അസാധാരണ നീക്കവുമായി കര്ണാടക..! കേരളത്തിന് തിരിച്ചടി; നാല് സംസ്ഥാനങ്ങള്ക്ക് യാത്രാവിലക്ക്
ബംഗളൂരു: രാജ്യത്ത് കൊറോണ വ്യാപനം ഉയരുന്ന പശ്ചാത്തലത്തില് ലോക്ക് ഡൗണ് അടക്കമുള്ള നടപടികള് വീണ്ടും നീട്ടിയിരിക്കുകയാണ്. ദേശീയ ദുരന്തനിവാരണ അതോറിറ്റിയാണ് ലോക്ക് ഡൗണ് നീട്ടുന്നത് സംബന്ധിച്ച് പ്രഖ്യാപനം നടത്തിയത്. തുടര്ന്ന് കേന്ദ്ര ആഭ്യന്തരമന്ത്രാലയം വിശദമായ മാര്ഗനിര്ദ്ദേശങ്ങള് പുറത്തിറക്കുകയും ചെയ്തു. എന്നാല് ഇതിനിടെ അസാധാരണ നിയന്ത്രണങ്ങള് ഏര്പ്പെടുത്തിയിരിക്കുകയാണ് കര്ണാടക സര്ക്കാര്. കേരളം തമിഴ്നാട്, മഹാരാഷ്ട്ര, ഗുജറാത്ത് എന്നീ സംസ്ഥാനങ്ങളില് യാത്രക്കാര്ക്ക് വിലക്കേര്പ്പെടുത്തിയിരിക്കുകയാണ് കര്ണാടക. മേയ് 31 വരെ വിലക്ക് തുടരുമെന്നാണ് സംസ്ഥാന വൃത്തങ്ങള് അറിയിച്ചിരിക്കുന്നത്. ഇരു സംസ്ഥാനങ്ങളും അനുമതി നല്കിയാല് അന്തര്സംസ്ഥാന യാത്രകള് യാത്രകള് അനുവദിക്കണമെന്ന് കേന്ദ്രം വ്യക്തമാക്കിയിരുന്നു. ഇതിനെ പിന്നാലെയാണ് കര്ണാടകയുടെ നടപടി.
മേയ് 31 വരെ വിലക്ക്
നാല് സംസ്ഥാനങ്ങളിലേ യാത്രക്കാര്ക്ക് വിലക്കേര്പ്പെടുത്തിയതോടെ കേരളത്തില് നിന്ന് കര്ണാടകയിലേക്കുള്ള യാത്ര തടസമാകും. മേയ് 31 വരെ ഇത് തുടരാനാണ് സര്ക്കാര് തീരുമാനം. സംസ്ഥാനത്ത് രോഗം സ്ഥിരീകരിക്കുന്നവരുടെ എണ്ണത്തില് വലിയ വര്ദ്ധന വരുന്ന സാഹചര്യത്തിലാണ് സര്ക്കാര് ഇത്തരത്തിലുള്ള നടപടി സ്വീകരിച്ചത്. ഇതോടെ കേരളത്തില് നിന്നുള്ളവര്ക്ക് കര്ണാടകയിലേക്ക് യാത്ര ചെയ്യാന് കഴിയാത്ത സാഹചര്യം വരും
ബസ് യാത്ര
അതേസമയം, സംസ്ഥാനത്ത് സര്ക്കാര് ബസ് സര്വീസുകള് പുനരാരംഭിക്കണമെന്ന് മുഖ്യമന്ത്രി ബിഎസ് യെദ്യൂരപ്പ കേന്ദ്ര സര്ക്കാരിനോട് ആവശ്യപ്പെട്ടിരുന്നു. മന്ത്രിസഭ യോഗത്തിന് ശേഷമാണ് മുഖ്യമന്ത്രി ഇക്കാര്യം ആവശ്യപ്പെട്ടത്. ബസുകളില് സാമൂഹിക അകലം പാലിക്കണമെന്നും 30 യാത്രക്കാരെ മാത്രമേ ബസുകളില് യാത്ര ചെയ്യാന് അനുവദിക്കുകയുള്ളുവെന്നും മുഖ്യമന്ത്രി പറഞ്ഞിരുന്നു.
ഓണ്ലൈന് ടാക്സികള്
സംസ്ഥാനത്ത് ഓല, യൂബര് എന്നീ ഓണ്ലൈന് ടാക്സി സര്വീസുകള് ആരംഭിക്കുമെന്നും മുഖ്യമന്ത്രി അറിയിച്ചിരുന്നു. നാളെ മുതലാണ് സര്വീസ് ആരംഭിക്കുക. കണ്ടെയിന്മെന്റ് സോണിന് പുറത്ത് എല്ലാ കടകളും തുറക്കും. എന്നാല് സംസ്ഥാനത്തെ മാളുകളും സിനിമ തീയേറ്റര്, വിദ്യാഭ്യാസ സ്ഥാപനങ്ങള് എന്നിവ അടഞ്ഞുതന്നെ കിടക്കുമെന്നും അറിയിച്ചിട്ടുണ്ട്. സംസ്ഥാനത്തെത്തുന്നവര്ക്ക് 14 ദിവസത്തെ നിര്ബന്ധിത ക്വാറന്റീന് ആവശ്യമാണെന്നും സര്ക്കാര് അറിയിച്ചിട്ടുണ്ട്.
കൊറോണ കേസുകള്
അതേസമയം, സംസ്ഥാനത്ത് കൊറോണ കേസുകള് വര്ദ്ധിക്കുകയാണ്. കര്ണാടകയില് ഇതുവരെ 1147 പേര്ക്കാണ് രോഗം സ്ഥിരീകരിച്ചത്. 601 പേര് ഇപ്പോഴും ചികിത്സയല് തുടരുകയാണ്. 509 പേര്ക്കാണ് ഇതുവരെ രോഗമുക്തി നേടി ആശുപത്രി വിട്ടത്. ഇതുവരെ സംസ്ഥാനത്ത് 37 പേര്ക്കാണ് ജീവന് നഷ്ടമായത്. ഇന്നലെ 13 പേര് രോഗമുക്തി നേടിയപ്പോള് ഒരു മരണം റിപ്പോര്ട്ട് ചെയ്തു.
Recommended Video
ലോക്ക്ഡൗണ്
കഴിഞ്ഞ ദിവസമാണ് കേന്ദ്രം രാജ്യത്തെ ലോക്ക്ഡൗണ് ഇളവുകള് സംബന്ധിച്ച് മാര്ഗരേഖ പുറത്തിറക്കുന്നത്. ലോക്ക്ഡൗണ് മാര്ഗരേഖ വിശദീകരിക്കുന്നതിനായി ഞായറാഴ്ച്ച രാത്രി കേന്ദ്ര ക്യാബിനറ്റ് സെക്രട്ടറി രാജീവ് ഗൗബെ സംസ്ഥാന ചീഫ് സെക്രട്ടറിയുടെ യോഗം വിളിച്ച് ചേര്ത്തിരുന്നു. യോഗത്തില് കേരള ചീഫ് സെക്രട്ടറി കേരളത്തിന്റെ സ്ഥിതിഗതികള് വിലയിരുത്തിയിരുന്നു. ഓരോ സംസ്ഥാനത്തിന്റേയും ഓറഞ്ച്, ഗ്രീന്, റെഡ് സോണുകള് അതത് സംസ്ഥാനങ്ങള്ക്ക് തീരുമാനിക്കാമെന്ന് കേന്ദ്രം നിര്ദേശം നല്കിയിരുന്നു.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google