ലോകത്തെ മികച്ച നഗരങ്ങള്; ലണ്ടന് പിന്നാലെ ബെംഗളൂരു; ഡല്ഹിയെ പോലും പിന്നിലാക്കിയ കാരണങ്ങള് ഇതാണ്
ബെംഗളൂരു: ഇന്ത്യയില് അതിവേഗം വളരുന്ന ഐടി നഗരങ്ങളില് ഒന്നാണ് ബെംഗളൂരു. ഇന്ത്യയിലെമ്പാടും നിന്നും ലക്ഷക്കണക്കിന് ആളുകളാണ് ബെംഗളൂരില് താമസിച്ച് ഐടി മേഖലയില് ജോലി ചെയ്യുന്നത്. യുവത്വത്തിന്റെ ആഘോഷമാണ് ബെംഗളൂരു എന്നൊക്കെ പറയാറുണ്ടെങ്കിലും പ്രായമായവര്ക്കും കുടുംബങ്ങള്ക്കും എല്ലാവര്ക്കും ആസ്വാദ്യകരമായ നിരവധി സ്ഥലങ്ങള് ഇവിടെയുണ്ട്. ഇന്ത്യയുടെ സിലിക്കണ് വാലി എന്നറിയപ്പെടുന്ന ബെംഗളൂരു ജീവിത നിലവാരത്തിലും ഉയര്ന്നുനില്ക്കുന്ന നഗരമാണ്.
ഇപ്പോഴിതാ, ലോകത്തെ ഏറ്റവും മികച്ച 30 നഗരങ്ങളില് ഒന്നായി ബെംഗളൂരുവിനെ തിരഞ്ഞെടുത്തിരിക്കുകയാണ്. ലോകപ്രശസ്തമായ റെസൊണന്സ് കണ്സള്ട്ടന്സി ഈ വര്ഷം പുറത്തിറക്കിയ ആഗോള നഗരങ്ങളുടെ റിപ്പോര്ട്ടിലാണ് ബെംഗളൂരുവിന് 29-ാം സ്ഥാനം ലഭിച്ചിരിക്കുന്നത്. പട്ടികയില് ഒന്നാം സ്ഥാനം ലണ്ടനാണ് എന്നറിയുമ്പോഴാണ് ഈ ദക്ഷിണേന്ത്യന് നഗരത്തിന്റെ പ്രാധാന്യം തിരിച്ചറിയുന്നത്. തുടര്ച്ചയായ പതിനൊന്നാം വര്ഷമാണ് ലണ്ടന് ഒന്നാം സ്ഥാനം നിലനിര്ത്തുന്നത്.

റെസൊണന്സ് കണ്സള്ട്ടന്സി വിലയിരുത്തിയ 270 നഗരങ്ങളില് നിന്നാണ് ബെംഗളൂരുവിന് 29 ആം സ്ഥാനം ലഭിച്ചത്. ഒരു ഐടി നഗരം എന്നതിലുപരി ജീവിതശൈലിയിലുള്ള നിലവാരവും നഗരത്തിന്റെ ആകര്ഷണങ്ങളും കൂടിയാണ് വിലയിരുത്തപ്പെട്ടത്. പ്രകൃതി സൗഹൃദമായ പാര്ക്കുകളും പച്ചപ്പ് നിറഞ്ഞ നഗരവീഥികളും ഭക്ഷണത്തിലെ വൈവിധ്യവും ഷോപ്പിങ്ങിനുള്ള അനന്തമായ സാധ്യതകളും കുടുംബ സൗഹൃദ വിനോദസഞ്ചാര കേന്ദ്രങ്ങളും ഈ പട്ടികയില് ഇടം പിടിക്കാന് കാരണമായി.
ആഗോള പട്ടികയില് ഇടം നേടിയ മറ്റ് മൂന്ന് ഇന്ത്യന് നഗരങ്ങള് മുംബൈയും ഡല്ഹിയും ഹൈദരാബാദുമാണ്. എന്നാല് ഇതൊക്കെ ബെംഗളൂരുവിന് പിന്നിലാണ്. മുംബൈ നാല്പതാം സ്ഥാനത്തും ഡല്ഹി 54-ാം സ്ഥാനത്തും ഹൈദരാബാദ് 82-ാം സ്ഥാനത്തുമാണ്. പൈതൃക നഗരം എന്ന നിലയിലാണ് ഹൈദരാബാദ് പട്ടികയില് ഇടം പിടിക്കാന് കാരണം.
അതിവേഗം വളരുന്ന ബെംഗളൂരുവിലെ ഐടി മേഖല, മെട്രോ ഉള്പ്പെടെയുള്ള മികച്ച കണക്ടിവിറ്റികള്, ബന്നാര്ഘട്ടയിലെ വന്യജീവി മേഖല, വാസ്തുവിദ്യാ അത്ഭുതങ്ങളായ വിധാന് സൗധ, ബാംഗ്ലൂര് പാലസ് തുടങ്ങിയ വിനോദസഞ്ചാര കേന്ദ്രങ്ങളും പരമ്പരാഗത ഭക്ഷണം മുതല് സീ ഫുഡ് വരെയുള്ള ഭക്ഷണ വൈവിധ്യം, വൈവിധ്യമാര്ന്ന ഷോപ്പിംഗ് ഓപ്ഷനുകള് എന്നിയൊക്കെ വിലയിരുത്തിയാണ് 29-ാം സ്ഥാനം ലഭിച്ചത്. പുതുതായി തുറന്ന ബെംഗളൂരു നമ്മ മെട്രോ യെല്ലോ ലൈന് വരെ റിപ്പോര്ട്ടില് പരാമര്ശിച്ചിട്ടുണ്ട്. ഇത് നഗരത്തിലെ കണക്ടിവിറ്റി കൂടുതല് മെച്ചപ്പെടുത്തിയതായി റിപ്പോര്ട്ടില് പറയുന്നു.
-
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ബെംഗളുരു മെട്രോ വികസനം ഇനി ശരവേഗത്തില്; 6,100 കോടിയുടെ വായ്പ അനുവദിച്ചു; ഗുണങ്ങള് ഇങ്ങനെ -
ബെംഗളൂരുവിലെ യാത്രാ ദുരിതം തീരില്ലേ? ബനസ്വാഡി ഫ്ലൈഓവർ 5 വർഷമായിട്ടും കടലാസിൽ തന്നെ, വൻ പ്രതിഷേധം -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി












Click it and Unblock the Notifications