Click it and Unblock the Notifications
Just In
Don't Miss
-
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
എനിക്കും റസ്മിനും രണ്ട് ക്ലാരിറ്റിയോ? ജാസ്മിന് ഗബ്രിയോട്; 'ഇത് ഒറ്റ ദിവസം കൊണ്ട് തീര്ക്കാവുന്നതേ ഉള്ളു' -
ആയുസ്സിനും ആരോഗ്യത്തിനും ചെറുധാന്യങ്ങള് ശീലമാക്കാം -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കൊവിഡ്-19 വ്യാപനം 2021 വരെ തുടരും; രോഗികളുടെ കുത്തനെ ഉയരുമെന്ന് എയിംസ് ഡയറക്ടര്‍
ദില്ലി: കൊവിഡ്-19 വൈറസ് വ്യാപനം 2021 വരെ തുടരുമെന്ന് എയിംസ് ഡയറക്ടര്‍ ഡോ:രണ്‍ദീപ് ഗുലേറിയ. വരാനിരിക്കുന്ന മാസങ്ങളില്‍ രോഗികളുടെ എണ്ണം ഉയരുമെന്നും ഗുലേറിയ പറഞ്ഞു. ഇന്ത്യാ ടുഡേയോടായിരുന്നു അദ്ദേഹത്തിന്റെ പ്രതികരണം.
ചെറിയ നഗരങ്ങളിലും ഗ്രാമങ്ങളിലും അടക്കം ഇന്ത്യയില്‍ കൊവിഡ് വ്യാപിച്ചതാണ് രോഗികളുടെ എണ്ണം കുത്തനെ ഉയരുന്നതിന് കാരണം. ഇന്ത്യയിലെ ജനസംഖ്യ കണക്കിലെടുക്കുമ്പോള്‍ കൊവിഡ് രോഗികള്‍ ഇനിയും ഉയരാനാണ് സാധ്യതയെന്നും ഡോ: രണ്‍ദീപ് ഗുലേറിയ പറഞ്ഞു.
ഇതിന് പുറമേ രാജ്യത്തിന്റെ പലഭാഗങ്ങളിലും രണ്ടാംഘട്ട കൊവിഡ് വ്യാപനമാണുണ്ടാവുന്നത്. ഇതിന് വ്യത്യസ്തകാരണങ്ങളുണ്ട്. അതില്‍ പ്രധാനപ്പെട്ടത് കൊവിഡ് ടെസ്റ്റുകള്‍ വര്‍ധിപ്പിച്ചതാണ്. രണ്ടാമത്തേത് കൊവിഡിനെ പ്രതിരോധിക്കുന്നതിനായി നമ്മള്‍ സ്വീകരിക്കേണ്ട മുന്‍കരുതല്‍ നിര്‍ദേശങ്ങളോടുള്ള വിമൂകതയാണ്. ആദ്യഘട്ടത്തില്‍ വളരെ കൃത്യതയോടെ ചെയ്ത പല കാര്യങ്ങളും ഇപ്പോള്‍ ചെയ്യാന്‍ മടി കാണിക്കുകയാണെന്നും ഡോക്ടര്‍ വ്യക്തമാക്കി.
Recommended Video
ഉദാഹരണമായി ദില്ലിയില്‍ ആളുകള്‍ മാസ്‌ക് ധരിക്കാത്തതും കൂട്ടമായി ഒത്തുചേരുന്നതും കൊറോണക്ക് മുമ്പുള്ളതിന് സമാനമായി ട്രാഫിക് ജാം ഉയര്‍ന്നതുമെല്ലാം കൊവിഡ് കേസുകള്‍ കൂടാന്‍ കാരണമാവുന്നുണ്ട്.
അതേസമയം കൊവിഡ് പ്രതിരോധത്തിനായി ഇന്ത്യയില്‍ നിന്നുള്ള മൂന്ന് വാക്‌സിനുകള്‍ ഉള്‍പ്പെടെ ധാരാളം വാക്‌സിനുകള്‍ അതിന്റെ നിര്‍മ്മാണ ഘട്ടത്തിലാണെന്നും ഡോക്ടര്‍ വ്യക്തമാക്കി. എന്തിരുന്നാലും ഏതൊരു വാക്‌സിന്റേയും ഏറ്റവും പ്രധാനപ്പെട്ട പ്രശ്‌നം അത് സുരക്ഷിതമായിരിക്കുകയെന്നതാണെന്നും സാര്‍വത്രികമായി വാക്‌സിനേഷന്‍ നടത്താന്‍ കൂടുതല്‍ സമയം ആവശ്യമാണെന്നും ഗുലേറിയ വ്യക്തമാക്കി.
എന്നാല്‍ ശാരീരിക അകലം പാലിക്കുകയും, മാസ്‌ക് ധരിക്കുകയും, കൃത്യമായി സാനിറ്റൈസര്‍ ഉപയോഗിക്കുക തുടങ്ങിയ കാര്യങ്ങളില്‍ ശ്രദ്ധാലുവാണെങ്കില്‍ മെട്രോ സര്‍വ്വീസ് അടക്കം പൊതുഗതാഗതം ഉപയോഗപ്പെടുത്താമെന്നും ഡോക്ടര്‍ പറഞ്ഞു.
ഇക്കഴിഞ്ഞ 24 മണിക്കൂറിനിടെ ഇന്ത്യയില്‍ റിപ്പോര്‍ട്ട് ചെയ്തത് 86432 കേസുകളാണ്. തുടര്‍ച്ചയായ രണ്ടാം ദിസവമാണ് ഇന്ത്യയില്‍ 80000 ലേറെ കേസുകള്‍ റിപ്പോര്‍ട്ട് ചെയ്യുന്നത്. ഇതോടെ ഇന്ത്യയിലെ കൊവിഡ് കേസുകള്‍ 40 ലക്ഷം കടന്നിരിക്കുകയാണ്.ഇന്ത്യയില്‍ ഇതുവരേയും 69561 പേരാണ് കൊവിഡ് ബാധയെ തുടര്‍ന്ന് മരണപ്പെട്ടിട്ടുള്ളത്.
