കശ്മീരിൽ ഹിസ്ബുൾ മുജാഹീദ്ദീന് സംഭവിക്കുന്നത് പിളർപ്പ്!! തന്നെ എതിർക്കുവർക്ക് സബ്സറിന്റെ വിധി
മൂസയുടെ മുന്നറിയിപ്പ് പുറത്തുവന്നതോടെ കശ്മീർ താഴ് വരയിലെ ഭീകരർ പുതിയ കമാൻഡോ റിയാസ് നായ്കൂവിന്റെ നിർദേശങ്ങള് പാലിക്കാന് തയ്യാറാവുന്നില്ല
ശ്രീനഗർ: ഹിസ്ബുൾ മുജാഹിദ്ദീൻ കമാൻഡോ ആയിരുന്ന സാക്കിർ ഭട്ടിനെ എതിര്ക്കുന്നവര്ക്ക് സബ്സർ ഭട്ടിന്റെ വിധിയെന്ന് മുന്നറിയിപ്പ്. വിമത ഭീകര സംഘടനയുടെ നേതാവായ സാക്കിർ മൂസയാണ് ഹിസ്ബുൾ മുജീഹിദ്ദീന് മുന്നറിയിപ്പുമായി രംഗത്തെത്തിയിട്ടുള്ളതെന്ന് ഇന്ത്യാ ടുഡേ റിപ്പോര്ട്ട് ചെയ്യുന്നു. തനിക്കെതിരെ പ്രവർത്തിക്കുന്നവർക്കും ശബ്ദിക്കുന്നവർക്കുമാണ് മൂസയുടെ മുന്നറിയിപ്പ്.
ഹിസ്ബുൾ മുജാഹിദ്ദീന് വിട്ട സാക്കിർ മൂസയുടെ മുന്നറിയിപ്പ് പുറത്തുവന്നതോടെ കശ്മീർ താഴ് വരയിലെ ഭീകരർ പുതിയ കമാൻഡോ റിയാസ് നായ്കൂവിന്റെ നിർദേശങ്ങള് പാലിക്കാന് തയ്യാറാവുന്നില്ല. ജമ്മു കശ്മീരിലെ ത്രാല് സെക്ടറിലെ വീട്ടിൽ മറ്റൊരു ഹിസ്ബുൾ മുജാഹിദ്ദീൻ ഭീകരനൊപ്പം ഒളിച്ചിരുന്ന സബ്സർ ഭട്ടിന്റെ ഒളിത്താവളത്തെക്കുറിച്ച് സുരക്ഷാ സേനയ്ക്ക് വിവരം നൽകിയത് മൂസയാണെന്ന് നേരത്തെ തന്നെ റിപ്പോർട്ടുകളുണ്ടായിരുന്നു. കഴിഞ്ഞ ആഴ്ച സൈനിക ഏറ്റുമുട്ടലിലായിരുന്നു ബർഹാൻ വാനിയുടെ പിൻഗാമിയായിരുന്ന സബ്സർ ഏറ്റുമുട്ടലിൽ കൊല്ലപ്പെട്ടത്.