ഭര്‍ത്താവ് കൂട്ടബലാത്സംഗക്കേസിലെ പ്രതി, ജയിലിലായത് ഭാര്യയും പിഞ്ചുമക്കളും

സൂറത്ത്: കൂട്ടബലാത്സംഗക്കേസിലെ പ്രതിയുടെ ഭാര്യയും പിഞ്ച് മക്കളും ജയിലില്‍. ഗുജറാത്തിലെ സൂറത്തിലാണ് സംഭവം. അന്‍ഷു ബാബ്ലു ചൗബേ എന്ന യുവതിയും മക്കളുമാണ് ജയിലില്‍ കഴിയുന്നത്. 24കാരിയെ ബലാത്സംഗം ചെയ്യാന്‍ ഭര്‍ത്താവിനും സുഹൃത്തുക്കള്‍ക്കും ഒത്താശ ചെയ്തുവെന്ന് ആരോപിച്ച് അന്‍ഷുവിനെതിരെയും കേസുണ്ട്. ഇവരോടൊപ്പം ഒന്‍പതും എഴും മൂന്നും വയസുള്ള മക്കളേയും ജയിലാക്കിയിട്ടുണ്ട്.

അന്‍ഷുവിന്റെ ഭര്‍ത്താവിനേയും രണ്ട് സുഹൃത്തുക്കളേയും പിടികൂടാന്‍ പൊലീസിന് കഴിഞ്ഞിട്ടില്ല് തുണിമില്ലിലെ ജീവനക്കാരനായ ബബ്ലു, രാജു, സര്‍വേഷ് എന്നിവര്‍ക്കെതിരെയാണ് 24കാരി കൂട്ടബലാത്സംഗത്തിന് പരാതി നല്‍കിയത്. ലിംബായത്ത് സ്വദേശികളാണ് ഇവര്‍. ബലാത്സംഗത്തിന് ഒത്താശ ചെയ്തത് ബാബ്ലുവിന്‍രെ ഭാര്യ അന്‍ഷുവാണ് എന്ന് പരാതിക്കാരി പറയുന്നു. അതോടെയാണ് അന്‍ഷു പൊലീസ് പിടിയിലാകുന്നത്.

ഭര്‍ത്താവും മക്കളും മാത്രം അടങ്ങുന്നതാണ് ഇവരുടെ കുടുബം. ബാബ്ലു ഒളിവിലാണ്. അതിനാല്‍ തന്നെ കുട്ടികളെ സംരക്ഷിയ്ക്കുക ബുദ്ധിമുട്ടാണ്. ഇതോടെയാണ് മക്കളെ തനിയ്‌ക്കൊപ്പം നിര്‍ത്തണമെന്ന് യുവതി കോടതിയോട് അപേക്ഷിച്ചു. തുടര്‍ന്ന് കുട്ടികളെ അമ്മയ്‌ക്കൊപ്പം ജയിലിലാക്കുകയായിരുന്നു.കേസിലെ മൂന്ന് പ്രതികളേയും ഇതുവരേയും അറസ്റ്റ് ചെയ്തിട്ടില്ല. അന്‍ഷുവിനെ വീട്ടില്‍ നിന്നാണ് പൊലീസ് പിടികൂടിയത്.

English summary

Three boys forced to live in Surat jail with accused mother