്ത്രാലയം സ്ഥിരീകരിച്ചിരുന്നെങ്കിലും തടവില്‍ പാര്‍പ്പിച്ചിരിക്കുന്ന കേന്ദ്രം കണ്ടെത്തനായിരുന്നില്ല.
