ഇന്ത്യന് സൈന്യത്തിലും കൊറോണ; രോഗം ബാധിച്ചത് ഇറാന് സന്ദര്ശിച്ച പിതാവില് നിന്ന്
ദില്ലി: ഇന്ത്യന് സൈന്യത്തില് ആദ്യത്തെ കൊറോണ വൈറസ് സ്ഥിരീകരിച്ചു. ലഡാക്കിലെ കരസേന വിഭാഗത്തിലെ ലാന്സ് നായിക് റാങ്കിലെ ജവാനാണ് കഴിഞ്ഞ ദിവസം കൊറോണ വൈറസ് സ്ഥിരീകരിച്ചത്. സൈനികന്റെ പിതാവ് ഈയടുത്ത് ഇറാനില് തീര്ത്ഥാടനത്തിന് പോയി തിരിച്ചെത്തിത്തിയതാണ്. ഇദ്ദേഹത്തില് നിന്നാണ് വൈറസ് ബാധയേറ്റത്. പിതാവിന് നേരത്തെ തന്നെ കൊറോണ സ്ഥിരീകരിച്ചിരുന്നെന്ന് സൈന്യത്തിലെ ഉന്നത ഉദ്യോഗസ്ഥര് അറിയിച്ചു.
സൈനികന്റെ പിതാവ് ഇറാനില് തീര്ത്ഥാടനത്തില് പങ്കെടുത്ത് ഫെബ്രുവരി 27നാണ് മടങ്ങിയെത്തിയത്. സൈന്യത്തിലെ ആദ്യത്തെ കൊറോണ പോസിറ്റീവ് കേസാണിതെന്നും സൈനികനും കുടുംബവും അടക്കം എല്ലാവരും ക്വാറന്റൈനിലാണെന്നും ഉന്നത ഉദ്യോഗസ്ഥര് അറിയിച്ചു. സൈനികന്റെ പിതാവ് ഫെബ്രുവരി 29 മുതല് ലഡാക്ക് ഹാര്ട്ട് ഫൗണ്ടേഷനില് നീക്ഷണത്തിലായിരുന്നു. തുടര്ന്നാണ് അദ്ദേഹത്തിന്റെ ഫലം പോസിറ്റീവായത്. ഇപ്പോള് എസ്എന്എം ആശുപത്രിയിലാണ് പിതാവ് ചികിത്സയില് കഴിയുന്നതെന്ന് സൈന്യം അറിയിച്ചു.
34കാരനായ സൈനികന് ഫെബ്രുവരി 25 മുതല് മാര്ച്ച് 1 വരെ ലീവിലായിരുന്നു. തുടര്ന്ന് മാര്ച്ച് 1നാണ് ജോലിയില് പ്രവേശിച്ചത്. അവധി ദിവസങ്ങളില് ഇദ്ദേഹം കുടുംബവുമായി അടുത്ത് ഇടപഴകിയിരുന്നു. പിതാവിന്റെ ഫലം പോസിറ്റീവായതോടെ സൈനികനെ മാര്ച്ച് ഏഴ് മുതലാണ് നിരീക്ഷണത്തിനയച്ചത്. ഇദ്ദേഹം ഇപ്പോള് എസ്എന്എം ആശുപത്രിയിലെ ഐസോലേഷന് വാര്ഡിലാണ്. ഇദ്ദേഹത്തിന്റെ സഹോദരി, ഭാര്യയടക്കമുള്ള എല്ലാ കുടുംബാംഗങ്ങളും നിരീക്ഷണത്തിലാണെന്നും സൈനിക വൃത്തങ്ങള് അറിയിച്ചു.
രാജ്യത്ത് കൊറോണ വൈറസ് പടര്ന്നുപിടിക്കുന്ന സാഹചര്യം വന്നതോടെ എല്ലാ പരിശീലനങ്ങളും സൈന്യം മാറ്റിവച്ചിരുന്നു. മാര്ച്ച് 23നായിരുന്നു സൈന്യത്തിന്റെ മിക്ക വിഭാഗങ്ങളിലും പരീശീലനം ആരംഭിക്കേണ്ടിയിരുന്നത്. വൈറസ് വ്യാപനം തടയുന്നതിനായി വന് മുന്കരുതലുകളാണ് സൈന്യം സ്വീകരിച്ചു പോരുന്നത്. കൂടാതെ സൈന്യത്തിന്റെ നേതൃത്വത്തില് വിവിധ ക്യാമ്പുകളില് ഐസോലേഷനു വേണ്ടിയുള്ള മുന് കരുതലുകള് സ്വീകരിച്ചിട്ടുണ്ട്.
Recommended Video
അതേസമയം, കേന്ദ്രഭരണ പ്രദേശമായ ജമ്മുവിലേക്ക് വിദേശ ടൂറിസ്റ്റുകളുടെ പ്രവേശനം ഇപ്പോള് അനുവദിക്കുന്നില്ല. കൊറോണ പടരുന്ന സാഹചര്യത്തില് മുന്കരുതലിന്റെ ഭാഗമായാണിത്. രാജ്യത്ത് ഇതിനോടകം തന്നെ വിദേശികള്ക്ക് കൊറോണ സ്ഥിരീകരിച്ചിട്ടുണ്ട്. ഇതിനിടെ രാജ്യത്ത് കൊറോണ സ്ഥിരീകരിച്ചവരുട എണ്ണം 148 ആയി. വിദേശികളടക്കമുള്ളവരുടെ കണക്കുകളാണിത്. ഇതില് ഏറ്റവും കൂടുതല് ഫലങ്ങള് പോസിറ്റീവായത് മഹാരാഷ്ട്രയിലാണ്. ഇതുവരെ മൂന്ന് മരണമാണ് രാജ്യത്ത് റിപ്പോര്ട്ട് ചെയ്തത് മുന് കരുതലിന്റെ ഭാഗമായി വലിയ നടപടികളാണ് രാജ്യം സ്വീകരിച്ചു പോരുന്നത്. രാജ്യാതിര്ത്തിയിലെ 18ഓളം ചെക്ക് പോസ്റ്റുകള് ദിവസങ്ങള്ക്ക് മുമ്പ് അടച്ചിരുന്നു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google